مشروع موقع الالكتروني بيع وشراء
السلأم عليكم ورحمه الله وبركاته
ـــآخبآركم ، إْن شاء الله ، بخيرر شبآب . ، ـأفكر . أسوي . لي ., مواقــع بيع وشراءء انا . بسوي . لي مواقع سيآرات وعقآر والاجهزه . وقسم خاصة نسآءء يعني اي واحد يشتري من الموقع لي عموله . 1% أنتم شرايكم انا سويت لي حساب تويتر وسويت فيه أعلان بـ أسبوع وأحد 352 متابع لي يعني بنقول 352 واحد يبي يدخل موقع 100 أقل شي وهذ1 حسآبي https://twitter.com/forestryksa بسوي لي قناه رسميه على يوتيوب اي واحد ينزل أعلان انا راح أنزل أعلانه على قناه بـ يويتوب كيف أنتم شرايكم بـ فكره |
سبحـــــــــــــآن الله
|
يا حبيبي شوف هذي الفكرة ليست جديدة لكن يحتاج أن تجدد الأفكار فيها بحيث ما تكون موجودة بالمواقع المشابهه والا اغلب الناس لما يبغى يسوق لسلعته بيبحث عن الموقع القديم والي الناس تعرفه وتزوره لذلك انتبه .. ثم حاليا وانا اخوك لا تجيب طاري عمولة أبدا ولا تكتبها في موقعك حتى يمشي سوقه ويصير عليه اقبال ذيك الساعة نزلها في الموقع .. والله يفتح عليك
|
[align=right] أتمنى لك التوفيق و السداد. اعتقاد شخصي .. بأن السعودية مقبلة على طفرة كبيرة في عالم الإنترنت مثل ما حصل في أمريكا و أوروبا. عليك أن تحتل مكانتك بالسوق ، قبل تجيك شركات عالميـّة تغطي عليك لاحقـًا .. يعني شركة بحجم أمازون ، و إي باي ، ماهي عاجزة أنها توظف لها كم شخص بكم مليون ، ويستهدفون السوق السعودي بشكل احترافي. علمـًا أن موقع مثل إي باي موجود في كل الدول مثلا الفلبين !! سوق الإنترنت السعودي – في تقديري و الله أعلم – يفتقر للأمور مهمة و متشبع بأمور مهمة. الأمور الي متشبع منها هي وجود سيولة مالية – الاستخدام بين الشباب عالي جدًا على مستوى المنطقة العربية هي و مصر. الأمور الي فيها مشاكل : البنية الأمنية للإنترنت. الاختراقات كثيرة ، و ما فيه صيانة للفيزا و الماستركارد عشان يستخدمونها – كذلك البريد جدًا سيئ !! نصيحتي لك كالتالي: لا تستعجل على الربح ، مشاريع الإنترنت تستهلك جهد و وقت أكثر من المال. لذا ، عليك باستغلال الوقت الحالي و التأسيس و بناء موقعك بناء قوي جدًا .. من ناحية عدد الزوار أو ما يعرف بالـ ترافيك .. لازم يكون زوّارك نسبتهم عالية جدًا و يكون موقعك مع الوقت أحد أهم المواقع الي ممكن يزورونها الناس. سهولة استخدام الموقع .. الموقع المعقد علطول تتركه. حاول قدر الإمكان تركز على السهولة. شف المواقع الناجحة العربية ، و الأجنبية ، واستفد من تجاربهم ، أعرف نقاط قوتهم وضعفهم .. و اعرف كيف تغطي شي ما غطوه. نصيحة لوجه الله ، لا تستعجل على الربح !! توّك بدري يا الغالي .. استمر و الله العظيم كل خوفي من المليارات الي بتهاجر السعودية بعدين في حال دخلت شركات قوية و عالمية !! أحنا أولى فيها .. أبدأ أسس لموقعك بشكل قوي ، و اشتغل على تسويقه و تعديله و ت***طه .. بعدها إن زاد عدد زوّارك ساعتها تشرط يا حبيبي .. بس خل موقعك محل للإعلانات و تبادل السلع والخدمات .. لو تعلن بجرايد أو مواقع ، أو حتى يوتيوب .. المهم لا تستعجل الربح .. عمومــًا .. إذا تبي تبحث في مواضيع الإنترنت وماشابه ، شف واحد اسمه رشيد البلاع ، تابعه في اليويتويب .. أتمنى لك التوفيق و السداد ، و إن كنت محترف تصميم مواقع أبي أشتغل معك في تصميم موقع أجنبي .. أنا عندي فكرة أبي أنفذها ,, أحتاج جهده الله يوفقك أخوي [/align] |
بتوفيق لك اخي
|
كلام جميل من اخوي عبدالله وسع صدرك , أتمنالك التوفيق عآتبوه البشر
اخوي عبدالله وسع صدرك ممكن أفيدك بفكرتك واساعدك ؟؟ |
يوجد موقع للبيع تسويق بيع وشراء
عدد الاعضاء 822 عضو عدد المواضيع 60.780 موضوع عدد المشاركات 67.997 مشاركة أكبر تواجد بالمنتدى كان 21,758 لك رساله على الخاص باسم الموقع والله الموفق |
اذا ما تملك عروض خاصة بك لتحريك الموقع وتنشيطة
اعتقد انك بتغامر موفق |
الله يوفقك يارب
واي مساعده بمواقع او التصاميم كيف توفرها ابقدر اساعدك |
اقتباس:
|
الساعة الآن 12:34 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين