حلول البطالة Unemployment Solutions - ابشركم توظفت وظيفه حكوميه ومدنيه بعد

بسم الله الرحمن الرحيم
والصلاة والسلام على اشرف الانبياء والمرسلين
اولا: اشكر جميع القائمين عل هذا المنتدى من اعضاء وايداريين واسال الله العلي العظيم ان يرزقهم من حيث لايحتسبون
وثانيا: ابشركم اني توظفت ولله الحمد بوظيفة مدنيه طبعا بنفس المنطقة اللي انا ساكن فيها والعمل يبعد عن البيت حدود 2 كيلو متر طبعا ماكنت متوقع ولا 1% اني راح انقبل فيها لان المتقدمين كانو فوق 100 شخص وعدد الوظايف 4 وظائف فقط
وحطيت في بالي انها كلها راح تروح واسطات طبعا ماكنت حاط في بالي امل ولاكنت متخيل اني راح انقبل فيها لان التقديم كان في شهر 7 الماضي ونسيته يعني له تقريب 7 شهور صلحنا الاختبار التحريري والمقابلة الشخصيه وقالو انتظرو نتائج المفاضله وطولو ماتصلو وتقدمت للعسكريه قطاع حرس الحدود والحمد انقبلت وكملت اوراقي وخلصت الكشف وجاني اتصال من الوظيف المدنيه اللي كنت متقدم لها وخلصت اموري فيها وقالو تداوم اول شهر 2 وبعده بيومين جاني اتصال من قياده حرس الحدود قالو لي تعال سلم اوراقك قلت لهم اني رزقت بوظيفه مدنيه واني خلاص ماابي العسكريه مالي ومال الغربه موظف حكومي ووظيفتي على مكتب وش ابي بالميدن والاستلامات والدوريات
وبالختام كل اللي حبيت اقوله لكم اني ماتوظفت بواسطه ماتوظفت الا بتوفيق من الله ثم بدعاء امي وابوي وكل الناس اللي يعرفوني ويعرفون بري باهلي وكثير قالو لي والله ان الله راح يرزقك بسبب برك لا بوك وامك ومافيه احد يخفاه فضل بر الوالدين كل اللي حبيت اوصله لكم انكم ياخوان احرصو على بر اهلكم وصدقوني راح يرزقكم الله من حيث لاتحتسبون
واسال الله العلي العظيم ان يرزقكم من واسع فضله وجوده وعطاءه