|
وش صاير بخصوص الحد الادنى للموظف السعودي؟!!!
السلام عليكم ...
وش صاير بخصوص الحد الادنى ثلاث الالاف للموظف السعودي بالقطاع الخاص؟! الراتب كما هو ما تغير 1820 ريال فقط؟!! توه نازل من يومين المسؤول قاعد يعطي وعود و يماطل و نعرف انهم يكذبون و لكن ما نبغى نتصادم مع احد؟ يعني ما طبقوه و لا شلون بالضبط و لا هالمؤسسة قاعدة تلعب؟!! |
وين شغال انتا وربي حرام تجلس يوم واحد فى العمل وانتا بهادا الراتب انا لو منك افصل طوالى والقرار مطبق من زمان جدا وش اللي 1820 ريال الله يعنيك وجور على عمل ثاني احسن
|
1820 يتم أحتسابك ننصف سعودي هم الخسرانين
300 مافوق يتم أحتسابك بسعودي كامل |
انا نفس الحكايه 2000 راتبي بالشركه
وازيدك من الشعر بيت راتب 10 شهور للحين ما أستلمت .. |
انا نفس وضعك
مع انه بموقع التامينات مسجل 3000 والي استلمه اقل من 3000 مادري وش الوضع ؟ |
اقتباس:
نلاعب وأحتيال يسجل أشتراكم بتأمينات حسب النظام لأن 3000 ويعطيكم 2000 أشتكو عليهم ولا قولو لهم تراى أشتراكنا بتأمينات 3000 خليه مثله ولا على طول شكوى لمكتب العمل يمسحون فيهم الأرض |
للأسف طلع ملعوب عليكم !
لاتسكتون عن حقكم أشتكوهم ع الأقل الله يعينكم والله يرزقكم يارب |
لا اله الا الله محمد رسول الله
اسمعني انت وغيرك راتبك اقل شى ينزلك 3000 اذا نزل اقل من 3000 ترى ملعوب عليك انا كنت موظف على راتب 2800 وصدر قرار من الملك بالقطاع الخاص مايقل راتب السعودي عن 3000 ونزل راتبي نفسوه ماتغيير اشتكيت عليهم وهاوشني موظف صندوق الموارد البشريه قالي انت صاحي ولا مجنون كيف تسكت عن هالراتب تراك سعودي منت اجنبي تمشي على رايهم قلتله هذا اللي صار ومو انا لوحدي معاي اخوياي ويمطلونا بالكلام قالي طيب هالحين برسلك موظف يروح معاك ويحقق بقضيتكم وجونا مندوبي الموارد البشريه وكشفو التلاعب ووقفوا نشاط الشركه وطلعنا منها وهالحين اشوف اغلب الوظائف على مابين 4000 الى 4500 نعمه |
في التأمينات مسجل بـ 2000 مو 3000 و هذا اللي حاسني؟
طيب كيف وزاره العمل تقول ثلاث الالاف نحسبه سعودي و اقل نحسبه بنصف!! الوزارة تستهبل بصراحة ايش اقل نصف سعودي يا سعوده يا بلاها |
الى الآن مـافي اي قرار الزامي ان الراتب يكـون 3000 وللحين ما صدر قرار ان الراتب يدخل من ضمن السعودة
مثلا ان اللي راتبه اقل من 3000 ريال يحتسب بسعودي واللي راتبه اقل يحتسب بنصف سعودي الى الان لم يصدر اي قرار |
| الساعة الآن 08:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين