|
هذي قصــتي !
الســـلام عليكم ورحمة الله وبركاته أحبتي اخوتي يشرفنا أن اكون ضمن أعضاء هذا الموقع المبارك طبعاً عاطل كما هو حال الشاب السعودي المظلوم ماخليت ولا شركة في الانترنت وإلا قدمت عليها !! شاب طموح كنت أدرس في أحدى الكليات وعندما قضيت فترة في الدراسة أصبت بمرض أورام وأدخلت في المستشفى الملك فيصل التخصصي بالرياض وأجريت عملية وبعد فترة التأهيل بعد الخروج من المستشفى وبعد المعاناة الحمد لله تشافيت ورجعت للكلية من جديد بعد تقديم كافة الأوراق والتقارير الطبية تم قبولي من جديد !! وفي نفس الوقت قدمت على برنامج أحد الشركات الكبرى للتدريب والتوظيف وبعد فترة كلموني وقالوا لي تم قبولك ولكن هنالك اختبار للغة الانجليزية في الشرقية للملعومية انا ادرس بحايل .. ذهبت للأختبار في الوقت المحدد من الشركة وبعد فترة كلموني وقالوا أنك نجحت في الأختبار ولكن باقي أختبار للمقابلة الشخصية والمصيبة وضعوا أختبار المقابلة نفس وقت أختبارات النهائية وطلبوا مني وجوب أحضار الملف الخاص فيني والكلية تقول يمنع سحب الملف موقتاً وقت ألأختبارات وعدم حضورك لأي محاضرة أو اختبار لن يقبل أي عذر و أحد موظفين تلك الشركة يقول تعال والوظيفة مضمونه ان شاء الله ولا تفوتك هذا الفرصة .. توكلت على الله وسحبت الملف بعد ان آلحــو علي وذهبت من حايل للشرقية وأختبرت ثاني أختبار .. وبعد أيام تصلني رسالة بالجوال من نفس الشركة يقولون نتمنى لك فرص أوفر !! ولم يذكروا لي السبب !! وبعد تقريباً أقل من شهر ارسلوا لي رسالة بالجوال يقولون تعال أختبار اللغة الأنجليزية مع أني سبق واختبرت ونجحت فيه !! والفرق بين الاختبارين أقل من شهرين !! كلمتهم وقلت انا كيت وكيت وانا بحايل يعني أكثر من ألف ومتين كيلو عنكم !!؟ وكل شوي أختبار ؟؟ والمسألة ماتحتاج كل هذا ؟؟؟ المهم لم اجد منهم أي توضيح بعد هذا !! حسبي الله عليهم والمشكلة الأخرى أحدى الشركات الكبرى التي تزعم انها تدرب وتوظف الشباب بجدة اتصلوا علي قالوا متوفر لدينا وظيفة وهي (( حلاق ))!! |
حسبي الله عليهم والله يرزقك يارب
|
الله يرزقك مع انه صار الي صار بس كان المفروض تكمل دراستك أفضل على العموم .. الي فات مات
الله يوفقك ويرزقني ويرزقك بوظيفه |
والله ياخوي شي يقهر بجد
كان لعن ابوووو الشركه من اولهم لاخرهم وهذا الي قال لك مضمونه الوظيفه جايه وقايل له ياتوضفني ياترجعني للكليه وصدقني لو تذبـــحه ما احد يلومك الله يوفقك يالغالي فيه في سماح سنتر توظيف سكرتيه جيتهم قالو لي راتبك 1700 ريال اول سنه نعطيك 1200 ريال و500 نحجزه لين تكمل سنه وبعدها نعطيك اياها مادري ليش شكلهم يجمعون لي او داخلين فيها جمعيه الله يعين بس اذا تبغاهم راسلني خاص واوصفهم لك |
تلاعب بالمواطن وكأنه لا ينتمي الا فئة البشر اصلا
حسبي الله ونعم الوكيل اخ : لا تعتذر ، بارك الله فيك وكثر من امثالك (من فرج على مسلم كربة، فرج الله عنه كربة من كرب يوم القيامة) |
حسبي الله ونعم الوكيل
|
اخوي انت جازفت بشهادتك
عندي الشهاده اهم من الوظيفه اذا خلصت دراسه ابحث عن وظيفه ... الله يسهل عليك وعلى جميع المسلمين |
اقتباس:
أشكرك اخي الفاضل |
اقتباس:
انا كنت ناوي رفض هذي الوظيفة ولكن عندما كلمني أحد الموظفين تغير الأمر لانه قال لي فرصة عمر نحن ندربك أحسن تدريب والوظيفة بالمخباء !! والشركة من أكبر الشركان في الخليج أشكرك أخي |
الله يعينك شي يقهر
بس ان شاء الله يعوضك بأحسن منها |
| الساعة الآن 07:36 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين