|
الحرس الوطني والكرامه
السلام عليكم
مشكلتي بالعمل مثل اللي يمشي بطريق مهجور انا عسكري بالحرس الوطني لي تقريبا سنه طبيعه عملي الحضور الساعة 6 ص طابور اركان وبعدها رياضه وهروله ساعتين تقريبا بعدين فطور نص ساعه وبعد الفطور يا محمد نظف الفطور ويا محمد ضبط الشاهي يا محمد تعال مسح الارضيه ويا محمد رتب السراير الين الساعة 10 وبعدين تبدا حصص بالحوش بالحر او بالبرد بس كلن يناظر بوجه الثاني الين الساعه12 الظهر وتنزل اللي عليه خفارات يعني مثلا عندك من 4 العصر الين 6 المغرب وتجي 4 الفجر الين 6 وبعدين تروح معهم طابور اركان و ووالخ... يا اناس انا جتني حاله نفسيه كل ما شكيت الحال لواحد قال لا والله تبالغ ولا يقول استحمل غيرك عسكر مستحملين انا عمري 21 ومعي شهاده ثانويه ,يا ناس وش تنصحوني فيه افصل ولا وش اسوي انا مقدم على وظيفه عسكريه موب زبال و لا خادم عند احد |
الله يكون بعونك أخوي أنصحك نصيحه لاتفصل والله ماتلاقى وظيفة بهالزمن
أصبر لين الله يفرجها أو أطلب نقل إذا أنت مانت عند أهلك كل المواصافات الي عندك عندي العمر + الشهادة + قبلوني الحرس الوطني بالرياض ولارحت ونقدم على الوظايف ولا أحد يقبلنا |
استاذ امير القصيم
بقولك شى اولا هذه العسكرية وبعدين اصبر وهى فترة تدريب وينتهى كل شى وعلى فكرة مافى وظائف الان مثل الاوادم ياراتب ب3000 اللى ماتفتح بيت ولا تقعد عاطل وتاخذ حافز ولا الوظائف الحكومية حقت الوزارة قياس وخرابيط ويروح العمر على ماتجى الوظيفة فالافل نصيحة اخت خلك بمكان ترى راح تندم بعدين واحنا البشر [gdwl](مانعرف قيمة الشى الااذا فقدناه ) [/gdwl] |
اقتباس:
|
تبي شوري والله العسكريه مافيه خيرررررررررررر هذي هي العسريه كلهااااااا كذاء والله قرف والله ستخير ربي وقد فصل والله العسكريه الحين اهااااااااااانه
|
اخوي حاس بمعاناتك بس تحمل واصبر ولاتدور الراحة في الدنيا
غيرك يحتاجها فلا تفرط فيها اصحى ولاتستعجل |
حرام لاتستعجل وتتركها اللي معاهم بكالوريوس وماستر مالقو وظائف
انتبه انتبه تتركها ايام التعب منسيه تذكر كلامي |
نصيحه لك لاتتركها بعدها مآعاد تقدر
تسجل عسكري آبد وزي منت شآيف الدنيا صآرت واسطآت وخلها على ربك بس والامر رآجع لك وآصبر الصبر زين تررى وبالتوفيق ^^ |
لاتفصل اخو ي بس حاول تكمل دراستك وانت على راس العمل وتأخذالبكلوريوس والله بيتحسن مستواك الوظيفي وتبعد عن الظباط الي مايخافوالله وسلامة الطيبين والحمدالله الطيبين كثير
واصحك تسيب عملك الوحد لما يحصل عمل يمسك فية |
على حسب مااعرف ان قطاع الحرس الوطني افضل بكثير من القطاعات الثانيه مثل الجيش والأمنيه
من ناحية الراتب والحوافز والترقيات اصبر خاصه ان مؤهلك ثانوي لاتطلع الا اذا ضمنت قبول من الجامعه انتظام وانسى سالفة الكرامه شوي لانها هي اختبار لك اتذكر اخوي لما كان في المعهد بفترة التدريب وبنفس عمرك كان جاء بيستأذن من المسؤول كم يوم علشان يحضر عرس ب يوم الثلاثاء قاله العسكري عقاب لك ياحمار حتى الخميس والجمعه ماتطلع ومافيه اجازه :Looking: يستخدمون عبارات الاهانه وغير الزحف على الرصيف بعز الشتاء ولا بالحر وذي التدريبات القاسيه كلهم كذا والحين عدى هالمرحله و مظبط وضعه بالعمل وبرتبه طيبه الحمدلله ومرتاح فيه وفقك الله |
والله زوجي نفس الحاله
زوجي كذا يعاملونه بس الفرق انه ولد حرام فصله بالكلام بس يعني لايقدر يفصل رسمي ولا يقدر يرجع هذي هي العسكريه مذله حسبي الله عليهم الله يكون في عونك تحمل وان شالله انها فتره وتتحسن اوضاعك |
كمل انتساب وانا اخوك لمن تتخرج وتضمن وظيفه براتب اعلى من راتبك الحالي
ارم اوراقهم في وجيهم هالحرس وتؤكل ع الله بس لاتستجل لمن تدرس وتتخرج هذاك الوقت بترتاح دام انك لاحق ع عمرك |
( ومن يتق الله يجعل له مخرجا )
ي صآحبي خلي آملك بالله كبيير وتوكل عليه بأذن فاطر السماوات والارض راح يتحسن حالك بوظيفتك مشكلتنا نستسلم لواقعنآ لا تستسلم وتقول بفصل استمر وكمل دراستك انتساب وادفع الشي الكثير على دراستك راح تحس بطعمها بعدين والله يوفقك دنيآ وآآخرهه ..~ |
سبحان الله ناس تنتظر الوظيفة من أكثر من 8 سنوات وناس لما الله يرزقهم يتنكرون للنعمة
يارجال نصيحة أمسك وظيفتك ترى ألف واحد غيرك يتمناها وزي ماقالوا الشباب يمديك تدرس إنتساب وخلال 4 سنوات وأنت مخلص |
| الساعة الآن 04:36 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين