حلول البطالة Unemployment Solutions - سجلوني سعوده ولكن , رائكم ي اخواني

حلول البطالة Unemployment Solutions (https://www.btalah.com/index.php)

- مشاكلك في العمل (https://www.btalah.com/f5.html)

- - سجلوني سعوده ولكن , رائكم ي اخواني (https://www.btalah.com/t497542.html)

بسم الله الرحمن الرحيم

السلام عليكم ورحمة الله وبركات

شوفي يالغالي صاحب الموسسة يعطيك 500 ريال اوك هذي يعطيك اياها من نفس الموسسة اوك و مستخدمين اسمك للسعودة ورفعو اوراقك للتمامينات الاجتماعية صارت تعطيك 1500 يعني مو من نفس الموسسة و حضرت الموسسة اللي جابك للوظيفة هو ياخذ المبلغ ذا و انت يالطيب ماتدري وش السالفة مسكتينك 500 نصيحة أطلع منها لان انت جالس تساعد على الفساد اللي هم يبونة و عاجبهم وبعدين ياخي شد حيلك و خلص دبلومك بفلوسك و و الله يرزقك بالوظيفة مليون بس انت خل بدايتك صح عشان توصل للي تبية صح موفق

اقتباس:

المشاركة الأصلية كتبت بواسطة ابغى ازعل (المشاركة 7252481)

السلام عليكم ورحمة الله وبركاته .
اخباركم ان شاء الله الكل بخير .
بدخل ف صلب الموضوع ..

اعرف لي واحد سجلني سعوده بحكم انه عنده عمال ف المؤسسة .
وقالي اعطيك كل شهر 500 ريال !! يوم وصلتني الرساله حقت التأمينات
انك تستلم 1600 ريال :y .. طبعا لاحد يطمر ويقول ترا حرام , صح انها حرام
بس انا جالس اكمل دراستي على حسابي ( دبلوم عالي ب 33 الف )
وجالس اخذ من هالمبلغ واقسط المعهد
لان كنت اعطيهم من حافز ووقفوها علي بسبب 12 دفعه :m

المهم ي اخوان . انا واحد يقولي لايضحكون عليك
اقل شي يعطونك الف ريال :c والثاني يقول 1500 !!؟
والله انا اشوف مابني على باطل فهو باطل اعطاك 500 ولا 5000
الشي الثاني اذا قلت لهم ينزلون اسمي كم يبغى لهم بالضبط
علشان يسقط اسمي من عندهم !! البعض يقول ف وقتها
والاخر يقولي يبغى لك شهر :y !!

اذا عنده اونلاين في نفس اللحظه واذا ماعنده شغلة يومين ثلاثه مراجعه للتأمينات الاجتماعيه او انك تاخذ اخلاء طرف منه وتروح التامينات بنفسك يسقطك الموظف بنفس اللحظه

الشي الثالث .. اذا فصلوني هل يحق لي اخذ حقوق ولالا !؟
وهل استلم شهادة خدمة ولالا !؟

لك حقوق ولك شهادة خدمه ولكن ممكن يضرك بانه يعترف لمكتب العمل ويرفع عليك قضيه بانك ساعدته في عمل سعوده وهميه وهذي فيها غرامه ماليه وفي نظام جاي لسه ماطبق فيها سجن

والشي الاخر وش فائدة الرقم اللي ارسلوه لي التأمينات الاجتماعيه
( تم تسجيلك في التأمينات الاجتماعية برقم ...... ) ؟!

هذا الرقم يجب الاحتفاظ فيه لانه عند وفاة الشخص لاسمح الله او وصول سن التقاعد يستطيع اخذ حقوقه عن طريق هالرقم وهو مثل رقم الحاسب الالي الي بالهويه او الرقم الجامعي للطالب او اصابات العمل وكل مايتعلق بك في التامينات عن طريق هذا الرقم وعلى فكره هو ثابت يعني مايتغير لو رحت لشركه ثانيه
بحكم اني اول مرة اسجل ف التامينات !!
وش فائدته بالضبط

في الاعلى

وشكرا لكم واتمنى ان احصل اجابة

اتمنى اكون افدتك يالغالي

اقتباس:

المشاركة الأصلية كتبت بواسطة الى متى عطالة (المشاركة 7384847)

التامينات الاجتماعيه لاتدفع رواتب للشركات بل هي مقابل للمؤسسه العامة للتقاعد للموظفين الحكوميين

الله يعينك ويوفقك يارب
الافضل انك تسوي مثل ماقالو لك الاخوان شيل اسمك من التامينات

مابني على باطل فهو باطل

دور لك وظيفة دوام جزئي وراتبك حول 2500 + يعطوك شهاده خبره

افضل لك من رحمه الشركات اللي تضحك على الشباب

الغاء اسمك من التامينات تقدر المؤسسة تلغيه من حسابهم في موقع التامينات !!

وعلى طول يلغي اسمك من التامينات وموقع وزارة العمل

وبصراحه انا جلست اتامل بين موضوعك والتوقيع اللي حاطه تناقض !! :do5h: