السلام عليكم

حبيت استشيركم و افهم شغلات كثيره
انا موظفة بشركة طبية من نوفمبر وللحين ماوقعت اي عقد والسبب ان الاوراق تجي من المكتب الرئيسي للشركة والمدير العام كان في اجازه ف امور كثيره متعطله
اول ماكلموني ع الوظيفه قالوا ان الراتب 2000 و 500 بدل مواصلات و تامين
داومت شهر كامل بدوام كامل وناقشتهم ان الراتب قليل ف رفعوه الى 3000
الشهر اللي بعدو داومت نص دوام وبكذا يعني نص الراتب
الشهر هذا داومت دوام كامل

جاني مسج انهم سجلوني بالتامينات براتب 3000 من اوووول شهر

سؤالي: هل من حقي اطالبهم ب 3000 حق اول شهر زي ماهم سجلوني بالتامينات! والشهر الثاني 1500 و هالشهر
3000

السؤال الثاني: متى اكلمهم عشان يرفعون الراتب اكثر؟ يعني معاي بكالوريوس انقلش وشغلي تمام والحمدلله يمدحون، بس الراتب سخيف بصراحه، المشكله مافي منافسين في هالمدينة عشان كذا الرواتب متدنية


شكرا جزيلا

اوكى

اجابة السوال الاول:
- اهم شي التامينات مسجله بتاريخ اول يوم مباشره (شيكي الموقع التامينات )

- ما ينفع تطالبين بالراتب الجديد للشهر الاول بعد ما جت الزياده

(اللي فهمته ان الزياده جتك قبل نهايه الشهر الاول)
لان التامينات ما ياخذون الاجر 0.9% من الاساسي حقك الا نهاية الشهر
وما يخصمون الا على الراتب القديم اللي هو قبل الزياده
تخصم التامينات على الراتب الجديد 3000 في الشهر اللي بعده


اجابة السوال الثاني:

ما شاء الله بكالوريس انجليزي....سوقك ما شي بشكل ما تتصورين

عندك شغلتين
الاولى : قدمي طلب زياده في الراتب الاساسي بعد 3 شهور بالضبط من مباشرتك
انا اشوف لا يقل عن 6000 وفوق ممتاز
اذا كانت الشركة مهنيه ومعروفه ...العاده يسون تقييم للموظف ويعطونه زياده

وامورك شكلها طيبه في الشركة مجرد انك طلبتي وما كملتي شهر زادوكي 1000 ما شاء الله
ربي سخرهم لكي...........اضغطي كمان اطلبي زياده

الثانيه: ابحثي في مدارس خاصه، او البنوك راتبها ممتازه مره، وقدمي على الخدمة المدنية الانجليزي يتعين بسرعه باذن الله تعالى
وشيكي على المنتدى دائم ان شاء الله تلاقين وظيفه راتبها حلو

ولعلمك اذا انتي موظفه "مترجمه" راتبك لا يقل عن 6000 اساسي هذه رواتبها

اذا رفضوا زياده الاساسي اطلبي بدل سكن 25%


الله يرزقك بالمال الحلال والذريه الصالحه

زي حالتي

الله كريم وينصرنا عليهم