إستفسار هل يتم يسليم الشهاده ( الأصل ) عند تسليم الأوراق في الوظائف العسكريه ؟
إستفسار ياصدقائي
في المقابله الشخصيه لأي وظيفه عسكريه المتداول والمعروف إنه يكون فيه مطابقه للبيانات والتاكد من أن جميع الأوراق المطلوبه كامله بدون نقص ووسليمه هاذي شي معروف إلي أعرفه أنا لآ مايخذون الشهاده الأصل ياخذون طبق الأصل وهذا المتادول في جميع القطاعات في مكافحة المخدرات عند مطابقة البيانات والمقابله الشخيصه وتسليم الأوراق طلعو لنا بطلعه غريبه إلي هي لآزم تسليم الشهاده الأصل هل يحق لهم ياخذون الشهاده الأصل ؟؟ طيب فرضا أخذو الشهاده الأصل وفي الأخير مانقبلت نهائي شهادتي ألحين ابي ترجع لي وأخذها كيف أخذها .. أو مثلا أنسحبت من الدوره من ضمن شروطهم إني ماطالب بالملف طيب أبي شهادتي ترجع لي وش الحل وش السواه ؟؟ السؤال هنا لأهل الخبره عند تسليم الأوراق هل يتم تسليم الشهاده الأصل سواء كانت ثانوي أو دبلوم أو بكالوريس ؟؟ |
الصراحة اللي اعرفه انا ان الشهادة الاصل تكون للمطابقة فقط وتجيبها معك اذا انقبلت نهائي
لكن مادام انهم اخذوهاا منك نقول ان شاء الله انك مقبول نهائي لأن المكافحة عندهم نقص كبير ودورة اللي مقدمين على رقيب اخر شهر 3 على حسب ماسمعت وفي حال عدم القبول لاسمح الله او انك طلعت من الدورة على طول تروووح لهم وتكلمهم ويعطونك الشهادة بالطيب ولا بالغصب |
حتى لو اخذوها الله واكبر عاد
اقرب وزارة بالمنطقه الي انت فيها ويطلعون لك بدل فاقد |
اقتباس:
ماهو أنا إلي سلم اوراقي لسى أنا ماسلمت واحد من أخوياي سلم شهادته سالته قلت ليه سلمتها قال هم طلبوها قلت له إفرض دجوك أو إنسحبت من الدوره جلس يفكر فيها قال والله إنك صادق وتندم وبعدين يالغالي إذا ضاعات شهادتك وأوراقك ضاعت خلاص ضاعات وعندنا هنا إجراءات فيها من التعقيد الشي الكثير تخلي الواحد يكره عيشته يكفيك بس المرمطه إلي تجي الشخص من التقديم أو المراجعه فما بالك بشهادتك إذا تبي تستردها وماعندك مايثبت وبعدين عندهم شرط إنك ماتطالب بملفك يعني الملف خلاص إنس إمره !! شايف كيف التعقيد |
اقتباس:
ياخوي لو إنها كذا مادورت بس معقدين وبعدين شهادتي جامعيه إذا على ختم طبق الأصل كرهونا في عيشتنا وجلسنا نتشحذهم حتى ختمو مع إنه حق من حقوقنا فما بالك بالشهاده الجامعيه شاكر مرورك |
لا ما يخذونها غريبه يمكن ما يبونك تقدم في قطاع ثاني
|
اوووه انت شهادة جامعيه
على بالي ثانوي :$ بس ياخوك اكيد يطابقونها ويعطونكم مو معقول ياخذونها لو انهم طالبين صوره طبق الاصل ومصدقه كذا نقول معقول بس ياخذون الاصل ويخلونكم كذا !! |
^^
هما عكس جميع القطاعات لآ تسلم شهادتك من البدايه إلي حط ذا الشرط البائخ ماعنده سالفه والله يطابقونها ويمسكونها عندهم ومايرجعونها لك هنا الإشكاليه يعني هنا الواحد يصير متعلق ولآزم يرضى بالأمر الواقع إذا أنقبلت وخلصت وتعديت الدوره كان بها مامشيت تتوهق شهادتك تطير شهادتي ماني مسلمها لهم بروح لهم اليوم بسلمهم الأوراق واشوف وش آخرتها معهم |
حلو تاكد منهم وقولهم تبون صوره طبق الاصل مصدقه
ولا وش الوضع مو معقول اعطيك تعبي بكل سهول واكل هواء بعدين !! |
خذ العلم حنا بالطواري خذوها حق شهر تاكدو منها ورجعوها لنا
|
الساعة الآن 10:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين