مشروع : مستودع توزيع مواد غذائية
 

معقولة يابطالة 80 مشاهد ولا رد

السلام عليك ورحمة الله وبركاته

ماعندي خبره لكن بقول لك الي اعرف

ايجار الارض – هذا انت تحدده لانك من المنطقه واحنا ما نعرفها فأنت اسأل
لكن انصحك كـ بدايه تستاجر مستودع وتجهزه واذا امورك كانت تمام ونجح المشروع تشتري ارض وتبني

بناء المستودع - هذي يجي من يفيدك فيها ان شاء الله لكن ما انصحك تبني مستودع قبل تجرب المشروع بلاول

مكتب – بسيط امره اي محل موقعه على طريق رئيسي استاجره وتقدر تعرض بضائع بسيطه فيه بيع جمله
يعني يكون مكتب ومحل بنفس الوقت

رواتب الموظفين –الرواتب بتكون من 1000 الى 1500 وطبعاً الموزعين بيكون لهم نسبه على التوزيع
يعني الراتب مثال 1000+ عموله على التوزيع كل ما يوزع الموظف بضاعه اكثر له نسبه

الخامات (مواد غذائية) –هذي انت تحددها انت تنزل السوق وتشوف البضائع اسعارها وكم تبي تجيب
مثال كـ بدايه جيب بـ 10 الاف وابداء وزع شفت الشغل تمام جيب كميه اكبر وكذا
لكن لا تتهور وتجيب بضاعه بمبلغ كبير وتخسر

سيارة توزيع - على حسب نوع السياره فان دينه وهذا يعتمد على موديل السياراه ونظافتها

[align=right]

لا تستعجل بيجيك الرد إن شاء الله ..

أنا ما أدري كم تحتاج موظف لمثل هالشغلة !! و أنت تقول في كلامك

"التكاليف ( ايجار الارض – بناء المستودع + مكتب – رواتب الموظفين – الخامات (مواد غذائية) – سيارة توزيع "

حسيت أنك ناوي تبدأ بشكل كبير !!
و كل الي أتوقع تحتاجه : عامل واحد سوّاق كموزع ، و أنت تساعده كبداية في الشيل و الحط عشان تقلل التكاليف على الأقل.

عمومـًا
شف ، لو كنت مكانك بسوي التالي:

أمر على محلات الجملة و أسألهم. كيف لك ممكن تسوق بضايعك؟ بسأل عن مستوى الطلب على البضايع؟ متى أفضل وقت الواحد يسوق لمنتجاته مثلا؟ من أكثر المحلات استهلاكـًا؟ أيش المؤسسات المنافسة لك ؟

___ بالنسبة للـ مستودع ، تأكد لا يكون البلدية عندهم شروط معينة في المستودعات و ما شبه من هالأمور.

كان بودي أخدمك أكثر و لكن علمي بهالمجال جدًا متواضع.

أتمنى لك التوفيق

[/align]

المشكلة مافي مستودع في تلك المنطقة
اذا حصلت ارض للايجار يكون سويت انجاز
اخذت لفة ماحصلت ولا مستودع ولا اي نوع من المستودعات

عبدالله وسع صدرك
شكرا لك لكن على اقل تقدير 4 موظفين
اداري
2 مندوب مبيعات
سائق

اخي مشروعك جميل جدا
واتفق معك فكل نقطه ماعدا الموظفين
لو انك بتفتح المشروع في احدى المدن اقلك اربع موظفين يفون بالغرض لكن بديره وعدد السكان 10 اقلك كثير اربع موظفين حدهم ثنين ومرتاحين بعد.غير كذا فالك التوفيق والنجاح

مشكور اخوي ان شاء الله اخذ كلامك في الاعتبار

مشروع جيد جدا
بس اهم شئ شوف البقالات قبل كل شئ هل يقبلون منك او لا
ممكن يوزع عليهم باقل منك فتخسر

تشرفت بمرورك اخي
اكيد طبعا راح احاول اخذ البضاعه من المصدر وبكمية كبيرة شوي عشان اخفض التكاليف
مثلا : طبلية عصير هوب تفاح بسعر 2550 عدد الكراتين في الطبلية 150
يعني يطلع الكرتون الواحد بـ 17 ريال ممكن البقالة تلاقي سعر اقل من كذا؟ (لا)
لان البقالة يضيفون عليهم سعر التوصيل للكميات القليلة

لا تتهور وانا اخوك اصبر وتركد وادرس السوق زين
لا يغرك مكسب الريال والريالين ولا الخمسه
لا تنسى وراك اجار ورواتب وسيارات بتاخذها يا اقساط ياكاش
لاتنسى ان الدينا اللي فيها ثلاجه سعرها بحدود الميه الف
واالباص حق التوزيع التويوتا نفس الحكايه غالي

الله يوفقك ويسهل امرك

إذا بتبني مستودع وتشتري سيارة
فالمبلغ المرصود قليل ولا يكفي
لكن حاول تستأجر مستودع أو محل وسيع
واقلبه مستودع > واستآجر باص
في جدة الأجارات ب ٢٨٠٠ ريال شهريا موديل ٢٠١٠
وتوزيع المواد الغذائية فيها خير كثير وفيها مشاكل كثير
من المشاكل أنها تحتاج سيولة نقديه يعني ما تحط فلوسك كلها بضاعة
وغير كذا معظم المحلات تتعامل بالآجل ، وممكن يماطل معك
ويضيع فلوسك وبضاعتك ووقتك ..
وإذا درست الموضوع وتوكلت على الله
فلابد تضع لك برنامج حسابي تدخل فيه الأصناف
والصادر والوارد والكميات المتبقية والواصل النقدي والآجل و ....

شكرا اخوي على المشاركة
المشكلة اني بحثت في المنطقة عن مستودعات فلم اجد اي مستودع للايجار او حتى للبيع

اي افكار او خبرات سابقة ياشباب

شكرا لكم على الردود الاكثر من رائعة

في نقطة مهمة ...وانالست خبير ....لكن انقدحت في رأس مشكلة ...

قد تكون المحلات التي في قريتك متفقة مع محلات جملة بالمدينة القريبة من قريتك ويكون الاتفاق لأسباب متعددة إما شخصية (يعني مثلا جنسيات معينة متعاونة مع بعض) ..أو بسبب التكلفة أقل ..أو اتفاق منصوص ...وهذا قد يعكر عليك صفو التسويق ....فتنبه !!!!

كان لي تجربه في مجالك
اولا ,,, 200الف ريالا لايكفي للبدء في ه1ا العمل هامش الربح 5% فقط قبل المصاريف
يعني لو نجحت تبيع ب200الف سوف تحقق 5الاف ريال ارباح واخصم منها المصاريف من رواتب وايجارات وخلافه
ثانيا ,,,
ب200الف افتح لك 4سوبر ماركت كبيره وسوف تحقق ارباح اضعاف ماسوف تحققه من مجالك المتعب وقليل العائد
هذاالمجال يتطلب مدينه كبيره وراس مال لايقل عن مليون ريالا وخبره كبيره وعماله امينه وجهود كبيره
لكي تحقق منه ربح بسيط مقارنه بالجهود الكبيره لايزيد عن 15الف

لي رجعة وتعليق على الموضوع

لضيق الوقت


فالك التوفيق

شكرا لكم

الله يوفقك اخوي...

الحلوو في مشروعك انك بحثت عن شئ مو موجود في المنطقة...

بس انا افضّل انك تعرف كيف البقالات الموجودة عندكم يأخذوا البضاعة وبكم؟

لان لو بدأت انت بأسعار اعلى من المستودعات اللي يأخذوا منها ما راح يتعاملوا معاك حتى لو انك اقرب...

فكر بمشرووعك زييين وربي ييسر امرك..