مشروع تريلا (سيارات نقل ثقيل)
السلام عليكم ورحمه الله وبركااته
يمكن ما عرفت اختار موضوع للي انا ابيه واعرف الموضوع مكرر من اعضاء كثير لان المشروع هذا لو استغليناه بيطلع دراهم عندي كم استفسار واتمنى الافاده وعشان يستفيدوا قارئين الموضوع مستقبلا الفكره بسيطه جدا وهي : شراء تريلا وتأجيرها على شركه نقل انا حاليا اعمل في شركه ومثل مايقول المثل (اللي يعيش على المعاش مايعيش) افكر بقرض وقد طرحت الفكره على اخوي وقال بيساعدني فيها >> يقص قصه حياته :i اللي ابي استفسر عنه هو التالي : 1- أفضل أنواع روس التريلات وأسعارها وأفضل أماكن بيعها 2- افضل واربح نوع موجود (سطحه , جوانب , قلاب , الخ ) 3- كم الموديل المطلوب لدى شركات النقل (كلمت رجال يشتغل نفس المجال وقال حرام تجيب تريلا فوق 2002 وتعطيها سواق) << رايكم ف كلامه 4- افضل جنسيه للسواق واشوف يمدحون الهندي << شرايكم 5- كم راتب السواق :do5h: 6- اسماء بعض شركات النقل في الشرقيه وافضلها من ناحيه سعر الايجار الشهري او العقد 7- كم سعر الايجار المتوقع حصولي عليه (اعرف ان كل شركه ولها اسعارها بس ابي توقعات) وابي اي معلومه انا م اعرفها وغيري يعرفها في المنتدى افيدوني بارك الله فيكم اعتذر للاطاله بس اخوكم غشيم ف هالشغلات :d |
بالتوفيق لك اخي
|
اقتباس:
اجمعين ي الغالي |
رفعــ
|
اقتباس:
وفي الاخير اتمنى لو افدتك لو بمعلومه |
أنشالله يفيدونك الأخوان ويفيدونا
|
بالتوفيق
|
١٥ في البندق ١٠ الالف مع الشركات ولايستمرون بعد
|
الله يوفقك وتلقى من يدلك ..
|
اهلين اخوي
اتواصل مع المهندس عادل المبرد اما واتساب او اتصل عليه .. متخصص في الأنظمه التجاريه واستشيره وان شاءالله يفيدك باستشارته المجانيه ... وان شاءالله تلاقي اجابات على كل استفسارتك هذا رقمه ... 0558829709 بالتوفيق لك يارب |
اقتباس:
|
اقتباس:
الله يعطيك العافيه كلام كبير وافدتني منه والهدف الاكبر انه يفيد الاخوان اللي يفكرون بالمشروع مستقبلا ماقصرت ي المستكشف اجابات وافيه بسعندي كم سؤال بعد كيف يعني سعوده للتريله ! اممم ابي اسال كيف ادخل التريلا في شركة نقل لان هالموضوع معقدني +هل شركات النقل تاخذ مني القلاب لو شريته لاني اشوف اكثر شي سطحات ! والسموحه على الاطاله مالي غيركم 3> |
اقتباس:
توتو التركي كلام مفيد اقوى شي وفيه نصايح حلوة لواحد مبتدأ مثلي الله يعطيك العافيه و ما قصرت يالغالي اممم ابي نصيحه منك اي مجال اشتغل عليه بما اني واحد اول مره بدخل هالمجال وبعد ابي نصايح لشراء الراس والتيذر (سطحه) او جوانب كل مايتعلق فيهم وعندك معلومات علمني وانا اخوك وهل قد تعاملت مع شركات انت وكيف كان الايجار وهل تشوف المشروع مجزي |
اقتباس:
يعطيك العافيه اخوي انا فهمت الشركات بس البندق كيف وضح لي لو سمحت |
اقتباس:
تسلمين اختي منيره الله يعطيك العافيه وشكرا على الرد المدمج برقم عشان الكل يستفيد :d |
[align=center]ومشكورين الاعضاء اللي دعوا بالتوفيق ... الله يعطيكم العافيه
[/align] |
والله اني مثلك
على قولتهم دام ودك وش يردك لكن خوفك الواحد يخش بشغله ويحتاس بعدين انا افكر اخذ راس وافصله تيدر موية واخليه وايت اريح لي واريح للموتر بعد |
اقتباس:
فكره التريلا حلوة واعتقد الاغلبيه يفكرون فيها بس تدري وش المشكله اننا نتخوف من حقنا نخاف لان فلوس ولو خسرتها مشكله ههههههههه بس هذا مو سبب ان الواحد يلغي افكاره عشانه خايف من الفشل والفشل الحقيقي هو الخوف من المغامره وعدم المجازفه ويقولوا الفرصه تجيك مره وحده بالنسبه لي باذن الله بدخل ف المشروع هذا وبعلمكم وش يصير معي بس لين يصير وقتها ولاتنسونا من دعواتكم وانت الله يوفقك ويسدد خطاك ويرزقك الرزق الحلال اتمنى التوفيق للجميع :h |
فكرة سمعت عنها من فترة وأنا افكر فيها بس العائق كيف ءأجر ها على شركات بالشرقية
إذا ممكن تفيدني بهذي النقطة والله يكتب الرزق للجميع |
[align=center]
ننتظر قصة نجاحك في هذا المشروع .. أسأل الله لك ولمن يقرأ الرزق الحلال الوافر .. تحياتي لك .. [/align] |
اخوي مجال المعدات الثقيله مكلفه جدآ ثاني شي لو تشري رأس تريلا 2013 لازم كل شهر تتعطل او كل شهرين هاذا للجديده فمابالك بالمستخدم
انا ما احطمك بس اتكلم بالواقع وانا مثلك كنت بشري تريله واخذت جميع المعلومات المرتبطه بمشروع التريله لاكن صرفت النظر عنها لآنها مجازفه بفلوسك بما انك صامل ومقرر انك تشري تريله راح اعطيك بعض المعلومات الي اعرفها اول شي اذا تبي تشغلها داخل المدينه لاتاخذ الا مرسيدس ال بي من موديل 90 الى 97 تقريبآ ولاتاخذ الا قير عايدي لآنها تتحمل واذا تبي تشغلها خطوط ال بي ينفع بكل الحالات والاكتروس ماينفع الا بالخط اذا شغلتها وسط المدينه راح تتعب مع خراباتها السطحه= مريحه لرأس التريله جددآآ ودخلها المتوقع من 9 الاف ريال الى 11 على حسب الشركات القلاب= متعب لرأس جدآ لآنهم يشيلون عليه اطنان كثيره ومتعب للكفر واشغال القلاب عادتن يكون مناطق صحراويه يحملون منها رمل ارباحه مغررريه جدآ تقريبآ 18 الف او اكثر ولاكن احسب حساب كل شهر كفرتين او عطالات السواااق وما ادراك م السواق هههههههههههه راح ينبت براسك نخل التريله كلها تعتمد على السواق اذا السواق ممتاز ويخاف ع السياره راح تشوف الخير بأذن الله وراح تتعب من السواق راح يدق عليك ويقول مدير (كفر بم) يعني انفقع ههههههههههه المهم نصيحه لوجه الله لاتعطي تريلتك لواحد مو على كفالتك راح يلعن ابو جدها واذا لقى وظيفه ثانيه سحب عليك ولا تأجر التريله على شركات بعض الشركات يقول عطني تريلتك ولا لك دخل تعال كل شهر واستلم 9000 الاف هاذا اكبر قهر تريلتكك يعطونها واحد يكرفها ليل نهار ولا يهتم فيها واذا خبطت ولا كسر القير دقو عليك وقال تعال استلم سيارتك (لآن نظامهم نكتفل بكل شي الا القير والمكينه) امممم هاذا كل الي عندي ^^ ادري كلامي كثير بس استقطب المفيد منه خخخخخ |
هذي مشكلتنا نجلس نفكر وندرس ونطول الموضوع والله أكثر من خمسه اشهر وأنا أدور وأسئل ومحلك سر لكن مافي فايده محتاج لجماهير المنتخب عشان اتحمس
بالتوفيق للجميع |
سؤال محيرني كل مادخلت موضوع عن الشاحنات :
ليش كل واحد يسأل عن تاجير الشاحنات للشركات وما يفكر يشعلها بنفسه ....؟؟؟؟!!!!!!!!!!!!!! |
الساعة الآن 02:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين