الشتاء كسر ظهورنا واطفالنا
بدخل في الموضوع الكل شايف البرد كيف وعيالنا يدرسون دخلت بشتري لهم كم قطعه فاانكسر ظهري من المبالغ المبالغ فيها اطالب المسؤلين ان لايجمد الشتاء مشاعرهم كما حر الصيف جففها اطالب المسؤلين يشوفون حالنا واطالبهم فقط في المواسم يدبلون المبلغ في العيدين والشتاء يدبلون مبلغ الضمان والله تعبنا ياناس ارحمونا خافوا الله في عيالنا ان شرينا كسوه طار الراتب وان ماشرينا ماتوا عيالنا برد يارررب ياسامع يامجيب ادخل الرحمه في قلوب كل مسؤل اللي يؤيدني في طلبي يرفع الموضوع ويطالب معي
|
مؤيد للرفع ..
|
معك قلبي يارب صوتنا يوصل واتمنى الجميع يؤيد الطلب لان الجميع يحتاج ان المبلغ يتدبل في اوقات معينه ومهمه ياررب ارزقنا
|
يارب توصل اصواتنا
الله يرزقك ويعوضك |
للاسف المعاناة راح تزيد
ضيقوا علينا قرارات الضمان بموت سلطان ونايف الله حسيبهم |
مؤيد بس مين يسمع ويشوف المعاناة الله يكون في العون
|
حسبي الله يارررب توصل اصواتنا يارب ياكريم ياررب ارزقنا ياررب تعلم حالناوكيف نعيش ياررب يسرر امورنا انت العالم والقادر ياررب
|
جروح السنين
يارب يا كريم يفرج همك وهمومنا تكتبي وكأنك توصفي حالي لا جا العيد اكسي عيالي والبس من القديم واقصر عليهم في المصروف والاكل والشرب ولا جا العيد اكسي عيالي والبس من القديم والشكوى لله |
مافي اكرم منة سبحانة اتركي المخلوق واطلبي الخالق ادعية في الليل ودعوة المظلوم مستجابة ماضاقت الا فرجت الله يفرج على الجميع
|
العشيق والله انا مثلك بالضبط اكسي عيالي واقصر على نفسي حيل وبالشتاء الحين لابسين حق العام وهومهتري جدا بشكل مااحد يتخيله والسبب ان المبلغ مايتغير ولايزيد ولااي شي هونفسه بكل المناسبات والشهور ليه طيب وين نروح والله ماعندنا تقاعد ولاشيئ الله كريم
|
الساعة الآن 12:22 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين