|
الشركة اللي انا فيها لعبت من وراي ايش الحل اروح مكتب العمل ولا التامينات
السلام عليكم ورحمة الله وبركاته
انا توظفت في شركة وصار لي معهم حتى الان 5 شهور وبين فتره وفتره ادخل على موقع التامينات عشان استفسر عن اشتراكي بالتامينات القى اني مسجل في التامينات الاجتماعية وكذلك مكتب العمل القى اني على رأس العمل لكن اليوم انصدمت دخلت على التامينات لقيت هذه الرساله "أنت حاليا غير مسجل لدى أي منشأة خاضعة لنظام التأمينات الاجتماعية ولكن سبق تسجيلك بمنشأة خاضعة للنظام" إذا كنت...ودخلت موقع مكتب العمل استفسر لقيت الرساله قدام اسمي نهاية الخدمة علماً باني اداوم عندهم حتى الان والحمد لله طول مدة الخمس شهور لم اتغيب يوم واحد ولم يحدث لي اي مشكله صدرت مني معهم ونظامي معهم محترم جداً ومخلص في عملي ودوامي من 7 صباحاً الى 3 عصراً والراتب 3000 ريال واكتشفت الشي هذا بالصدفه عن طريق دخولي للاستفسار انا الحين مدري شسوي اهددهم ولا كيف افيدووووووني الله يجزاكم خير ابي الحل ساعدوني هل اسكت ولا كيف |
للرفع
|
ابي الاجابات الشافيه ساعدوني الله يرضى عليكم
|
استفسر من الشـركه بلين مو بتهديد وخليهم يشرحون لك سبب انهاء الخدمه
وكـون مطمن دامك عديت فترة التجربة الثلاث شهور ما يقدرون يسون اي شي ويفصلونك استفسر من المدير الاداري وشوف وش يقولك يمكن فيه زيـادة راتب او نظـام جديد بيدرج بنظـام التامينات الاجتماعية الخاص بشركــة |
مالهم حق يفصلونكـ حتى وان كنت راعي مشاكله ومبزوط ((الابعد عده انذارات ))!!
فمبالك وانت منظبط وملتزم بدوامكـ هدي بالك وحاول تستفسر منهم بهدوء لن ما اتوقع هم اغبياء ينهون خدمتك وانت ماعليكـ شي ومن دون لايقولولكـ واذا فرضنا انهم فعلا انهو خدمتكـ لاتننفعل او تتصرف تصرف عشوائي رح لمكتب العمل وقول لهم السالفه من والى لن كل شي من صالحكـ سوالي؟ هل راتب ماشي واذا نعم هل الراتب الاخير مستقطع منه التامينات ؟؟! موفق يارب عسى ربي يسر امورك |
راجع الموارد البشريه بالشركه نفسها ممكن يكون هناك خطاء غير مقصود
|
اقتباس:
هم طال عمرك على كلامهم مواعديني قبل اسبوعين بزيادة الراتب ابتداءاَ من شهر 1 لسنة 2013 الجديده لان الحمد لله مخلص في عملي وهم اقروا لي بالشي هذا ودايم يشكرون ويثنون علي بس مدري هل له علاقه ينزلون اسمي من التامينات وينهون خدمتي بمكتب العمل واذا له علاقه ايش سبب التنزيل |
اقتباس:
نعم اخوي الراتب ماشي وتمام واستلمه في موعده المحدد من كل شهر ومن دون تأخير ويستقطع منه للتامينات 200 ريال والصافي لي 2800 ريال واخر راتب كان مستقطع للتامينات لاني اذكر بعد استلامي لاخر راتب دخلت الموقع وكان وقتها اسمي بالتامينات واكيد الاستقطاع راح للتامينات بس مشكلتي ماعندي صوره من العقد كيف اثبت للتامينات ومكتب العمل اني اداوم عندهم لي 5 شهور وعديت فترة ال 3 شهور كيف اثبت لهم |
للرفع
|
الله يعينك ويسهل امرك
|
| الساعة الآن 10:18 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين