السلام عليكم
كتبت موضوع قبل كذة وكان عن فصلي فصل تعسفي وانا ماشية وراء القضيه واصر على مديرة المكتب تعطيني مواعيد متقاربه وحتى لو طالت انا وراها الين ما اخذ حقي
المهم الجلسه الاخيرة كانت مع مديرتي والمشرفه على المدرسة امام مديرة مكتب العمل
وجابو اوراق وكلام كله فشوش وفاضي..الموضوع كله لاني طالبت بعقددي الموحد ورفضو يطلعون للهيئه الابتدائيه بحكم انهم حريم و و و و ...الخ
المهم
المكتب عطاني موعد هذا الاسبوع ولازم يوكلون شخص يجي يحضر..
وشفت تقرير كتبته مديرة مكتب العمل بالي حصل وكاتبه اخر شي ارى عودتها للعمل لعدم وجود اسباب تستحق الفصل..
عطتني مديرة مكتب العمل ورقه وفيها الاسم والعنوان وكل هالامور والامور الي ابغاها من المدرسة
كتبت اثبات الفصل التعسفي_عودتي للعمل_تزويدي بالعقد الموحد 5600_شهادات خبرة مدة ال 3 رواتبي مدة التوقيف عن العمل وتعويضاتي النفسيه والادبية الي حصلتلي من هذا الفصل..

الان ابغى منكم يا اهل الخبرة تكفون ساعدوني كيف اتعامل مع الهيئه الابتدائيه؟؟
اواذا رفض صااحب العمل عودتي كذا بيفصخ العقد كم المبلغ الي ممكن اطلبه ؟؟
عطوني كل شئ يخص هذي الجلسة بالهيئه الابتدائيه...وجزاكم الله خير

شكرا لردك..
يعني بيصدر حكم..وانتظر كمان شهر بالبيت لو ما اعترض اداوم ولا كيف؟؟
بس الي متاكدة منه صاحب العمل ماراح يجي سافر لدبي وبيطول الى بعد الاجازة
الحين الهيئه الابتدائيه بنتظر الين يجي وانا اقعد منتظرة او راح يحكمون فيها بدونة؟؟

للأسف كثير يعتقدون المدارس الخاصة وظيفة والسلام وتلاقينهم يستهينون بالعقود الموقعة
وحتى بعض إدارات المدارس يحسبون العقد شيء مو رسمي

لا طبعاً

وموضوعك هذا والموضوع السابق يثبت هالكلام

كل اللي أبغى أقوله أحييييييييييييك يا غادة
أحب المرأة القوية اللي ما تسكت عن حقها ولا تفرط فيه

والله يوفقك

شكرا لكم ردوكم..جعلها الله في ميزان حسناتكم

اخ مش معقول, شكرا لتحميسك لي اكثر..وانا ناويه اصعد الموضوع اكثر وارسلت اليوم 3 خطابات شكوى..لمدير الموارد البشريه ولمدير التعليم بالمنطقه وهذا الخطاب الثاني له.. وخطاب للتامينات الاجتماعيه حول مخالفات المدرسة..

ظلموني!!يتحملون ماجاهم
مع انهم ماسكين بحجه طلبي يرجعوني ودي بعد ماقلتلها بالمخالفات الي ع المدرسة واطلاعي الكامل عليها
بس رفضت رجوعي بالطريقه الباردة هذي .. يرجعوني بضمان حقوقي كامله .. او التعويض والسلام..

غادة
أنا أختتتتك .. بنت في نفسها تقول مش معقوووووووول

يا اخواني امس رحت جلستي لمكتب العمل في الهيئه الابتدائيه
والمفاجاه لم يحضر المدعى عليه
وقالو لازم نعطيه فرصه ثانيه والجلسه بتكون بعد اسبوعين من الان حاولت ااجلها لضروف سفري
بس مو معقول الفصل تعسفي وكل شي واضح وماعندي أي خطأ
الى متى بتطول الجلسات هذي
اخاف مايجي بعد الجلسة الجاية ويقولون نعطيه فرصه ثالثه
احس بقهر وربي من المواعيد والجلسات الي عيت تخلص..
وش ممكن اسوي في هذي الحاله ؟؟؟
لان صاحب المدرسة يماطل بالحضور مرة ومطنش على الاخر
اخاف تطول المساله والظلم واضح والفصل واضح جدا

هدي اجرائات لازم تاخد مجراها و وقتها وانشالله تهون لكن تمسكي بموقفك صراحه عجبتيني كثير بنات انضلمو والمشكله ان الكل يسكت لكن لو الكل سوا مثلك راح يقل تلاعب الشركات والحمدالله الانظمة كل مالها تضيق عليهم من كل النواحي وانشالله بعد تضيق على كل متلاعب اكثر واكثر


ولكن نصيحتي لكل بنت وكل شاب باحث عن عمل قبل لا تداوم تاكد انك وقعت عرض وظيفي يكون اصله معاك تحتفظ فيه بمثابت اثبات لك لان بعض الشركات تكتب العقد بعد دوام الموظف وبعضهم من قبل لا يباشر اذا اخذت عرض على مطبوعات الشركة مختوم وموقع اما يكون في منه نسختين اصل او نسخه اصل واحد تكون للموظف وهم ياخذو صورة عليها توقيعك والعقد نفس الشي
واقرو عقودكم زين وشوفو وضع تجديدها هل هوا تلقائي او مفتوح كم مدته

يمكن كل من يريد التقديم على استشارة وانشالله بيجي الرد في اقرب وقت من مختصين من خلال اهذا الرابط

http://www.gitinside.com/?page_id=3071

ماضاع حق وراه مطالب
اصبري وكافحي لين تاخذين حقك ربي يوفقك