|
استفسار عن صندوق الموارد البشريه
انا فتحت مشغل وخسرانه وشريكتي راحت للموارد البشريه وقالوا لها بندعمك
هل هالكلام صحيح وفي خلال كم بيكون الدعم لانهم قالو لها راتب 3 الاف لمدة ثلاث سنوات اللي جرب يجاوب بليز |
مشغل وخسرانة وبنتين ؟
لازم يكون فيه حاجة غلط ؟ هل انتي تراقبين الصندوق باستمرار ؟ ام ان المال غير مراقب ؟ لا يوجد شيء اسمه ثقة عمياء ، والشيطان شااااطر |
اختي الكريمة
القضية ليست قضية سيولة مادية... ملايين الدنيا لا يمكن ان تؤدي لنجاح مشروع فاشل... وفكرة ذكية وادارة جيدة يمكن أن تجلب الملايين... مشروعكم ليس بحاجة للمال بل بحاجة للادراة الجيدة وادارة الموارد المتاحة بطريقة ذكية... الموارد المتاحة تتكون منكما الشريكتان..وطريقة تعاملكم مع العاملات وزبونات المشغل...وطريقة مراقبة الدخل.. وكيفية الصرف ...والعروض التي تجلب العملاء ،، وجودة العمل المقدم...والاتقان ...وغيرها... الله يوفقكم |
اتمنى لكي التوفيق
|
تسلمون يارب ع ردكم بسس مشروعي توه جديد وبدون عاملات ومعتمد على شغلي وشغلها فقط انصحوني
|
طيب اكتبي ايش المشاكل
الزبائن غير موجوده او قليله الاجار غالي المواد غاليه يعني ايش بالضبط المشكله ولاتنسين شي اهم شي في المشروع الدعاااااااااااااااايه والعمل المتقن ثم بعد ذلك الاسعااااااااااار المغريه |
حاليا بدا الاقبال شوي ع مشروعنا لانه سوينا تخفيض للاسعار 50%
لكن صاحب الشقة المستاجرة للمشروع يريد رفع الايجار بالنسبه للعمالة انا وخويتي معتمدين ع شغلنا الى اان يقبلون علينا الزباين ونصير مانلحق عليهم بعدها نجيب عاملات تقريبا بدانا نغطي نصف الايجار الشهري الشهرين الماضيه كنا ندفع الايجار من جيوبنا لكن حاليا وصلنا لنصف الايجار من ايراد الصالون بفضل الله ...... لكن التحطيم النفسي مشكله حسبي الله وكفى |
شوفي اختي اول شي توكلي على الله زين
الشي الثاني بالتجاره مافيه عطني كلمه وعطيتك العقد شريعة المتعاقدين نقول بسم الله : فتحتم مشغل وكتبتم عقد مع صاحب العماره لازم تحطون عقد يحفظ حقوقكم يعني مو على كيفه يرفع الايجار الشي الثاني فتح حساب او يكون احد حساباتكم الشخصيه يتم ايداع الايرادات يومياً فيه اكثر شي يدمر المشاريع الصغيره الاخذ من الدخل وبعدين ندفع نعتبره راتب الخ... الشي الثالث عمل عروض عشان تكسبون العملاء الشي الرابع الدعايه الشي الخامس ما ادري هل انتم شغلكم فقط تسريحات ومكياج الخ... اذا كذا اقترح عليكم تجيبون خياطه او مصممه براتب شهري وتقدرون لو شفتو شغلها ممتاز تعطونها نسبه على العميله ويكون المشغل تجهيز للحفلات و خياطة لازم الابتكار بالتجاره واهم شي محاولة كسب العملاء والرضا بالبدايه بالربح القليل والتوكل على الله قبل كل شي واي استفسار انا حاظر والله يوفقكم يارب |
الخياطه ترى دخلها ممتاز
|
معقولة خسررااااانة وحدة من اثنين يان مايجونكم زباااين يان خويتك اللي معاك مو امينة وامح لي بهالكلمة لانو الوقت الاخ مايثق باخوه
|
ي اخوان قولو خيران او اسكتو
خسرانه لان المحل يحتاج اجار والدخل ما يوازي الايجار وثانياً ياليت مسالة التخوين تبعدون عنها والله يرزقهم ياارب وسجلو ي اختي بـ التأمينات انتم الثنتين على انكم موظفات بالمحل وبيجيكم راتب ان شاء الله والله يرزقكم ولا تخونين بصاحبتك عشان ناس من ورا شاشه اعوذ بالله بس من ناس اصبح التخوين عندهم مثل شرب الماء |
بخصوص الموارد البشريه
الي اعرفه انكم لو سجلتو انفسكم موظفات بالمشغل وحطيتم الراتب 3000 ريال لكل وحده راح يدعمكم صندوق الموارد البشريه بـ 1500 عن كل وحده يعني نصف الراتب يعني كل وحده بيجيها ان شاء الله 1500 =3000 ريال عاد ما ادري تقدرون تكتبون ان الراتب 4000 او اكثر ما ادري مدة الدعم الله اعلم لكن لو تقدرون تحطون الراتب 4000 للوحده او 5000 هم يدفعون نصف الراتب عنكم لكل موظف وتقدرون تستفسرون اكثر منهم والله يرزقكم يارب |
بالعكس خويتي جدا امينه وانا ماسكة الحساب لكن مشكلتنا بالزباين مافيه زباين لكن ربنا ييسر كل خير يارب ومشكورين كل اللي ردوا ومافيه شي من غير تعب نسال الله التوفيق والرزق الحلال
|
[align=center]
الله يوفقكم... انا اشتغلت فترة في مشغل الله يعينكم... المشكله في مشاغل جدة ان الزبائن مايتوجهوا للمشاغل الجديدة اللي داخل الاحياء... يروحوا المشاغل المشهورة المليانة زبائن... كثفوا اعلاناتكم واصبروا لا تستعجلوا ولو شغلكم حلو حيفرض نفسه مع الوقت... [/align] |
| الساعة الآن 12:06 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين