رايكم في حل مشكلتي
 

السلام عليكم ورحمة الله وبركاته ...

شخبارك جميعا إن شاء الله طيبين ...

أنا حبيت أعرض لكم مشكلة واحد من أصحابي في العمل وإن شاء الله إنكم تنصحونه وتوجهونه ..

إلى شئ الصحيح وتدلونه ..



السالفه وما فيها ..

خويي ذا شغال في شركة بن لادن في الجنوب المهم وقعوا العقد معه على ان الراتب

يكون 2000 ريال 1600 ريال راتب اساسي و 400 ريال بدل سكن ...

لكن شئ الغريب أن خويي مسجلته الشركة في التامينات الاجتماعيه ..

ويعطونه راتب 1700 ريال و 300 ريال تاخذها التامينات ..

أنا قلت له خير وش ذا يسرقونك هذولي ..المفروض أن راتبك 4000 ر يال ...

تاخذ 3700 و 300 لـ التأمينات ..

قال لي والله مدري أول مره أسمع بالنظام ذا منكك ..


الله يوفقكم جميع أنصحوه وقولوا له كلامي صحح ولا خططا ..

أستغلال لـ أبعد الحدود حسبي الله ونعم الوكيل بس


الله يوفق من يرد عليه ويوجه صاحبي على الدرب الصحيح ..

وش اللي لازم يسوية وراتبه مفروض كم وكم الموارد تدعمه ..

كل المعلومات اللي نقدر ننزل من الشركة حق سنة و6 شهور يعمل فيها

وهو لا زال على راس العمل



وتحياتي لكم

ياخذ صورة العقد الي لازم تكون معاه ومن شروط نظام العمل وجود نسخة مع الموظف ويروح التأمينات

ويسأل

عليكم السلام .. آخوي مدري آذآ تقصد دعم صندوق الموآرد البشرية .. ؟؟!!

وفي هـ القسم .. آشخآص لديهم خبرآت ب هآلآمور .. ان شآء الله يفيدونك

كثير من السعوديين اكتشفوا تلاعب الشركات برواتبهم وما سكتوا
طالبوا بحقوقوهم ورجعت لهم

انتظر اللي يفيدك بموضوعك وأهم شيء يكون زميلك عنده صورة من العقد زي ما قالوا لك اللي قبلي

ما عندي خبرة فما أقدر أفيدك
موفق

لحضه لحضه هدوء هدوء

أبغى أفهم منه بس


وأنت على أي أساس حكمت بأن المفروض راتب خويك 3700 وبدل سكن 300


الخلل فقط في المبلغ الي تأخذه التأمينات ولي هو 9% من الراتب الأساسي وبدل السكن

يعني هو راتبه الأساسي 1600 وبدل سكن 400 =2000

9% من 2000 = 180 ريال

180 - 2000 = 1820

يعني المفروض يستلم 1820

هنا الخلل فقط

أهلن أخوي مرحبا فيك ...



أنت ما فهمتني أنا أقول لك إنهم مسجلينه بالتأمينات الإجتماعية ومن الموكد إن شركة بن لادن تدعمها الموارد البشرية فهمتني ..


إذا كان على كلامك راتبه 1820 كم بتدعمه الموارد ..

دام حددو راتبه كذا وفيه أوامر ملكية بان راتب السعودي ما يقل عن 3000 ريال ..

أنا كنت اشتغل في شركة قبل .. وشركة على قد حالها ..

كانوا مسجلين في العقد 2300 ريال ويعطوني أخر الشهر 4300 ريال ويقولون لي

الـ 300 تاخذها التامينأت ..

فهمتني ألححين ..

يعني هم مسجلينه في التامينات الاجتماعيه ويعطونه بالشركة 1700 ريال وياخذون 300 ريال

التامينات من الشركة ..


فـ الله يوفقك قل لي المفروض يكون راتبه كم إذا هو مدعوم من الموارد والاكيد إنه مدعوم من هناك

وشاكر لك