الشراء من المواقع العالميه
السلام عليكم ورحمه الله
اولا حابه اشكر المنتدى اللي استفدت منه كثير وافدتوني بافكاركم انا صراحه دخلت كم منتدى وشفت التاجرات اللي بيطلبو من المواقع العالميه ويبيعوها واعجبت بالفكره بس مو عارفه ايش المطلوب لها وايش الخطوات اللي اسويها علشان ابدأ بالمشروع ياليت اللي عندو خبره يدلني |
الله حيك اختي
الخطوات الاولى عشان تشتري اكسسورات ولاوازم نسائيه من مواقع اجنبيه هي تطلعين بطاقة فيزا من الراجحي اسمها فيزا تسوق رسومها السنويه 100 ريال وثاني شي تسجلين بالارمكس عشان يعطونك عنوان بريد تجيك فيه البضاعه وتستلمينها منهم وتسجلين بموقع الباي بال عشان تشتري من المواقع الاجنبيه الي ذكرتها لك هذي الاساسيات عشان تبدين بمشروعك وفيه شروحات للاشياء الي ذكرتها بالصور تلقينها بالمواقع والله يوفقك ان شاءالله |
مثل ماذكر الأخ فيزا تسوق او موقع باي بال بس بما انك جديده تعلمي على فيزا التسوق وطريقتها
تروحين لبنك الراجحي وتفتحين حساب او اي بنك عنده فيزا تسوق وبعد فتح الحساب تطلبين الفيزا وبعد كذا تسوين لك حساب اونلاين عشان تتبايعن الفيزا وتشحنينها عن طريق ربطها بحسابك بالراجحي او غيره حتى تعرفين كم انخصم وتشحنينها بدون حاجه للذهاب للبنك او الصراف يعني من البيت تدخلين على المصرف اونلاين وتدخلين على حساب الفيزا وتسوين شحن من خلال المبلغ الي بحسابك وتدخلين المواقع الأجنبيه مثل امزون او ايباي ولكن لازم تعرفين ان المواقع هذي فيها نصابين لازم تعرفين كيف تميزين بين البائع وتقيمه بالموقع اذا صار بائع جيد وماعليه شكاوي وتقيمه عالي تشترين منه ولازم قبل تخوضين التجربه تدخلين شروحات بالنت كثيره لين تفهمين الموقع الاجنبي كيف طريقه التعامل معه حتى ماتنغشين وتشترين بأمان وبعدين مع الممارسه بتصيرين محترفه وسهله وممتعه عمليه التسوق والله يوفقك |
مشكووورين ربي يسعدكم مااقصرتو اعطيتوني البدايه للفكره وباذن الله ببحث عن شروحات
تسلمووو |
|
الساعة الآن 09:25 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين