|
مشروع براس مال بسيط *مساعدتكم*
السلام عليكم ورحمة الله وبركاته
لـي فترة أفكّر في مشروع بس للأسـف مافيه رأس مال وغير كذا ماني متفضي بالمره يعني عشان أوقف عليه لإني طالب جامعي ودراستي صعبه شوي بس أضّل أفكر إنـي أزيد الدخل عندي وأجمع لي كم قرش :) ولي ميول بالتجارهـ المهم .. فكرت بشي بسيط وراس ماله قليل بالكثـير عندي 1500 راح أنزل أسواق الجمله وأشتري بضاعه صغيره ملابس أطفال جلابيات للكبار .. ومن حظي إن البسطة قريبه من البيت يعني أبسّط كـل خميس .. والأيام العادية أتعامل إلكترونياً .. بس المشكلة أنا ماني من الرياض من محافظة الخرج وبالرياض ما أعـرف شي للأسف .. بس سمعت إن أسواق الجملة ماشية هنآكـ اللي بغيت أسأل عنه الأسعار تقريباً .. القطعه الوحده كم من الممكن تطلع علي بسعر الجملة ؟ والبسطة القريبه منّا لها سوقها كل خميس وناس ماتهتم بالماركه والخرابيط أهم شي الشكل والسعر يكون رخيص .. فأنا أبحث عن شي رخيص بجودة فوق المقبوله عشان أبيعه بأرخص ;) أدري كلامي كثير D: بس بالنهاية اللي ودي أعرفه الأسعـآر .. و أمـآكن البيع وأفضل الأماكـن وألـف شكـر لكـم ... |
توجه الى أسواق الجمله في البطحاء والديرة للملابس
وانصحك تزور الاسواق الشعبيه ( سوق الخميس ، سوق الاربعاء ، سوق اثلاثاء ) في القرى والمدن الصغيره لتبيع بضاعتك هناك |
البطحاء أعرفها .. أما الديره وينها ؟؟!
والأسعار كيف ؟؟؟ |
الديره جنب البطحاء بين طريق الملك فهد والبطحاء
اقرب شيء لها قصر الحكم |
الله يبارك لك ويفيدونك اهل الرياض ان شاء الله
|
حياك الله
أبوصف لك سوق جملة الملابس في المرقب وانت جاي من الدائري الجنوبي تدخل شارع البطحاء باتجاه الشمال وتتعدى مقبرة العود وتمشي لين يجيك الكوبري لا ترقاه خلك يمين وطول لين يجيك الراجحي على يمينك بعده تلف يمين وتمشي شوي تجيك المحلات عالشارع اللي قبالك وعش حياتك :) بالتوفيق |
| الساعة الآن 06:23 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين