ابي مشورتكم في متابعة محل
السلام عليكم ورحمة الله وبركاته اخواني واخواتي في هذا المنتدى الجميل انا لي خبره قديمه في التجارة وخصوصاً الخردوات والاواني المنزليه والالعاب والاكسسوارات فأنقطعت عنها حوالي 15 سنه بحكم عملي كانت تدخل ارباح جيده مقارنه بالتعب ولله الحمد أنا حالياً ما فكرت الا قررت أني اعيد التجربه ( محل ابو ريالين و5 ريال ) لكن انا اعمل في منطقة تبعد عن موقع المحل اللي اخترته حوالي 250 كيلوا ولا اقدر اجيه الا كل خميس وجمعه بتسألوني ليه اخترت الموقع لأنه في قرية ايجاراتها زهيده جداً وفيها كثافة سكان لا بأس بها ولا يوجد الا معرض ملابس واحد فقط أنا درست الموضوع جيداً ولم انتهي بعد بسبب كيف اتابع دخل المحل وهذا المهم هل برامج الكمبيوتر تظمن لي حقي لو جردتها ع العمال بحيث اني أجيهم نهاية كل شهر او كل ثلاث أسابيع واجرد عليهم اتمنى من اهل الخبرة واللي جرب برامج الكمبيوتر يفيدني ولو فيه برنامج اقدر اربطه واطلع عليه من النت لمراقبة الدخل يكون افضل واللي عنده خلفيه كم تكلفة القطع اللي يشبكوها على البضاعه ويكشفها جهاز الانذار حق السرقة لو لقيت احد يفيدني في هذا الموضوع اكون شاكر له جداً جداً والشكر أيضاً لكل من يعلق أو يبدي فكره مفيده والموضوع للجميع |
ماعندي اي تجربه او خلفيه في الجرد الالكتروني ..
بس حبيت ارفع الموضوع لك بدعوه .. الله يوفقك ويرزقك ..} |
عليكم السلام ورحمة الله وبركاته
اخوي انك تجرد يدوي المحل كل شهر صعبه بس الجرد الاكتروني افضل يعني ايذا جبت بضاعتك تدخله في الجهاز وكل منتج وله عدد وسعر ينقص المنتج من الجهاز يعتبر المنتج انباع والأسعار تكون محددة والجرد يكون من الجهاز اللي في المحل او جهاز من عندك وانت اسبوع أسبوعين خذ لك زيارة تفقدية وبعد المحل مايشتغل ثلاث شهور او اربعة وعرفت شغل المحل وقيمته تقول للعامل ايذا زادت دخل المحل عن مبلغ معين انت تحدده على حسب الإشهور اللي السابقة تعطي العامل نسبة من الدخل الإضافي مثل ٢٠٪للعامل من الزيادة يعني العامل ايذا شد حيله يطلع له ٣٠٠او ٤٠٠ مع راتبه وكذا قد تكون سيطرت على المحل اتمنى أني أفدتك |
عليك بالجرد الالكتروني ترى جدا ممتاز
بتوفيق لك |
موفق اخوي الله يرزقك
|
الله يعطيكم العافية لكل من شارك وعلق على الموضوع
صحيح هو اللي اقصده الجرد الأكتروني وأبي أحد جرب البرامج وأيهما افضل ( من ناحية الاستخدام بفضل الله طبيعة عملي برمجيات ) لكن لا استغني عن اهل الخبرة في انتقاء البرنامج المناسب بدون مشاكل طبعاً أنا ابغى اراقب دخل المحل وانا بعيد من خلال النت هذا اللي اقصده وياليت اللي له تجربه في هذه الطريقة يساعدنا وكما ذكرت الموضوع للجميع |
مرحبا اخوي
طبعا الجرد الالكتروني افضل واهم من كذا تسوي كنترول في المحل يعني توظف كل واحد في وظيفه معينه ويكون كل اسبوع هناك جرد مفاجأ بمعنى كل ما تجيهم تمسك قطعه وتسأل كم انباع وكم موجود على الجهاز وتجرد العدد الفعلي الموجود ويكون هناك جرد ربع سنوي افضل وبالتوفيق |
اقتباس:
لكن المقصد من الموضوع تأمين المحل من ناحية السرقة بوضع اجهزة الاستشعار على القطع ابي احد جرب هيك شغلات وناحية ثانيه ابغى اراقب دخل المحل وانا في البيت شكرا لكم يا اخوان وننتظر المزيد |
:Thumbs:موضوع يستحق رفع القبعه احتراماً :Thumbs::Thumbs:
|
عندي نقطه قد تفيد انك تحط كاميرات مراقبه عبر النت ويكون فيها ميزة التسجيل وكانك واقف على راسهم لو تكون حتى في آخر الدنيا بما ان فيه نت .
|
الساعة الآن 10:37 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين