اذكر قبل سنتين قدمنا

يا ناسسسسسسسسسسسس يبطووووووووووووووووووووون

أنا وقت ماقدمت الأسبوع الماضي - يوم الأحد - ف الرياض شارع الستين
كلمت الموظف اللي ياخذ اوراق التقديم وقلت له ، متى موعد الاعلان عن المقبولين
وهل أقدر أضيف شهادات دورات مع اوراقي؟ قال لي رح لـ مدير شؤون التوظيف بالدور الرابع
رحت له وقال .. بالنسبة لـ المواعيد ، احتمال تنزل بعد
اسبوعين او اسبوع من يوم الأثنين " على كلامه "
وبالنسبة للشهادات { للي معه خبره } ماتجيبها الا وقت مايطلبون الملف بعد المقابله الشخصية

طيب هم اعلنو عن وظايف نسائه متي راح يكون التسجيل وكيف .. وبيكون يدوي او عن طريق الموقع ..
لن انا دخلت الموقع بس مافي غير وظايف لرجال ..

وأنا أخوك ، الحين أنتهت الأجراءات كلها على كلامهم " نهاية دوام يوم الأثنين "

لكن ماتدري ! يمكن ربك كاتب لك فيها قبول ..

الله يوفقك ويسهل أمرك يارب

يا شباب

انا قدمت

و لما اسوي استعلام من هنا

يقولي لا توجد بيانات ؟؟

وش السالفة !

السلام عليكم ورحمة الله وبركاته

..

اليوم جايكم وجايب معي شيء يفيدكم إن شاء الله

ياجماعة الخير .. اليوم قابلت عمي " كاتب عدل " وتعين في الوزارة قبل 7 سنوات { يمكن فيه تغير بسيط في الاجراءات مابين قبل 7 سنوات والحين .. لكن كل شيء متشابه تقريبا }

وسألته كذا سؤال عشان يتبين لي كيف آلية القبول والتسجيل ..

ومالكم بالطويلة بسرد كل أسئلتي و كل أجوبته ألحين ..

سألته عن آلية القبول كاملة وشرحها لي وقال :

أول شيء " تقدم أوراقك " ثاني شيء " يعلنون عن المقبولين " ثالث شيء " تدخلون الأختبار التحريري "
رابع شي " نتائج المقبولين في الأختبار التحريري والمؤهلين لـ المقابلة الشخصية " خامس شيء " يعلنون عن المقبولين واللي ع الإحتياط " ..

بعدها سألته عن المدة اللي بين كل خطوه وخطوة .. وقال /
مابين تقديم أوراقك والإعلان فترة بسيطة ، يمكن أسبوعين إذا طولوا ، ومابين الإعلان والاختبار فترة بسيطة بعد ، ومابين الاختبار والترشيح للمقابله يمكن تطول شوي .. وبعد المقابلة تجلس فترة طويلة إذا ع الانتظار أو على القبول الاول ، وبعدها يطلبون كشف طبي


بعدها سألته عن ، آلية الأختبار التحريري وقال :
بالنسبة للأخبار ! أنا تخصصي أصول شريعة ، والأسئلة اللي جتني عن آيات و لغة عربية ، و عن بعض الأشياء الغريبة مثل : تحدث عن وضع المحاكم في عهد الملك عبدالعزيز { وجاوب عمي بتأليف محترم ههههههههه }
لكن أتوقع كل شخص وتخصصه ، ماراح تتشابه الأسئلة

بعدها سألته عن الوقت اللي جلس ينتظره لين ما اعلنو النتائج ، وقال :
جلست أنتظر إسمي ينزل تقريبا بعد شهرين أو حولها ، وبعدها كملت الأجراءات وأعلنو بعدها المقابله الشخصية

بعدها سألته عن وضع المقابلة الشخصية ؟ وقال :

أنا جلست بعد مانادوني ، وقدامي ثلاثة يسألوني عن أشياء عامه و أشياء في تخصصي
لكن في هالوقت ! لاتصير معهم رسمي خلك معهم كأنك تعرفهم وتكلم بلباقة ، وخل اسلوبك ونقاشك رهيب

بعدها سألته : وكم جلست لين ترسمت و كيف الوضع؟ قال :

وقت ماخلصت المقابلة كان إسمي على " الإحتياط " وجلست تقريبا 9 شهور .. أنتظر
وبعدها ، نادوني و طلبو الكشف الطبي مني ، ودخلت ع المرتبة السادسة ، وباشرت .. مابين الكشف الطبي والمباشرة تقريبا شهرين او ثلاثة بالكثير وانا مباشر دوامي ..


طبعا يقول عمي : إذا طلبو الكشف منك تأكد بإذن الله إن أمورك في السليم و إنك بتتوظف ..
والحمدلله إنقبلت بدون واسطه ولاشيء ، لكن !! خل أملك بالله قوي و تفائل بالخير وإصبر وبإذن الله بتشوف ثمرة صبرك قدامك ..




آسف على الإطالة لكن والله حبن فيكم حبيت اجيب لكم كل اللي أقدر أسويه وأقدر أفيدكم فيه وأفيد نفسي فيه

..


الله يوفقكم جميعا ويوفقني لهالوظيفة

جزاك الله خير

كفيت ووفيت

والله يوفقنا ويوفقك والكل