|
يا الله قلبتي المواجع
اول اسبوعين تقريباً كانو متعبين بسبب السكن متابعين لك ياعسل |
اقتباس:
حبيبتي شوكليت ليه اول اسبوعين كانوا متعبين لك؟ الحمدلله أنا كنت مرتاحة ومبسوطة، لأني توكلت على الله وتعاونت مع زميلاتي في ترتيب مسألة السكن، وكنا متفاهمين ومتعاونين. والمدرسة ولله الحمدلله اندمجنا بشكل طيب مع مدرساتها، وأهل القرية طيبين وخلوقين، |
السكن طبعا حرصنا إننا مانتكلف ماديا فيه بشكل كبير،
فرشنا الأرض فينيل على شكل باركيه، إشتريت لي سرير اللي ينطبق، مع مرتبة شبه طبية، الطبية غالية طبعا، مثل هذا المهم في هذا السرير إنه كل شي يبان تحته، لأننا نخاف من الحشرات. على طاري الحشرات، وديت معي مبيد حشري قبل نفرش الفينيل جبته من ساكو ورشيته على كل البيت ولله الحمد ما شفنا حشرات غريبة. وأخذت بعد بودرة لطرد الوزغ من محلات المواد والآلات الزراعة، بعد ما استخدمناها ما شفنا أي براعصة ولله الحمد. وطبعا أخذنا صحون وملاعق وكاسات ورق لأن ما لنا خلق نغسل مواعين، يعني عشنا حياة العزوبية هناك، حتى أهل الديرة في البداية زارونا ومعهم قهوتهم وشاهييههم وفطايرهم وحلاهم، بعد كذا قلنا لهم اللي بيجي يجيب معه قهوته، طبعا هذا في البدايات، بعدين تنسنعنا وصرنا نعزمهم على العشاء. حتى يوم صمنا عاشوراء عزمناهم عالفطور، وكل وحدة جابت معها طبق، ومع إنها أول مرة أصوم بعيد عن أهلي ، إلا أن الفطور معهم كان رائع جدا. |
متابعه لك كملي يمكن اشاركك بقصتي المليئه بالمغامرات في وقت لاحق
|
الله يوفق الجميع ويسهلها علينا ويردنا سالمين لاهالينا
اللي متعينة بالقويعيه وساكنة بشقق العسجدية تعطيني خبر لاني اشوف معلمات كثير فيها و انا ساكنة فيها وجددت الايجار لشهر سبعه |
اقتباس:
على اساس موقع السكن كويس وفيه خدمات ومو بعيد عن دواماتنا طلع وصفها غلط والمنطقه بعيده و جديده ومافيها بيوت كثير كان اغلب اللي حولنا اراضي و عماير تنبني ولا فيه خدمات .. وغير عن كذا ماارتحت ابدً والحمدلله لعل في الأمر خيره لأن شكل البنات مشكلجيات وانسحبت اكثر من وحده من عندهم بمشاكل الحمدلله سكنت بعدها بشقه مفروشه انا ووحده وبعد الحج استقريت انا ومعلمه عسسسسل الحمدلله يارب |
[align=right]
اقتباس:
هذه مشكلة لأنكم استعجلتم بالسكن قبل معاينة المنطقة، أنا رفضت أخذ سكن حتى نسأل المدرسة اللي سلمناهم خطاباتنا، ونعاين بنفسنا السكن، وذهبت قبل الدوام بيومين، رحت يوم الخميس شفت السكن ودفعت عربونه، ويوم الجمعة جبنا عمال نظفوه ونزلوا عفشنا وركبوا مكيفاتنا، ومن بكرة السبت داومنا. بالنسبة للمشاكل، الله رحمنا ولطف بحالنا، لأنه فيه مجموعة سكنت في القرية صارت بينهم مشاكل للسماء ولازالت، وكل ما شبت بينهم حمدنا الله إنهم مو معنا. للأسف البعض يفتعل مشاكل على بيت كلنا عارفين إننا مارح نطول فيه، بس نفسيات الله يهديهم ويصلحهم. المجموعة اللي معي ولله الحمد مجموعة طيبة وخلوقة ومتفاهمين ومتعاونين، في البداية كنا مضغوطين بالعمل، لأننا جدد وبدينا من الصفر، لكن اللي ساعدنا إن كل وحدة تعاون الثانية، ويمكنها خيرة إننا سكنا في قرية، حتى نتعاون على بداياتنا في العمل. الموضوع هنا مفتوح للأخوات المتعينات لمشاركتنا بتجاربهم وقصصهم. [/align] |
فتاة الشرقية ... الله يعطيك العافية ويسعد ايااااامك يارب
من زمان اتمنى اشوف مواضيع شيقة ومفيدة زي كذا حتى نزلت قبل فترة في المنتدى موضوع مشابه وجهت فيه نداء لكل المعلمات الجدد ... كنت ابغاهم يفيدوننا بااي معلومة تفيد أي وحدة من البنات لما تترشح سواء اجراءات المطابقة والمقابلة وخلافه .....الى امور السكن والنقل و....و...... تاااابعي رعاك الله ... واحنا معاك ومتابعينك بشغف :tsfiq: على فكرة عندي احساس انك معلمة لغة عربية ... ماشاءالله اسلوبك رائع :w |
الصراااااحه موضوع رائع الله يوفقك ويسعدك وراح يفيد البنات الي ترشحوا
|
اختي متابعه قصتك تبين الصراحه ماحسيت بمعاناة المغتربات الا يوم تعينت بعيد وفي قريه نائيه وشفت شي بحياتي ماشفته ولا فكرت انه يوم من الايام باتعايش هالوضع بس سبحان الله القدر والرزق ماحد يعرف وين يكون الله يسهل امورنا ياارب
|
| الساعة الآن 11:18 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين