|
سوبر ماركت ب150الف ريال
السلام عليكم ورحمة الله وبركاته
اخواني بستشيركم بشغله بسيطه انا حصلت سوبرماركت صغير على شارع عام للتقبيل ب / 150الف ريال مبعاته اليومية /3000ريال تزيد او تنقص شوي ايجار المحل بالسنة /36 الف ريال يوجد فيه عامل واحد راتبه /1500ريال بالشهر صاحب المحل قبل 8 اشهر تقريبا اشترى للمحله ثلاجه كبيرة ب30الف ريال طبعا بتكون من ضمن البيعه وش راي اهل الخبرة هل السعر مناسب هل مردود المحل تمام اتمنى الرد عاجلا وغير اجلا |
ما اعتقد ب 150 الف !!
لانك اذا مبيعاته في اليوم 3000 يعني في الشهر 30 3000x = تسعين الف ريال يعني خلال شهرين انت مغطي قيمة المحل مع زيادة 30 الف !! او اني ما فهمت زي الناس ! و الله انا اشوف انه مررره ممتاز ماشاء الله .. |
اقتباس:
لا عادي اعتقد بس لا تنسى يالغالي ان بنطلع يوميا من 1500 الى 2000ريال للشركات اللي بنزل منها بضاعه ولا تنسى ايجار المحل ولا راتب العامل ولا الكهرباء |
مبيعاته 3000×30 يوم = 90000كيف تاكدت من المبيعات؟
|
اقتباس:
اذا صفالك منها 10000 ارباح في الشهر الواحد ممتاز .. و لعلمك مالي خبرة كبيرة في التجارة بس نبغى نتعلم ^^ الله يرزقك و يفتح لك ابواب الرزق و التوفيق يا اخوي ... |
اقتباس:
اخ علي سؤالك مهم جدا وبجاوبك عليه صاحب المحل ماشاء الله شخص مقتدر واموره زينة والحمدلله وثق فيني لدرجه خلاني اجلس في المحل حقه تسبوع كامل مع العامل وبالفعل جلست 7 ايام متواصله بالمحل من بعد صلاة الفجر الى الساعه 12 بالليل وهذا اللي اكدلي ياشنب :) |
طيب 3الاف في اليوم
ربح فقط او راس المال بي الربح اذا صار ربح فقط فتوكل على الله وشتر واذا كان راس المال فبعد عنها |
كم تقدر قيمة البضاعه الي بالسوبر وكم الارباح بدون البضاعه وكم المده المتبقه بالعقد يعني ادرس المشروع من جميع النواحي و150 الف كثيره انا اشوف من 50 إلى 100 الف مناسبه تقبل مروري
|
الله يعطيكم العافية
وبنتظار بقية الاخوان وازيدكم من الشعر بيت المحل ليه 15 سنه شغال ماشاء الله |
البيعه بالبضاعه اللي فيه او بدونها اخوي ؟
اذا بالبضاعه فتوكل على الله دام جلست اسبوع فيه لكن تاكد من شغله الصافي لك نهايه كل شهر ؟ |
حبيبي دمعة مهاجر ...
برد علييك وتراني بقدم لك عصارة تجاااارة سنين يعني كلامي من خبررة وتجاااارب ... بناء على كلامك المبيعات لا تقل عن 3000 ريال حط في بالك قاعدة الربح في البقالات متوسط 15 بالمئة يعني الالف ريال مكسبها 150 ريال ........... يعني عندك 3000 * 0.15 = 450 ريال مكسب باليوم 450 ريال ضرب 30 يوم يساوي 13500 ريال اطررح منها الايجار والكهرباء وراتب العامل ولنفرض العامل 1500 ريال الايجار 3000 ريال الكهرباء لا تتجاوز 500 ريال اذا مجموع المصاريف 5000 ريال فلو طرحت 5000 من 13500 بيطلع الصااااااااااااافي لك 8500 ريال مكسب طيييييييييييييييييب نصيحتي لك بالتالي 1/ حاول تفاوضه بمبلغ التقبيل يعني الى 100 او 120 الف منت خسراااان شيء 2/ جب عامل ثاني ودباب توصيل عشان تزيد مبيعاتك وربي يوفقك .............. اماانة معك ادع لي بالتوفيق والنجااااح والصلااااح |
اقتباس:
ايه نعم بالبضاعه كامله ويوجد في المحل 6 ثلاجات خاصة بالمحل غير ثلاجات الشركااات بيبسي - المراعي-كود ريد ...الخ بنتظار اهل الخبرة والحساااابات كسف اطلع ربحي من المحل شهريا ولا يوميا والايجار -وراتب العامل كيف اطلعهم من المحل !؟!؟ |
اقتباس:
هنا اجابة لاستفساراتك يا حلوو |
اسأل الله التوفيق للجميع
واضح أن المحل قديم وهذه ميزة يعني له زبائن فكرة التوصيل اللي ذكرها أخونا ناوي على نيه فكرة ممتازة وإزيدك من الشعر بيت الشركات الكبار مثل المراعي والصافي الخ تدفع أيجار لموقع الثلاجة وأنا متأكد من هالكلام وذلك حسب سحب المحل من البضاعة والأجانب يتعاونون في هالمجال وبقوة لدرجة أن بعض المحلات تدفع أجار المحل من أجار الثلاجات وما يخسرون ولا ريال أجار للمحل وللتأكيد أقول لكم تجربة أخي في هالمجال كان عضو مجلس إدارة جمعيه تعاونية المنتشرة في القرى ومن انجح الجمعيات على مستوى المملكة من حيت الدخل والحسابات كان يطلب أجار الثلاجات من الشركات ويدفعون وتعتبر دخل إضافي يسدد منه رواتب العمال في الجميعه أتمنى أن أكون ذكرت المفيد وتقبل تحياتي ومن المشاريع المستقبلية للتطوير في البقالة إضافة مخبز تحياتي للجميع |
بنظري مشروع ممتاز والله يوفقك
|
| الساعة الآن 09:34 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين