من قلبي كتبتها تقبلونها
 

بسم الله الرحمن الرحيم
انا انسانه مالي بالمقدمات ولا اعرف لها اصلا
حبيت اقول انا وانا اتصفح هالمنتدى وهالقسم بذات تجيني ضيقة صدر لا يعلم فيها الا الله لان كل اللي هنا عاطلات
وكل وحده تكتب وكل حرف تكتبه يحمل بين ثنياه الهم والتعب وحنا كوننا عاطلات الحمدلله نشعر فيها وناخذ هالطاقه السلبيه
لددرجة اني احيانا اقول وش فيني اليوم حزينه مع ان مافيه شي محزني ويوم اتذكر اللقئ نفسي دخلت بهالقسم
بنات ديننا ما يحث ع الحزن والنكد ولاحظت كثير بنات اذا ناظرتي بعيونها يا الله تمسكين دموعك من الحزن بعيونها
بنات حنا تابعات لدين تسامح وحب وحنان الوظيفه لازم تكون سبب من اسباب سعادتك مو كلها
ابدا ابدا لا تربطين سعادتك بالوظيفه
بقولكم سر الان اذا حزنتي وكتبتي كم انا حزينه والا حسبي ع من ظلمي الناس بتنفعك !؟؟
والا بتنظر لك بنظر الحزين ع حالتك ويمكن تقول الله يعينها والا تامن ع دعوتك ويمكن لا
شي خليه بينك وبين نفسك السعاده ما ترتبط بشي السعاده مجموعه من الاشياء فيها المهم والاهم والاهم
يعني ممكن تلقين وحده متوظفه ومتزوجه وعندها عيال ومتعافين الحمدلله بس ما عندها ام يعني مالها قلب حبه صافي
او مالها اب يعني فاقده عز يعني مو كل وحده كامله حياتها احيانا انظر لوحده عندها كل مقومات السعاده بس مو سعيده
تتدرون ليش لانها تناظر للي بيد غيرها وناسيه تستغل الاشياء الحلوه اللي بحياتها .


اعرف كلامي ملخبط ومن كل نهر قطره
بس خلاصة الكلام محد بيعرف معناتك كثر ربك اشكيله واتركي الشكوئ لغيره
السعاده مجموعة اشياء مو شي بحد ذاته
من الان ورايح اللي طلع اسمها خير وبركه واللي ما يطلع اسمها تقول الحمدلله يمكن ما طلع لان عندي اشياء ثانيه املكها توهلني لسعاده بس انا ما استغليتها



والله الله بالتفائل

ارجو منكم محد يزعل والا يهاوش ترا انا حساسه ابتسي ع طول :cry:

والله وش نسوي . الحمد الله على كال . وان شاء الله تكون خيره لنا

اكثري من الاستغفار وان شاء الله بتفتح بوجهك

والله وش نسوي ما حبيتها لانها جمله استسلام
بس الحمدلله ع كل حال هذا حال المسلم اذا صابه خير شكر واذا صابه غير كذا حمد الله
لانه بيرتفع عند ربه درجه

اميين الله يفتحها بوجه كل مسلم ومسلمه

والله الأرزاق بيد الله فليه الحزن

دامي مقتنعة إن رزقي بيد الله وإن كل هالبشر ماهم إلا وسيلة
ماله داعي أنكد على نفسي


كل مازاد يقينك بالله وعندك حسن ظن بالله فتذكري الحديث

قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) رواه البخاري ومسلم .
منزلة الحديث
هذا الحديث من أحاديث الرجاء العظيمة التي تحث المسلم على حسن الظن بالله جل وعلا ، والإكثار من ذكره ، وبيان قرب الله من عبده إذا تقرب إليه العبد بأنواع الطاعات .




......


ومنه قوله - عليه الصلاة والسلام - ( ادعوا الله تعالى وأنتم موقنون بالإجابة ) رواه الترمذي ، وهكذا يظل العبد متعلقا بجميل الظن بربه ، وحسن الرجاء فيما عنده



فأكيد مو من المنطق أقول أنا أحسن الظن وبعدين اتسخط على حظي



الله يرزقنا وآياكم الرزق الحلال

ويجعلنا ممن يحسن الظن بربه

ويرزقنا وآياكم الرضا.

والله كلامك روووعة وصادقة في كل ماقلتية بس اللي مطلقةةةة وعندها ولد وماعندها دخل غير الضمان اه بس الحمدلله ع كل حال

فيزيائيه نوويه
يارب تسعدك ع هالكلام وجعلها ف موازين حسناتك :w
ولاحظي اي جلسة بنات لا تخلو من ندب الحظ ومقارنه حظها بحظوظ الناس الثانيه
الواحد لازم يقتنع باللي عنده ويعمل ع تطويره والرزق جاي جاي ومحد يموت برزق ناقص

الشكوه لله

تصدقين توني جيت من مقابلة شغل فاشله ........... تحطيم وربي .... بس فعلا الحمدلله على كل حال وربي يختار لنا الخيرة في امورنا كلها ..... فعلا لن تموت نفس حتى تستكمل رزقها ..... شكرا على موضوعك والله يفرجها علينا يارب ............. موفقين

الحمدلله عندك ولد وتشوفينه يلعب قدامك وتكلميه ويرد عليك
وعندك ضمان واللي تبع الضمان لهم دورات تدريبيه تنتهي بالتوظيف ما تتوفر لغيرهم
لك ام واب واخوان وخوات
حبيبتي دوري حولك والله بتلقين انك احسن من مطلقه بدون اطفال وكبيره والا متزوجه وعقيم والا متزوجه
وزوجها مجننها ولا يصرف عليها انتي تصرفين ع نفسك بلا منه احد
دوري حولك بتلقين امور متوفره عندك ماهي عند غيرك
ولا تحطين الوظيفه هي سعادتك لان الله احيانا يحرمنا من اشياء نحبها لان بيذكرنا ان ما يستحق هالدرجه من الحب الاهو
فسبحان الله
ورزقك جايك جايك وقولي ماهناش اسم قالت

فعلا ومن اشتكئ لغيره ما لقى غير المذله والا الشفقه عليه
ربي ان شكيت عليه ارتحت وارتفعت درجاتي عنده لاني شكيت حالي اللي هو مدبره له وحده
رزقتي بسعاده تملا حياتك