حلول البطالة Unemployment Solutions - المضاربه في السوق السعودي

السلام عليكم ورحمه الله وبركاته
هنا في هذا الموضوع
https://www.btalah.com/showthread.php?t=498508
بالمصادفه دخلت عليه شدني اسم الموضوع ..
http://store2.up-00.com/Nov12/FfM45915.jpg

فحبيت انزل لكم موضوع
بدايتا / اقسم بالله العظيم اني صادق في كل كلمه اقولها في هذا الموضوع /

انا اشتغل في السوق السعودي الاسهم كـ مضارب يومي ولحضي فقط ...
اشتري اليوم ابيع اليوم او بكره كـ هدف للسهم او ايجابيت السهم كـ تحليل فني له ..
..
مو اي واحد يشتري ويبيع ربحان والله ..
المشترون هم انواع ..
محللين ويعرفون للتحليل الفني واتجاه السهم ..
مظلومين وهم الناس اللي ماتعرف الا شراء وبيع على توصيات خاصه . مثلا
اقول ي فلان السهم الفلاني اشتريه في السعر الفلاني وبيعك في السعر الفلاني ووقف الخساره في السعر الفلاني
ممكن اغلبكم اذا مو كلكم مايعرف وش معنى وقف خساره . او توصيات خاصه ..
....
قسم بالله السوق فيه خير للفاهم او للي يطيح بين يدين انسان امين مايكذب عليه في توصيات ويوهقه ..
....
انا ك بدايه دخلت ب خمسين الف وخسرت حوالي 22 الف ..
فكرت وقلت ليه ما اتعلم ؟؟
عندي سند يعطيني فلوس لو تعلمت ...
دفعت مايقارب 17 الف دورات اون لاين في الانترنت للتحليل الفني للاسهم .
قسم بالله الان اعرف اتجاه اي سهم راح ادخله مع ذلك انا مع قروب في الواتس اب ب اشتراك شهري قيمته 800 ريال وتوصيات المحلل الفني ممتازه الى ابعد الحدود حمدلله .
بعد ماتعلمت التحليل اي سهم تجي عليه توصيه افتحه واشوف نقاطه هل هي صحيحه او لا
وادخل والحمدلله مرررررررتاح ..
...
بالنسبه للاخوان اللي يسالون عن السوق .
قبل تقرر دخولك ادخل رومات البالتوك في قائمه البزنس تحصل روم اسهم مع افتتاح السوق الى نهايته تحصل محللين على المايك من الساعه11 صباحا الى الساعه 3:30 مساءا
..
لاتدخل معهم خلك مستمع لمدة اسبوع او اسبوعين عشان تفهم وش معنى بعض الكلمات اللي راح تكون جديده عليك .
مثل .
رش ، سحب ، دعم ، مقاومه ، تعليقه ، نسبه ، مجفف ، قمه ، قاع ... وهكذا ...
من خبرتي رومات البالتوك فاشله مئه بالمئه . لانهم ناس مايخافون الله سبحانه . بنسبه95 من الرومات كذب في كذب وخسائر للناس وبقوه .
احذر الدخول معهم ...
لكن تستفيد منهم دورات تحليل فني . لو حبيت تتعلم وتفهم بعض العبارات منهم
دورات البالتوك قيمتها يتراوح بين 1200 ريال الى 2500 ريال
دورات خارجيه في معاهد اقل قيمه 4000 ريال
وماراح تتعلم في دورتين تحتاج الى اكثر من دورتين كـ مبتدء ...
هذا اذا حبيت تتعلم وتدخل السوق .

الطريقه الثانيه لو حبيت تدخل السوق مثل اللي يقول . مع الخيل يااشقرى ....

تشوف قروب توصيات مضمون وتدخل معهم في الواتس اب اغلبهم ..
يعني مثلا يقول محلل القروب .
سهم ثمار ..
شراء على 34
هدف 35
وقف خساره 33.90
يعني معك مثلا خمسين الف.
بتدخل ب الف سهم يعني 34 الف .
اوكيه الان انت مو فاهم شي بس تناظر الشاشه اما فوق ولا تحت وعندك نقاط
والحمدلله انت بما انك مع محلل ب نسبه 70 بالمئه توصيه صائبه .
يعني عندك من34 الى35 ريال ومعك الف سهم يعني . الف ريال .
او وقف خساره وهي 33.90 تبيع بخساره عشر هللات
يعني .
ربح الف ريال
مقابل خساره مئه ريال .
وهكذا .. هذا شغل الناس اللي ماتعرف للتحليل ناس يوجهونهم وهم المحللين باشتراك شهري.
،،،،،
الان انت لو حبيت تشتغل في الاسهم وش تحتاج .
1- راس مال كويس يعني اضرب لك مثال الخمسين الف تعطيك في اليومي من 100 ريال الى 300 ريال اذا الله وفقك وبعد رضى الوالدين طبعاا
2- عمل محفظه ليس في البنك بل في شركة وساطه مثل " درايه .. فالكوم "
هذي افضل شركتين كـ تجربه . لمن حب طبعاا اعرف اداره الشركتين كلها تعمل لك تسهيل بفتح المحفظه ومساعدتك على انهاء الاجراءات .
سؤال / ليش شركه وساطه افضل من البنك بخصوص فتح محفظه لتداول الاسهم ؟
لان شركات الوساطه عمولتهم صغيره في الاسهم لما تساهم عكس البنك ..
شركات الوساطه اسرع من البنك في التنفيذ من تجربه قسم بالله ..
3- متابعه رومات البالتوك للاسهم لفتره لاتقل عن اسبوع لمعرفه بعض الكلمات الرائده في سوقنا السعودي للاسهم
4- البحث عن قروب واتس اب مضمون بعد الله سبحانه والدخول معه والاشتراك واول اسبوع ماتدخل معهم الاسهم فقط تجلس متابع وتشوف كيف توصياتهم حلوه او نص ونص او سيئه كـ متابعين والحلو في الواتس اب انك تشتري معهم وتسالهم كيف سهمي و و و و ممتاز يعني
5- الاشتراك في برامج الاسهم للمتابعه اللحضيه السريعه مثل .
مباشر برو .. الشهر ب 180
الاتجاه . الشهر ب200
تكرشارت لايف الشهر 200
هذي برامج من خلالها تستطيع ان تشوف سهمك اون لاين سعره على كم والعروض والبيع والشراء يعني تجتاج الى برنامج واحد من البرامج هذي وافضلها من ووجهة نظري هو الاتجاه

...

ياشباب انا مادري خلصت كل شي ولا لا لكم كـ مبتدئين او كناس تحبون تعرفون عن السوق هذا كما شاهدت بالموضوع اللي بسببه خلاني انزل هذا الموضوع .

ولكن اعلموا اني واقسم بالله العظيم اخاف عليكم وانا ماعرفكم
اللي يدخل السوق هذا بدون توجيه تروح قروووشه كلها كلها .
مع العلم ان الخير في السوق والحمدلله كثير لمن يفهم . ولا يتسرع بقراراته .. .. ..

قسم بالله تعبت في هالموضوع لاشرح لكم ابسط الامور ماحبيت احد يتوهق بالدخول في سهم معين بسبب منتدى او كلام ناس والله تضيعون . وخايف عليكم ......
صوره من محفظتي لهذا اليوم
http://store2.up-00.com/Nov12/2jS45915.jpg
...
انا / محمد الرويلي
عمري / 24 سنه
رقمي / مخالف- التواصل من الخاص

شباب وبنات . احنا تونا صغاار بالسن ونبي نطلع على الدنيا ملينا والله .
رقمي قسم بالله العظيم مو لشيء بقدر اني احب افيد من يحتاج الافاده وأوجه لمن يحتاج توجيه ..
سواء في اتصال او في الواتس اب ..
وانا في الخدمه لجميع الاخوان صغار وكبار .. لاتترددو في اي استفسار .
دخولي متقطع للمنتدى فانا دخلت بالصدفه لاني من ززززززززززززمان عن المنتدى وعضويتي وايميلي الاول كلها راحت وناسيها ..

منكم واليكم والسلام عليكم .