مطعم
 

السلام عليكم ورحمة الله وبركاته
أنا عندي 2 طباخين متمكنين وثقات وعندهم خبرة في جميع الأكلات. وحبيت افتح مطعم يكون صغير في البدايه بس حبيت منكم تعطوني رأيكم وأبي كم يكلف والمعدات والديكور وش النشاط اللي حلو لأنهم متمكنين من كل شي هل احطه منوع كبسات وأسماك وفطائر ولا وش اللي تشوفونه مناسب لان راس مالي بسيط وأبي اترزق الله أنا وإياهم

ساعدوني يا أهل الخبر من وين أجيب المعدات والديكور تكون كلها رخيصه أنا من الدمام وإذا فيه مستخدم و نظيف يكون حلو

بالتوفيق للجميع

هلا بك اخوي بدر


دور لك محل بمنطقة شعبية وزحمة سكان واستاجر فتحتين

وشف وش اكثر شي يتميزون به عمالك وركز عليه

ووفر معداتك حسب نشاطك في البداية

يعني اذا كبسات

المطلوب
اصطوانات غاز
ودوافير او افران غاز
وقدور
ومكينة شواية
وطلبات التقديم
وطاولات وكراسي
وسمع الله لمن حمدة
كذا ما تتكلف وتبداء صح بتكلفة بسيطة وشوي شوي من دخل المطعم كمل الطلبات وزود النشاط

واذا الله مد في رزقك وكسبت سمعة واقبال

افتح فرع ثاني وثالث

والله يوفقك

بس اهم شي لا تغامر من البداية بكل ما عندك ابد خطوة خطوة والقليل ياتي بالكثير

واهم شي يكون بينك وبين العمال عقد اتفاق مو اذا اشتغل المحل وزاد الدخل يطمعون ويطالبون بالزود او انهم يتفقون مع واحد من وراك ويشتغلون عنده بعد ما يشتهرون

واضف شرط جزائي بالعقد انه في حال تركهم العمل فان عليهم مبلغ وقدرة ؟؟؟؟؟ كغرامة مثلا



نسال الله لك التوفيق

الله يعطيك العافيه اخوي كلام جميل استفدت منه بصراحه

نشوف آراء الشباب.