|
تكفون ساعدوني بخصوص وظائف وزارة الداخلية للأحوال المدنية
بسم الله الرحمن الرحيم
السلام عليكم ورحمة الله وبركاته أخواني الله يعطيكم العافيه تقديم في وزارة الداخلية للأحوال المدنية يبدأ من يوم السبت.. وطالبين شهادات حاسب وأقلها 6 شهور !! الله يعافيكم انا خريج الثانوية العامة سنة 1433 .. والطول والوزن والنظر الحمد لله تمام .. سؤالي: محتاج شهادة حاسب وماعندي مشكلة يختبروني بس محتاج شهادة فقط .. آيش آسوي ؟؟ وصلى اللهم وسلم على نبينا محمد |
يجي من يفيدكك
|
طلبك مستحيل والمعهد اللي راح يعطيك شهاده راح تكون مزوره وغير مصدقه من المؤسسه العامه للتدريب المهني ----- نظام المعاهد تسجيل الطالب بالمعهد في دوره حاسب الي مدة 6 اشهر يسجل اسمه في المؤسسه العامه للتدريب المهني من تاريخ التسجيل مثلا " اليوم سجلت بالمعهد 5/4/1434هـ بعد مرور 6 اشهر يعني 5/10/1434هـ ينزل اسمك من المؤسسه للاختبار ويحددون موعد اختبارك " يعني ما فيها تلاعب نهائيا وهذا مستحيل والله يوفقك ان شاء الله ويرزقك نصيحه سجل من الان في معهد ما تعلم ايش راح يصير ريح حالك لان دورات كثيره للعسكر انطردو من الدوره بسبب الشهادات المزوره لان مصيرك راح تنكشف |
تروح لاقرب معهد معتمد وتقوله انك تعرف الحاسب زين ويسوي لك اختبار اذا اجتزته تعطيه فلوسك وتاخذ شهادتك
|
اقتباس:
ولكن اولا مالها حرام ثانيا بتنكشف انها مزوره يالحبيب والحين صارو يعطونك خطاب حتى لشهادة الثانويه عشان يتاكدون انها مو مزوره فما بالك بشهاده حاسب |
ياخوي لو لك واسطه بعد الله سبحانه
سجل على جندي . فقط . واعطه رقم الطلب وبتمشي امووورك والله يوفقك ياارب حسب ما سمعت ان فيه اختبار بعد التخرج بعدها التعين على حسب احتياج العمل الواسطات تمشيك لو ماتعرف شي بتمشيك والله يوفقك ياارب ومن يقرا |
شف وانا اخوك روح اي معهد وقلهم انا عندي خلفيه عن الحاسب راح يسون لك اختبار واذا اجتزته راح يعطونك موعد تستسلم الشهاده
وانصحك تدخل دراسه حاسب 6 شهور لان الحين اكثر القطاعات طالبين حاسب وبالتوفيق |
نصيحة مني لك ولا تستعجل على رزقك .!
دام إنك بدون شهادة ادرس ... سته شهور فقط ادرس سته شهور ولو جاء تقديم قدم ولو نزل اسمه وكملت كل شي وجاك الدورة وانت تدرس خلها . دائما حاليا بالبيت وعاطل ادرس احسن لك أما إن كنت تفكر يا اخوي بشهادة تشتريها .. طبعاً صارت بأي مكان تشتري الشهادة بس شنو الفائدة .؟! الدورة حق الامن العام الحالي طردوـا ما يقارب 900 طالب علشان تزوير شهادة حاسب يا خوي لو تفكر بعقلك تشوف أول شي تكون لك حرام في حرام تاكل من حرام تشتري سيارة من حرام تزوج وتأكل عيالك بالمستقبل حرام .! فكر فيها قبل كل شي ! دراسة 6 شهور والله مو كثيرة تجي مع الايام ..بسرعة وموفق يالغالي موفق يالغالي واتمنى لك الخير ولك شخص عاطلويحث عن وظيفة انا كملت اوراقي بالامن العام وبنتظار نتائج الدورة برتبة جندي أول ويوم السبت راح اقدم معي شهادة حاسب والله يوفقك ويوفقنا إن شاءالله |
آشكر كل من رد على موضوعي وساعدني ونصحني
أسأ ل الله العلي القدير أن يرزقكم كل ماتتمنون ويوفقكم لكل خير |
سلام عليكم ياشباب اول شي بسم الله الرحمن الرحيم
ياشباب الي عارف نفسة ماهو رايح لهم لايسجل لكي يعطي الفرصة لغيرة والي شروطة ماهي زي الي في الموقع يدبر له واسطة ويكلمة واذا يقدر يساعدة يسجل والله يوفق الجميع لاكن والله انا ماكتبت الكلام هاذا الابعد ماشفت بعض منكم يكتب انا قدمت بس ماني رايح طيب ليش قدمت من الاساس حسد ولا اكيد قرارك ماهو في يدك الشباب هنا يكتبون مواضيع قبل التقديمات بفترة لاباس بها كافية انك تسال اهلك والي يقربون لك والي حواليك كلهم وتاكدمن نفسك لاعشان لو جاء التقديم وقدمت وانشاء الله تنقبلون اتكون واثق من قرارك ولاحد يقولك القطاع معفن والافية كذا وكذا قوله طيب اصرفني لاحد ملقى عمل وشوف ايش يقولك وترى طلبت الناس ماهي طيبة والعمر يمشي والله اعرف ناس مكتبي يقلون ماهم مترحين وناس عسكر يقلون تعب طيب ياخي فكر شوي هم مناديك وموظفينك لعشان القهوة والشاهي لانهم احتاجوك في هاذي الوظيفة وانت فيك الكفاءة لها ;);):yaa: والسلام ختام |
| الساعة الآن 03:04 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين