أحتاج مشورتكم ..ولا أستغني عن أرائكم ..
صباح الخير يَ آل بطاله الكرام << بطاله من كلمة(بطل بمعنى القوه) وليس(بطل بمعنى التعطل):rolleyes:
طيب :w عندي استفسار .. مع مقدمه خفيفه .. لزوم التوضيح والشرح :d بصراحه انا افكر استثمر ماعندي من مال في انشاء كوفي.. في احد الحدائق العامه والسبب اللي شجعني اني نزلت مع الوالده في حديقه عامه ..فيها مضمار تطلع له امي بين فتره وفتره للمشي وتعرفت فيها على عجايز الاحياء المجاوره وصارت كل ليله تروح تدور عليهم:) وتمدح امي في الحركه النشطه للحديقه من ناحية عدد زوارها .. وانه ينقصها بعض الخدمات حتى تكتمل .. فقررت ازورها ...وانا امشي واياها في المضمار كانت تقول لي ...شفتي هذي (تشير لسيده سوريه تبسط ببضاعه عصائر وبساكيت والعاب الاطفال من ثلاث سنوات ) بانها اخبرتها بان اقل شي يدخل عليها في اليوم 1000 ريال ..وزاد هذا من فضولي... وبعد ما جلست امي للراحه ..صارت فرصتي اروح لها اشتري منها واتحدث معها ..واخذت جوله على الحديقه بكاملها ..وانبهرت فعلا من كثرة الزوار ..وبعد ما اخذت صوره عامه وانطباع عن الحركه الشرائيه ..قررت بإذن الله بتنفيذ الفكره وهي كوفي يخدم الحديقه ومرتاديها بالذات ان موقعها سيخدم ايضا المارين بها واهالي الحي والاحياء المجاوره ...لعدم وجود كوفي الا على الشوارع الرئيسيه .. وتوته..توته ..خلصت الحتوته ;) بس بقى بعض الاستفسارت.. ومن يعرف فلا يبخل بتوجيهه ونصائحه .. واكون لكم من الشاكرين _اولا.. سمعت أن فتح البوفيه او الكوفي في حدائق البلديات داخل الاحياء تكون برسوم سنويه تدفع للبلديه مو أجار شهري ..فما ادري اذا هذا صحيح أو لا ..! _ ثانيا .. هلا لابد من فتح سجل تجاري او تصريح فقط .. وما هي الجهه المسؤوله عنه ..؟ وهل النساء ممكن انها تزاول هذا النشاط وإلا مومسموح لنا .. واذا فيه روابط تخص هذا الموضوع ياليت تضعونها للاستفاده .. وبارك الله في الجميع ووفقنا لما يحبه ويرضاه .. :h |
والله الي أعرفه أن الكشكات الي زي كذا تتم عن طريق مزايدات في البلديه
بس بقولك شيء لا تكونين طموحه ترا سالفه تدخلين الف ريال باليوم مو بسيطه الأيام العاديه ترا الشغل بيكون ميت يعني يمكن ماتدخلين 70 ريال بيزيد الشغل في الاربعاء والخميس والجمعه والأجازات بس على حسب الحديقه انا امي تتكي بحديقه كل الي يدخلونها قفشهم معهم خصوصاً التمر والقهوه ^_^ خخخخخخ الله يوفقك يارب |
اقتباس:
|
سوي زي ام عبدالله الي بالواجهه البحريه بالخبر .. ي عليها شآي بحبق يجيب العافيه ^___^ لي فتره مارحت مادري بآقي موجوده ولآ ..
يعني خليها بسيطه صغيره ليين تجربي وضعك وتشوفي الدخل يستاهل ولا ... الله يوفقك |
الايجار من البلدية بمبلغ سنوي
يحتاج رخصة من البلدية وشهادة صحية ما يحتاج سجل تجاري الشغلة زينة وراس مالها قليل وربحها معقول توكلي على الله بالتوفيق |
الساعة الآن 09:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين