|
الأجنبي ...!!!!
السلام عليكم ورحمة الله
طآبت أيامكم بكل خير حبيت أتناقش معاكم في أمر محيرني قليلاً قبل البدء مو لازم أحلف أني سعودية أباً عن جد يكفي اللي خالقنا عالم بصدقي ! الأجنبي ليه الإجنبي واقف شوكة في حلق كثير من السعوديين لان جاء وتزرق على أرض المملكة طيب ربي كتب رزقه في البلد الفلاني فلِمـــا الضجر ؟؟؟؟؟ نحن لو وضعنا أنفسنا مكانه أي لو أحد منا سافر لأي دولة خلجية عربية أو غيرة يحز في خاطره لو نظرو له نظرة وش جآبك عندنا !!!!؟؟؟ طيب هالاجانب نفس حالتك تركو ديارهم وجو عند بلادك لطلب الرزق فليه أصلاً التنفر والحقد والكراهية .... يمكن لأن أجنبي يجي مملكتنا ويتوظف ويكون ولد البلد عاطل سببت أزمة ! لاننسى المملكة أسمها المملكة العربية السعودية بس هي أرض الله مو مشتريهآ أحد >>إن شاء الله فهمتو النقطة مافي بلاد على سطح الأرض حتى لو سميت بأنها لهم هي أرض لله والرزق للجميع >هاذي نظرتي ~ْ} هو رزق من الله وكل أنسان ربي كاتب رزقة في بلد أو مدينة قد تكون مو مدينتك وشفناها كثير في التعليم والصحة وغيره إذن كل واحد يسعى لرزقة وين ماكان ولا يملي قلبه حقد وكره لان العربي الفلاني جاء بلد وتوظف !! .. خلينا نتخيل المسألة بعيد عن البشر طائر من البرازيل طار وووصل مثلاً لسعودية وأكل من أرضها هل يعقل أزعل وأطرده وأقول عساك ماتتهنى بالقمة !!؟؟>طبعاً لا بشوف نظرتكم وآرائكم ... |
وعليكم السلام ورحمة الله وبركاته
اولا : ليه الاجنبي واقف بحلوقنا .. تتغير النظريه من شخص الى أخر هناك شيئين يغيران نظريتك للواقع المرض و الغربه المعروف ان السعوديون 70 % فقراء الفقر = المرض مو شرط عضوي نفسي وهذا شي طيبعي لشخص فقير ان يصاب بعاهات واظطرابات نفسي كأنا ! 2 _ الغربه : = فقدان الصديق بسبب الاضطربات النفسيه المفاجأه انتي تخلي نفسك بدون اصدقاء اذا هذه غربه نجي عند لو وضعنا انسفنا بمكانه وهذا اوسع كلمه اسمعها بالسعوديه تسببت في عرقلة عجلة التنميه سوا لأ افراد او لشعب كامل ودايم حنا نقارن أنفسنما بالصومال ! وانا اجزم انا اهذه المقارانات تسببت بالرهاب الاجتماعي بنسبة 60 % لشباب المتقلين بالعمر بالمملكه . ونوع من انواع السياسه ما وش جابك عندنا هذي ابلغ جمله من ناحية الكمال لان اغلب الي ينطق بها اطفال يجهلون مستقبلهم بوجود أناس غرباء والمعروف ان الاطفال مصدر للألهام والنجاح اذا هم فعلا على حق اما مسئلة الطائر فهو طاائر وليس ب فيل فلا يوجد فيله في صحراء نجد ! هنا يتسائل الجميع وش جاك عندنا واغلب الاجانبب لشركات عالميه ليست سعوديه تتوقف مهنة وزارة العمل بأخذ الضريبببه فقط وهذا يعتبر احتلال اقتصادي وغش للأجيال القادمه ومستقبل مجهول لأأولادك واأولادي وبلاش العاطفه الزياده لان العاطفه والعمل لايجتمعان ولابد من العمل لانفسنا لنا نحن فقط فقط نحن ,, |
وعليكم السلام ورحمة الله وبركاته ...
اول شئ لا نقول الاجنبي واقف في حلوقنا النظام الي واقف في حلق السعودي ولاعن خيره ساتكلم بلمختصر .. الان كم وظيفه مساعد فني ووو الي اخره يعني فيه خريجين بلهبل يستطيعون ان يقومون بمحل هذا الشخص لاكن الموسسات تريد الاجنبي لانه اقل راتب ومن حق صاحب المؤسسه ان ياتي بمن يكون اقل راتب حتي يكسب اكثر لاكن انظام لم يردعهم طبعا الحلول بلهبل فقط تبيها حزم يقلون سنفعل وكلامهم يكون مثل سحابه عابره يعني يقلون مالا يفعلون اما بخصوص الاجنبي ففيه بعض الاعمال تحتاجهم لا اقول نظافه بل مهندسين واطباء وربما معلمين بلجامعات لنقص الكفائه عندنا وهائولا ليس لدينا معهم مشكله لاكن يوم تروح تشوف مراقب للعمال مصري يوم تشوف مساعد فني هندي يوم تشوف وتشوف هذي مين اولابها نحن ام هم اما بخصوص الرزق وانه من الله فنقول انه اتي وكتب الله رزق له علشان انظام عندنا لاكن تجد ان حتي لو معك شهاده وتبي تشتغل في بلدهم نظامهم لا يسمح هنا الفرق ع العموم العيب ليس فردي او مشكله فرديه الدوله تبني كما تبني اي مبناء لك ان جعلت اساسه هش اكيد بيكون مبني هش وان جعلته تمام فاكيد بيكون ممتاز المـــــــــــــــــــــــــــــــــــشـــــــــــ ــــــــــــــــــــكـــــــــــــــله بـــــــــنـــــــــــظـــــــــام ومن يسن هنظام هو المشكله |
[align=center]
بصراحه انا اشوف سبب وجود الاجنبي هو احنا السعوديين والله وربي اعرف عائله في فقر شديد والي يصرف عليهم بنتهم بالمكافاه واختها الي تاخذ راتب حول الالفين ريال فقط ولمن سالتها قلت ليش اخوانك مايشتغلوا تقول اخوانها عندهم شهادة ابتدائي وحتى ماكملوها ويقولوا مستحييييييييييل نشتغل امن او كاشير او مدري وش واما وظيفه عدله او بلاش بالعقل ابتدائي وش تبيهم يحطونك وزير والى عضو بمجلس الشورى اتحدا يجيبون سعودي يشتغل عامل نظافه او سباك او اي وظيفه من الي نشوف الاجانب ماسكينها مع العلم هاذي تعتبر وظائف مهمه واخواني من ظمنهم ماحد يرضى بذي الوظائف الى الاجنبي هذا انا عندي بكالريوس تربوي ووالله الذي لا اله الا هو قدمت على وظيفة فراشه بمدرسه اهليه وعاملة نظافه وبرضه ماقبلوني هههههههههههههههههههههههههههه مدري العله بالشهاده والى فيني الله المستعان فالاجنبي بنظري افضل متغرب من بلده وكارفينه هنا وفوق هذا معترضين على تواجده واحنا السبب في تواجده انا والله صريحه واحب اقول الي اشوفه قدامي سبب وجود الاجنبي احنا جايبينه من بلده عامل يانحطه بمحل او سواق او اي مهنه وبالاخير نقول وراه الاجنبي نهبنا نهب وغفلنا ان الله متكفل برزق النمله وهي نمله وهذا حدته الظروف والغربه واهم شي ان الله رزقه في هذا البلد والبعض في المستشفيات يرفض الدكتور السعودي ويوافق عالاجنبي وهذا الموقف شفته قدام عيني كثيررررررررررررررررر يعني الاجنبي صار وجوده لازم اتمنى ماحد يزعل من رايي لانه هذا الواقع تحياتي [/align] |
اقتباس:
اشوف كل اللي معي سعوديين منهم الجامعي ومنهم اللي معه ثانوية وكلهم ماشاء الله ينحطون على الجرح ,واجهنا مشكلات مع الاجانب وخصوصا اللي ماسكين مناصب يحاولون يطفشونك اللين تطلع وفعلا كانو سبب عدم استقراري في وظيفة معينه |
اختي الله يحفظك لاهلك ان شاء الله
مشكلتنا للاسف مو مع الاجنبي ولا الاجنبي مسكين حاله حالنا يدور لقمة العيش ويستر نفسه واهله والا السعودين ماشاء الله تبارك الرحمن اغلبهم يعطفو على الاجنبي ويساعدوه واكبر دليل على كلامي خدمة شبابنا لضيوف الرحمن اجني او سعودين لكن مشكلتنا مع النظام الي يقدس الاجنبي ويدوس على المواطن السعودي كم واحد سعودي معه شهادات ومؤهلات حطوه على الرف وخلو الاجنبي مكانه وغرفو عليه من الفلوس وهو بنفس مؤهلات الاجنبي او اقل منه لايجي احد يقول لا اصلا معه خبره اصلا هو يرضي بالقليل ونكرفهم وهم ساكتين اما السعودي لا راح يجي ناس يسبو بالسعوديين اصلا هم كسولين اصلا هم مايبغو شغل اصلا واصلا ......, اما الاجنبي فمشاء الله يعرف لاشياء كثير وهم بالاساس ماعندهم سالفة بالله عليكم كم دكتور طلع سباك ولا مزور شهاداته ولا كان ولاشي ببلاده ولما جا هنا واخذه فرصته داس على شبابنا او اهانه مو كل الاجانب سيئين وفي من تحطه فوق راسك وتحترمه وتقدره بالله كم دكتور بالجامعة مؤهله بالماجستير ويهين بعيالنا مو يعلمهم ولا ازيدك من الشعر بيت يسقطهم ظلم والجامعة متمسكة فيه بيدها واسنانها في حين انها مشدده على السعودي الي بنفس المؤهل ولكن مو معترفه فيه الا يجيب دكتوراه ومن برا المملكة بعد ادري تحمست بزيادة للموضوع بس برضو انا مع كل واحد يأخذ فرصته بس دون ماحد يأخذ حق احد لانه بكذا جد الواحد يحقد على الاجانب لو اتاخذ حقه منه ظلم |
اقتباس:
معليش لاتعممي انا عن نفسي مو سبب لوجود اجنبي هنا :q:q بس بصراحة مثل ماانتي قدمتي على وظيفة فراشة في كثييييير مثلك وابشرك في شباب يبيعو خضار بالسوق وسباكين وكهربائيين وعمال نظافة وبنات عاملات نظافة وحارسات امن وكاشيرات وبائعات وكوفيرات ومحنيات وطقاقات ولا ازيدك من الشعر بيت معهم بكالوريوس المشكلة مو بالاجنبي المشكلة فينا احنا اللي نقلل من قيمه بعض ونقدس الاجنبي والا عيالنا ماشاء الله تبارك الله عليهم بس الكل محطمهم ومو معطينهم فرصة:g |
السلام عليكم طرح رائع وقيم ,< والله بوجهة نظرى الصراحه ومن غير زعل فيه شريحه طويله وعريضه من البشر جاهم رزق وبدل حياتهم من فقر الى غناء ..اللهم لك الحمد ششئ طيب ~ بس الشئ الى مو طيب -> هو تكبرهم على البشر وغطرستهم عليهم يعني بعد ماكانوا يمشون حفات ..أصبحوا يستحقرون البشر! طبعا أقصد سعودين والسعوديات بعضهم ..للأسف...ومعاملتهم السئيه جــــدا الــ الخدم والعمال ~) ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,, وبخصوص العمال الأجانب أو العرب الى يشتغلون عندنا في كل دول العالم توجد قوانين تحفظ حقوق المواطن ! ولا كااااانت الدنيا في فوضي ...وعلى قول المثل ( المال السائيب يعلم السرقه ) صحيح المسئله أرزاق مقسمه ومكتوبه ...بس هذا الشئ ما يمنع من تنظيم أمور البلد مثلآ لـــــــــو أخذت على كلامك كان من باب أولى أن الدوله تستقدم مدراسين ومدراسات من السودان ومصر وتشغلهم بتدريس برواتب 600 ريال مع وجبة فطور وتأمين سكن ,,بدل رواتب المدارسين 18 و 19 الــف أو تستقدم جنود طول بعرض من الهند وباكستان وتشغلهم برواتب 300 و400 ريال!! ويطلع وزير العمل ويقول هذه أرزاق مقسمه وكل شخص يأخذ رزقه!! هذا يسمونه -------> أحتلال وغزو ونهب ثروات البلد ^_____^ علشااان كذا ضرورى وضرورى جــــــــــدا وقف الأستقدام وتوظيف السعودين ...ودعمهم بمشريع الصغيره وتطويرهم والله ..ثم والله لـــو واحد فينا حاول يشتغل في مصر أو في السودان أو الهند الـــــــــخ راااح يقطعونه تقطيع بلا طير بلا غيره :d الــــــــــــــــف شكر ع الطرح |
اقتباس:
قلتيها بلسانك السبب هو أحنا أو بين ( الى يفكر بنفس تفكيرك ) قدمتي على وظيفة فراشه ! ومعاكي شهااادة جامعيه ؟! طيب ويش تحبين نعطيك شهادة تقدير وتضحيه ؟! مو كان من باب أولى يتم توظيفك بدل المعلمات الأجنبيات ؟! وفوق هذا تقولين اقتباس:
خخخخخخخخخخخخـ:d والله شر الباليه مايضحك ,,,عيب علينا نستحرق أنفسنا ...بغض النظر عن المهن هي مهنه شريفه ...لكن الحمدالله البلد بخير وفيها وظائف يشغلها الأجانب أفضل منها بكثير نتركها ...ونركز على وظيفة عامل نظافه ؟! |
مشكلتنا ليست مع الاجنبي مشكلتنا مع النظاااااااااااااااااااااااااااااااااااااااااام اللي يخلي الاجنبي ياخذ اللي يبي والسعودي يجلس بمحله وفوق هذ يزيده احباط كل مااحد تكلم على وظايف الاجانب قالوا له انت سعودي ماتقدر تشتغل سباك ماتقدر تشتغل عامل نظافه طيب الله واكبر مابقى الا هالوظايف
عندك وزارة الصحه و بكل فروعها وتخصصاتها الاداريه والفنيه وينها عن ابن البلد عندك وزارة التعليم التخصصات الفنيه وينها عندك وزارة النقل والمواصلات الاف المهندسين العاطلين ولا حياة لمن تنادي عندك الشركات الكبيره مثل بن لادن ووسعودي اوجيه وغيرها من الشركات الكبيره وينها عن ابن البلد انا اخوي شغال في بن لادن حارس امن ورب البيت يحلفلي يقول كل المدراء والوظائف الكبيره كلها بيد السوريين واللبنانيين وكل مدير جايب موظفين من عائلته وابناء عمومته طيب هنا وين الخلل اخوي معه كلية تقنيه و حارس على البوابه واللبناني يحلف لي بشهاده ثانويه وجالس مدير بالشركه |
| الساعة الآن 07:02 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين