تأسس الموقع عام
2006
Site was established in 2006
مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك |
موضوع مغلق |
|
LinkBack | أدوات الموضوع | انواع عرض الموضوع |
|
|||
تعبت نفسيآ وجسديآ .. فضفضه
بســـم الله الرحمــن الرحيـــــم
السلام عليكم ,, اليوم باحكي لكم معاناتي طبعآ كان لابد مني ان افضفض واخرج كل اللي في خاطري ووصلت لخيارين يااني انهض واقوم من جديد واتغلب على الواقع او اني اسقط لاقدر الله وقد اتجهه لعواقب اسوا .. والله الساتر والمنجي لااله الاالله لاني خلاص والله تعبت نفسيآ وبدنيآ لذلك قررت ان افضض لكم بعد مرور وقت كبير من الكتمان كنت ولازلت في صراع كبير مع نفسي انا في ازمه ومحنه .. اسآل الله سبحانه وتعالى ان يجعلكم سبب من الاسباب لاخراجي منها انا تخرجت من الثانويه بنسبه زينه ولله الحمد وكان عندي طموح عالي وحب للدراسه .. حاولت اروح الابتعاث لكن ماكتب الله وقررت اني ادرس في احدى الجامعات السعودية ودخلت كليه العلوم الطبيه تخصص مختبرات .. درست ثلاث سنوات الحمدلله ابدعت فيها وجبت معدل عالي .. حب الوالد يكافآني وشرى لي سياره وبعد الثلاث سنوات بدت معاناتي .. لاني ببساطه ارتكبت حماقه كبيره جدآ بالعاميه كنت مفهي وغير مستدركـ ومستوعب قوانين الجامعه دخلنا السنه الرابعه وكان باقي علي ترم دراسه والترم الثاني تطبيق عملي وكان لابد ان نسوي الجداول بنفسنا .. انا قررت ان اخذ فتره نقاهه وراحه وخذت مشورة الوالد والوالده وقررت اني ماراح ادرس الترم الاول من السنه الرابعه طبعآ كنت متوقع ان اللي مايعمل جدوله هذا خلاص يعتبر حاذف الترم ولاكلفت نفسي اني اروح ابحث او استفسر بنيت كل شي على توقع وقد يكون المسافه لها دوري لان الجامعه بعيده عن مكان المدينه اللي انا فيها .. ماكنت اعلم بنظام الجامعه .. ماكنت ادري ان لابد مني بعمل الجدول والحذف من مقر الجامعه وتحذف من هناك طبعآ رااح الترم الاول من السنه الرابعه وفتحت على موقع الجامعه على اساس اسوي جدولي واناظر الا عندي طي قيد .. والله ياشباب بسبب استسهالي واستهتاري تم طي قيدي وحاولت ارجع للجامعه بينت لهم ظروفي وعلمتهم بالقصه .. قالوا خلاص قدم عذرك وترى بنجلس اقل شي شهرين ونرد عليكـ والوالد والوالده مايدرون بطي القيد وطول المده وانا ساتر على نفسي وكنت اعمل نفسي اني اداوم وان كل شي تمام عشان مانكشف .. وااااه ياليتني علمت وفضفضت وريحت نفسي من هالعذاب ردوا علي في نهايه الترم الثاني من العام 1432 - 1433 هـ كلمه مني على كلمه منهم المهم تم رفض طلبي من قبل مجلس الجامعه وتم فصلي من الجامعه والله اني ندمان اشد الندم على الخطآ اللي ارتكبته والى يومكم هذا وانا ساتر على نفسي وكآن الامور ماشيه على احسن مايرام .. والعائله متوقعه اني راااح اتخرج بعد الترم هذا انا والله ماعندي مشكله اني اعيد الدراسه من جديد وعندي استعداد .. لكن المشكله اني استحي اواجهه من منحوني الثقه من ساعدوني وهيئوا لي جميع الاجواء للنجاح ( الوالد والوالده ) وصراحه ماقدر اخبرهم باللي صار تكفون دعواتكم ياخوان في سجودكم والله اني انام وانا مهموم اصحى وانا مهموم اكل وانا مهموم الجمعات ماعاد اروح عشان ماحد يسآلني .. صار عندي انطواء بشكل رهيب اسآل الله سبحانه وتعالى ان يعجل بفرجه لي ولجميع المسلمين التعديل الأخير تم بواسطة للخلف سر ; 12-12-2012 الساعة 09:49 AM |
|
|||
لو تستطيع
تروح امريكا تدرس ترم هناك افضل لك لانك ممكن تقبل بالبعثه افضل من الدراسة عندنا لان الشركات حسبي الله عليهم ماياخذون الا بالواسطة طلاب جامعاتنا واعرف ناس زملاء لنا استقالوا وراحوا يكملون التعليم والدراسة برى اسهل بكثير من عندنا ، اتمنى لك التوفيق |
|
||||
قدم عليهم مره ثانيه وثالثه وحاول تدخل على مدير الجامعه نفسه |
|
||||
ياأخي حاول تجيب أي عذر أعذر من مستوصف أهلي من تقارير طبيه خاصه بأي شخص بعائلتك |
|
|||
اخوي انت طالب جامعي وعديت كم سنه بالجامعه .. مو معقوله ما تفهم نظام الجامعه كيف .. |
|
|||
حبيبي هونها وتهون ولاتزعل نفسك اكثر من كذا التعديل الأخير تم بواسطة الحمدلك يارب ; 15-12-2012 الساعة 03:51 AM |
موضوع مغلق |
(( لا تنسى ذكر الله )) |
|
|
|