مبتدى في التجاره وعلى وشك اخسر 88 الف
 

الله يعوض عليك

غير العامل دور هندي أفضل الجنسيات وأغلبهم يحفظ الأمانة

مافي شي صعب انت في اي مدينة

اذا في جدة راسلني خاص

واضح يا اخوي انك متحمس بدون استشارة

ودخلت موضوع ما تفهم فيه شي...

مشكلتنا نبحث عن المشروع لأجل الفلوس فقط...

يفترض أن نعمل الشيء الذي نحبه ونبدع فيه...

يبدو أن مشكلتك كبيرة ولا تحل من خلال الانترنت...

ان كنت بالرياض او المناطق المجاورة لها...ارسل لي رقم جوالك على الخاص وأمرك..

يمكن أقدر أفيدك...محاولة لعلها تنقذ ما يمكن انقاذه

الله يوفقك

[align=center]-


الله يجزاكم خير ويحرم وجيهكم من النار ووالديكم ~

نخيل لا تنحني <~ يعطيك العافيه والله ادور لحد الان مالقيت ~

كاوي <~ يمال العافيه والله بس من الرياض

الحارث بن همام <~ الله يجزاك الجنه .. ماقدر ارسل بالخاص توني جديد بالمنتدى :d
وايه بالرياض والله يجزاك خير

-----

وبانتظار البقيه لعلهم يفيدوني ~
[/align]

بارسل لك جوالي على الخاص

بما انك تشتغل بمجال التلميع..

اذا ما جاك الزبون تروح له أنت !!!

التفاصيل لما اقابلك...جوالي على الخاص...وارسل لي رسالة توضح منهو انت الله يحفظك

وعليكم السلام ورحمة الله وبركاته

راقب العامل وشوف اذا كان يأكل مالك ام لا

البس ملابس مختلفة واخفي وجهك وتخفى في مكان بحيث انه لا يراك وراقبه لمدة كافية حتى تعرف

وعد السياراة في تلك الفترة

اذا رأيت انه كتب اقل من العدد فهذا يعني انه بيأكلك

شكراً

[align=center]الحارث بن همام <~ قل امين الله يجزاك خير ويحرم وجهك من النار
تم ارسلته ~

اخوي محمد <~ طريقتك حلوه وسويت احسن منها
كلمت عامل بمحل مجاور يعلمني وادق عليه ويعلمني كم سياره وكذا
بس بديت اشك انه متفق معهم

وبالنسبه لطريقتك انا اجي بشكل يومي للمحل واعد السيارات لان السياره ماتخلص على طول
يبيلها يوم عشان يزينونها ويسلمونها صاحبها

بس فيه سيارات تسليمها بسرعه هذي الي انا اشك فيها تروح علي

===============================

ان شاء الله نلاقي حل من الفاهمين بهالشغلات

ويالله يجزاكم خير


[/align]

الله يعينك

طيب ليه ما ترسل له اخوياك كذا ست اشخاص و خلهم يلمعو عندو و يقولوك هل هو يسجل ولا ايش

عليك بكميرات المراقبة قد تنفع

اجمل الطرق لتمتع بدخل اضافي هي تجارة التقسيط


ماخاب من اشترى الاصول

سليمان الجهني <~ الكاميرات تبي فلوس ~

--

مستثمر مبتدء

يعطيك العافيه بس كيف طريقتها ياليت توضح ي بعدي

والله ما أفهم بهالأشياء بس حبيت أشكر الشباب
شيء يسر الخاطر ويرفع الراس
الله يوفقك وإياهم ويفرج همك عاجلا غير آجل.

أفضل حلين يالغالي في نظري هم :

الأول : تأجر المحل على العامل شهريا يعطيك مبلغ وقدره 2000 ريال إلى 3000 ريال على حسب أهم شي ما يتجاوز 4000 ريال

الثاني : تزرع فالمحل كاميرات مراقبة صغيرة لاسلكية << في هذي انصحك تروح لأكثر من محل خاصين بالكاميرات وتشوف أفضل نوع يناسبك . لا تحكم على أي شي بدون ماتسأل وتتعب فيه .

هذي حلين اعتبرهم أفضل حلين حاليا ، بالنسبة لو أجرت المحل على العامل وقال لا لا ومدري ايش قول خلاص مع السلامة اجيب غيرك وأنت خليك صارم وجازم .. صدقني العامل راح يقبل .

اتمنى لك التوفيق يالغالي

-

يعطيكم العافيه على الردود
بالنسبه للكاميره تكلف ويبيلها مده لان حاليا مايمديني عليها ~


واشكر العضو الحارث بن همام ع المساعده


واتمنى من الخبيرين في هالامور يعطوني رايهم ويساعدوني والله يجزاكم خير

--------------------------------------------------


بالنسبه لسؤالي مااحد رد عليه

هل التصريح لمحل التلميع صعب تطليعه ولا سهل مثله مثل اي محل ...؟

خلك معروف اليمني مايشتغل بالراتب نادر جب هندي الله ياخذ اليمنين من ديرتنا
والثاني يقو ل اجره خلك متستر يلعب عليك يعطيك١٠٠٠ ريال ويطلع١٠٠٠٠

الله يرزقك من واسع فضله ويغنيك ويقضي دينك

اخوي الحل هو انك تركب كاميرا مراقبة والعمال تحاسبهم على السيارة



اتمنى اني افدتك.

اخوي جيب لك واحد فلبيني فاهم الشغل ترى بعد ارادة الله وتوفيقه راح يمشي لك المحل بالأضافة ألى الدعاية والتعاقد مع شركات تأجير السيارات لتنظيف سياراتهم بسعر مخفض بأذن الله راح تمشي أمورك وقبل كل هذا التوكل على الله ومن ثم الشغل النظيف . الله يوفقك ويرزقك من واسع فضله ...

حنا مشكلتنا مسوين فهمين وحنا مع جنبها التجارة ماخذيناها سهلة بس لي جرب يعرف مالك غير تاجيرة عليه او قله بسفرك 5سنوات ماتدخل السعودية يوافق علي طول وخلك ذكي مع العامل تراهم حرامية

عندي لك 4 كاميرات + جهاز تسجيل + هاردسك ..
والتركيب عليك .. ب 2000 ريال وعليها ضمان سنة ونوعيتها ممتازة جدا..
اذا بغيتها قولي .. ارسلك رقمي عالخاص

اخوي لنجاح اي مشروع لازم يكون العامل على كفالتك ولا ما تقدر تضبطة الا اذا صار على كفالتك وحتى لو كان امين ومضبط بيكون راتبة عالي
اخوي انت ما عندك رخصة للمحل فما تقدر تستقدم بهالحالة جبيلك فيزة سواق
واستقدم عن طريق مكتب اضمن من انك تجيب عن طريق العمال لانك بتشترط يجيبون لك واحد فاهم بالشغلة
وانصحك بالفلبين لانهم اتقن من غيرهم
الله يوفقك

اما من ناحية التسويق مر على مكاتب تاجير السيارات ومر على المدراس والبنوك وسو خصومات

اخوي سو بروشورات . ومر غلى مكاتب تاجير السيارات وقول للعامل الي هناك اذا جبت لي زباين بعطيك مبلغ على كل سيارة ترى يحرص عليك
الله يوقفك وييسر لك امرك

أستقدم تأشيرة سواق خاص لعل وعسى تحل لك جزء

إذا المحل بدون ترخيص أما إذا المحل يترخص أستقدم عامل

اهلا اخي
هذه شروط الترخيص والافضل انك تروح الى اقرب فرع البلدية لاخذ الشروط

الشروط المطلوبة لترخيص محلات تلميع السيارات :

1. أن يكون الموقع من ضمن المخططات الصناعية أو داخل الورش المركزية أو ضمن خدمات محطات الوقود.
2. الإلتزام بالإرتدادات النظامية.
3. عدم إستخدام مواد كيمياوية تضر بالصحة العامة.
4. الإلتزام بالشروط التصميمية التي تحددها الجهة المختصة بالأمانة

اتمنى لك التوفيق

الله يعوضك يَ رب ويكتب لك الخير

اخوي حآول تجيب لك فلبيني أفضل ،

فيه بعد عندك آله ذي حقت الكاشير او حقة الفلوس ، تقدر

تطلع منها جميع الفواتير وتحصيها ، انصصحك فيها وبعد اكتب إعلان للزباين

اذا لم تستلم فاتوره فأعلم ان تلميع سيارتك مجاني ، بكذا تقدر تمسك العامل بيديه ورجليه

بلا كيمرات بلا اهم ، جرب هالطريقه ، مع العلم اني اشوف هالاله منتشره فالكوفي شوبات كثير

الله يوفقك وتصل لمبتغاك

عندي لك حل ببساطة

أطلب من العامل يضع الفاتورة في داخل السيارة .

وأنت بدورك أي وقت تمر عليه فتش على الفواتير بداخل السيارات المتوقفة بالمحل .

وإذا مافيها فواتير عليك بالحسم من مرتبه .

وإذا تكررت منهفعليك بطرده لأنه مختلس .

وقبل كل ذلك عليك بالاتفاق معه على طريقة العمل أعلاه ـ

وبجانب الشدة فلابد من مكافأته عند تحقيق أرقام طيبة حتى يشعر أنه جزء من المعرض .


واذا سافرت عليك بتكليف أحد أخوتك للقيام بهذا الدور .

بهذا الشكل تجعله تحت المراقبة الدائمة .


إذن عليك الان تطوير نموذج الفاتورة ( أدخل وقت دخول السيارة بالمحل ) منها لمعرفة الوقت المستغرق للتلميع .ونوعها ورقم لوحتها ..... الخ

بالتوفيق

هذا الطعم اللى يضعونه بعض الاجانب
حتى صاحب المحل يكره المحل باللى فيه
وبالاخير يقولك لك 500 او 1000 بالشهر وانت مرتاح
تجده هو من يكره الزبائن في المحل والطرق كثيرة
لكن انا جات في بالي الكاميرات وشفت ردودك على الاخوة
وارجع أأكد عليك حط كاميرات وهمية (كذب) شوف جهازيين لو تجيبها من العاب الاطفال
المهم شكلها مثل الكاميرات (صدقني بتمشي عليه
وقوله الزبائن يشتكون من اخلاقك
هذة علشان اتابع المحل من كل مكان (تخويف )
والله يوفق الجميع

زي ماقالوا الاخوان استقدم سائق خاص وخليك معاه في البدايه والله يوفقك