مستشفى سلمان حبيب فرع العليا
[align=center]السلام عليكم ورحمة الله وبركاته
انا قدمت على مستشفى الدكتور سليمان الحبيب الطبي فرع العليا قبل فترة وقبل شهرين تقريبا اتصلوا علي بدات المقابلات والاختبار وهكذا حتى وصلت الى المرحلة الاخيرة الحمدلله وهي توقيع المدير العام على اوراقي بالموافقة اخر شي قالوا لي بنجهز العقد ونتصل عليكي الان لهم اسبوعين وماصار شي ولادقوا علي اتصلت عليهم وسالتهم قالوا لي ملفك عند مجلس الادارة ولا صار شي فيه الى الان الحين اجراءاتي كلها المفروض انها خلصت بتوقيع المدير واللي اعرفه ان العقد ماياخذ كل هالوقت وانا معلقة امور كثيرة على هالشيء وابغى اعرف ايش السالفة ومين المسؤول عن العقود ومين الشخص او الاشخاص المعنيين بمجلس الادارة واللي ممكن ارجع له واساله عن ملفي وهل من الطبيعي انها تاخذ كل هالوقت:confused: اللي عنده اي فكرة عن اجراءاتهم ياليت يفيدني الموضوع محير جدا بالنسبة لي ولا اعلم لمن اتوجه بسؤالي جزاكم الله عني كل خير وشكرا[/align] |
عادي بعضهم بعد شهر وشهرين هذا القطاع الخاص تلقين المدير في اجازة أو مشغول وينتظرونه أنا بالنسبة لي عقد في شركة بعد شهر بسبب مدير مجلس الادرة مشغول
|
الله يعينيك أختي انا مثلك مقدمه على مكان ولي الان تقريبا اسبوعين وشوي ولا اتصال جاء منهم دقيت عليهم كان ردهم انه طلبك تحت الدراسه ؟؟؟ في الاخير لقيت انه مافي الا اني ادق عليهم مره ثانيه واشوف وش القصه !! على العموم انتي انتظري كم يوم ثم دقي عليهم مره ثانيه :)
|
يعطيكم العافية يارب
بس الموضوع اصلا اخذ وقت طويل بداية بالمقابلة الى هذا اليوم وبعد توقيع المدير العام اتوقعت ان الموضوع انتهى وبيتصلوا علي واروح اوقع العقد وخلاص بس ماصار شي ابدا الله يعينيني واياكم ويصبرنا عالانتظار ويجعل اخر صبرنا خير ان شاء الله واكيد راح ارجع اروح لهم واسال بنفسي احس انه احسن من الاتصال والامور تتوضح اكثر |
عادي عزيزتي
القطاع الخاص والشركات كذا يطولون .. أمورك تماام بما أنه وصلتي لتجهيز العقد .. باقي بس توقعينه اصبري D= |
ان شاء الله خير
بس مااتوقعت العقد ياخذ كل هالوقت وقلت شكلهم غيروا رايهم ولا الغوا توظيفي ولا شي |
[align=center]حبيت اطمنكم انه الحمدلله ربي اكرمني ووقعت العقد وداومت الله يبارك لي فيها يارب ويرزق كل محتاج وعاطل فوق مايتمنى وجزاكم الله الف خير [/align]
|
الساعة الآن 07:35 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين