|
اختبار البرومترك بالاردن
السلام عليكم
عندي امتحان الهيئة بالاردن يوم الاربعاء القادم وحددت موعد وكل شي لاكن خايف ارسب للمره الرابعه لاني تعقدت في السعوديه ومليت من دفع المبالغ ياليت اللي عنده فكره عن الاسىله يفيدنا وهل هي نفس الاسىله اللي هنا دعواتكم .. |
أسأل الله المنان الكريم أن يسهل عليك الإختبار وأسأل الله لك التوفيق والسداد في الدارين! إستفسار يا أخ سلطان لا هنت أبغاك تشرح طريقة التسجيل في الإختبار في الأردن وكيف وكم التكاليف وهل المحاولات هناك مفتوحة ماهي مقيدة لأنو ناوي أسجل في إختبار أو إختبارين في الأردن. وتراك ما كتبت لنا تخخصك عشان بإمكان الإخوان يساعدوك. وإن شاء الله تنزل لنا خبر نجاحك هنا |
هلا فيك اخوي الساعي ابشر من عيوني الطريقه سهله طال عمرك (وتتخصصي انا فني مختبرات طبيه)
اول شي تسويه تصور جوازك ثاني شي تدفع رسوم 105 دنانير =يعني تقريبآ 525 ريال سعودي يعطونك اربع مواعيد تختار المواعيد المناسبه لك في الاربع مواعيد اذا تاكد اي موعد يدقون عليك قبلها بيومين او يرسلون لك على الايميل طبعآ اهم شي صورة الجواز والباقي اشياء روتينيه مثل اسمك الرباعي تخصصك الدقيق تاريخ ميلادك يعني معلوماتك ..المعهد اسمه امديست بشارع عبدون معتمد لان الامتحان عالمي انا سالت عن كل شي واتاكدت من مرجعي اللي بالسعوديه حتى نفس معهد امديست فيه امتحان توفل وايلتس لو حبيت تبتعث ..بالنسبه للاختبار الهيئة بالاردن بمعهد امديست ماراح تحسب لك المحاوله بسعوديه يعني لو لاسمح الله رسبت وكانت المحاوله الرابعه لك بالسعوديه تجي تلاقيها نفس المحاوله مو مقيد يعني تختبر مليون مره بالاردن لين ماتنجح ومحاولاتك اللي بالسعوديه نفس ماهي ثابته ماتروح عليك ..بس لازم بين كل اختبار والثاني يكون مضى عليهم اسبوعين هذا بالاردن نظامهم .. امديست اللي بمصر كل يوم لك اختبار مافي فترات بينهم يعني ترسب اليوم تعيد المحاوله ثاني يوم بمصر لاكن ماانصحك تروح لمصر لان الاوضاع زفت وصارو الحين يرهنون الخليجي ويطلبون فديات انتبه نصيحه خلك بالاردن احلى كل اسبوعين لك اختبار لين ماتنجح ..وانا الجمعه بااذن الله راجع للاردن وامتحاني الاحد الساعه 2 وراح اكمل لك وش يصير معاي واي استفسار انا بالخدمه ..دعواتك |
الله يوفقك ويسهل امرك
تحياتي |
شكرا شكرا أخوي سلطان وأسأل الله أن يعينك على تجاوز الإختبار بالنسبة لرسوم الإختبار وصورة الجواز أسلمهم لمين ومين هو إلي يسجلني في الإختبار لأني ماني عارف الطريفة وانت تقول يعطوك خبر قبل الإختبار بيومين هل في وقت إنك تحجز رحلة أو تمسك خط وتلحق الإختبار أحس يومين ماهي كافية وكيف بالنسبة للخروج والعودة. والله يجزاك خير ولا تنسى تبشرنا بنجاحك وتجاوزك للإختبار |
رد: اختبار البرومترك بالاردن
|
| الساعة الآن 10:41 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين