سؤال لمن استفاد من ريادة
 

السلام عليكم

اخباكم ..؟؟

انا الى الان مقدم على ريادة >> على قولتهم على ابن المرحوم هههههههههه

لي 7 شهور مخلص كل شي بس انتظر القرض


السؤال : ماحلصلت له افده اكيده

بعد ما افتح مشروع واكون استلمت الدفعات مثلا ومستمر بالسداد - جتني وظييفه ايش الحل ..؟
هل راح يخلوني اكمل بالسداد مثل ما انا عليه ولا ما يخلوني اتوظف الا الين اسدد المبلغ ولا كيف - لانه مضيقه صدري فعلا مثلا واحد جته وظيفه وقرضه 200.000 ريال وجلس سنه وجته الوظيف مو معقوله يقولون سدد 200 كامله ونخليك

الشي الثاني بخصوص شروط صندوق الموارد البشرية الي يقولون نعطيك 3000 ريال شهريا لمدة 24 شهر ايش هي الشروط

ياحبيبي 61 مشاهده والردود 0

انا مقدمه للحين مابدت الدوره بس هم قالو الموارد تدعمكم ب2000

اها...

الموارد تدعمك الى 3000 ريال لمدة سنتين 24 شهر يعني

انا سؤالي بخصوص الدعم لا استلمته كامل واشتغلت وجتني وظيفه وابي اتوظف اقدر اتوظف واستمر بالسداد الاقساط او كيف .......؟

خلال الدورة قال لنا مدير الفرع بمكة المكرمة

أنه في حالة توظفك لا تستطيع تعديل مهنتك في الأحوال وعندك سجل تجاري

وريادة ما تقبل تحول السجل باسم شخص آخر إلا بعد تسديدها بالكامل

فهم يخيرونك إما تسدد القرض كاملا دفعة واحدة أو ترفض الوظيفة وتكمل معهم

أنت خلك مع ريادة بما أنك لست ضامن للوظيفة يعني ممكن تجيك وممكن تطول وإن جاتك وظيفة ذيك الساعة يحلها الله وبالتأكيد ماراح يعرقلونك عن وظيفتك حتى لو اضطرو يسلمون
مشروعك لمتقدم ثاني لكن يبيلها حب خشوم

وعصفور باليد خير من عشرة على الشجرة

كلمت انا مدير معهد ريادة بمنطقتنا
وقلت له انه في حال حصولي ع وظيفه كيف الطريقة
قال احنا مالنا دخل الموضوع يكون عند بنك التسليف ولافيه مشاكل اذا حصلت على وظيفه تروح لبنك التسليف ويضعون لك خطة معينه بالسداد وتستمر بالسداد حسب الخطة

المشكلة ماهي في السداد

المشكلة في السجل التجاري

بعد ما يجي قرار تعيينك على الوظيفة لابد تغير مهنتك في الاحوال إلى موظف حكومي ولا تقدر تحول وعندك سجل تجاري باسمك