انا صاحبة موضوع امنيتي انا وزوجي نشتري سياره جديده/ الله فرجها علينا بس بقى شي
السلام عليكم
انا صاحبة هالموضوع الي هو امنيت انا وزوجي نشتري سياره ياليت تدخلون وتقرونه قبل تقرون موضوعي هذا عشان تعرفون كيف تساعدونا https://www.btalah.com/t492627.html احنا عندنا قرض البنك الاهلي وبقى لنا فيه 3 سنوات ويخلص عشان نبي نشتري سياره راح زوجي للبنك نفسه وقال ابي قرض جديد بقيمة 50 الف او قرض تكميلي طبعا قالو لا مافيه الا قرض تكميلي وعطونا مبلغ 30 الف ونبي نشتري سياره كورلا طبعا هي افضل وارخص سياره ونبيها جديده وراح يكون سعرها تقريبا 55 تقريبا المهم مانعرف كيف نحصل باقي المبلغ والله طفشنا وتسكرت بوجيهنا ومانبغى ناخذ سياره اقساط من المعرض لان راح ندفع لهم وكمان البنك زادو فترة تسديد القرض الى 5 سنوات تقريبا طيب كيف طريقة التجارة ببطايق الشحن وهل هي مضمونه او لا لحد يقول تسلف زوجي مو راضي ابد لانه كل الي يمون عليهم ع قد حالهم ساعدونا الله يرزقنا ويرزقكم من واسع فضله |
يااختي ليش الديون عيشو على قدكم لازم سيارة جديد وفخامة ياغالية حنا السعودين ماذبحنا الا المظاهر
تحصل الواحد راتبة 4الاف او 5 ويشتري سيارة قيمتها 80 الف او اكثر ليش عشان بس يترزز فيها ويدلع نفسة وبالاخير يتشكى ويقول مديون وخلها على ربك يااختي المفروض زوجك ماأخذ قرض او اعادة للقرض المفروض يروح اي وكالة سيارة وياخذ سيارة قسطها رخيص فيها سيارات كيا قسطها 700 ريال وجديدة لازم يعني كورلاء او سيارة فخمة الله يعينكم الحين تدخلون في ديون ومشاكل وانتي ماتظمني لو السيارة تنصدم وتيصير سكراب وش استفدتي سيارة خربانة وعليكم دين تسددون 5 سنوات اختي فكري بعقل ولاتورطين المسيكين زوجك بالديون |
لا اقساط ولا بطاقات سواء ولا غيره
المبلغ اللي خذه من البنك يجيب له سيارة محترمه 30 الف مبلغ جيد لمن يبحث عن سياره ونصحيه بطاقات سواء هي الداء اللذي ليس له دواء ابتعدوا عنها بقدر الامكان . |
خذو سياره قيمتها 30 الف وانتهينها
واذا زوجك ماقد اخذ من الصندوق العقاري عندهم قرض اسره يقدر ياخذه |
اقتباس:
كلامك صحيح بس مانبغى نخسر فلوسنا في سيارة مستعمله يكفي السياره الي معنا الحين شراها مستعمله وكل شوي نصلحها خلصت فلوسنا |
اقتباس:
الله يجزاك خير فعلا كلامك صحيح كثير نصحونا نبتعد عن البطاقات وغيرها وللحين ماحصلنا سياره مستعمله تمشي الحال وبمبلغ زين |
اقتباس:
مشكوره اختي تسلمين مانقدر ناخذ قرص فوق قروضنا الي معنا |
000 30 تجيب لك سيارة كورلإ مستعمله + مضمونه ..
عن طريق فروع عبداللطيف جميل لبيع السيارات المستعمله يعطونك ضمان عليها طبعا بيكون موديلها ف حدود 2008 او 2009 الله يوفقكم |
ماتسوى عليكم قروض وسلف عشان كورلا..
خلي زوجك يبيع سيارته + 30 الف تجيب لكم اكسنت 2013 جديده سعرها حدود 45 الف |
والله يااختي الغاليه
30 الف ماعاد تسوي شي وربي اسعار السيارات مرتفعه جدا اذا قدرتو تزيدون عليها 15 الف وتشترون اكسنت افضل لكم من نواحي كثيره جديده وعلى يدكم من الوكاله سعر مناسب عمليه السياره قطع غيراها معقول صرفيتها ممتازه تمشون حالكم عليها لين ربي يفتحها عليكم وتشترون بي ام |
الساعة الآن 12:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين