ثلاث مطاعم
 

السلام عليكم ورحمه الله وبركاته


إخواني أنا عندي ثلاث محلات راح افتحها بإذن الله ثلاث مطاعم واحد بورست الثاني شعبيات مطبق ومعصوب وخلافه الثالث مضغوط

أنا بالقرب من الرياض

احتاج لشخص يقوم بالتنفيذ وتشغيل المطاعم

بالتوفييييق

نصيحة اذا مابعد فتحت المطاعم لا تفتحها كلها مع بعض

أحيانا التخطيط والخيال يسرح بك بعيدا وتتوقع ان الربح راح يجيك بسرعة البرق وبغزارة ، لكن التجارة فيها صعوبات ويبيلها صبر وفيها خير

خلك على محل واحد حتى تعرف اسرار المهنة والتجارة ويوقف المحل على رجوله ويعتمد على سمعته تقريبا 6 شهور إلى سنه

ثم افتح المحل الثاني واسسه تمام وكون له سمعة طيبة من خلال النظافة والجودة والمتابعة المستمرة لأراء الزبائن وهكذا

لكن ثلاث محلات وانت تعرف ان التجارة ربح وخسارة وإن حصل مكروه وخسرت راح تكون خسارة موجعة ربما تنهي مستقبلك التجاري ، لكن محل واحد حتى لو خسر عندك سيولة المحل الثاني والثالث تقدر تصحح أو تأسس محل جديد

هذا والله يوفقك ويرزقك الرزق الحلال

بصراحه راي صائب

النصيحة الثانية

اذا ما راح تشغلها بنفسك فالافضل تشيل الموضوع من بالك

خخخـ

أحلاااااااااام العظمه ~!

ترى الدنيا الحين مقلوبه فوق تحت ...ترحيل وغرمااات ...على بال ماتفتح لك نشاط ..وتجيب عمال بأسمك

راااح تاخذا ستت شهور أو أكثر


الله كريم ...وبتوفيق

كلام صائب لـ 3 رد ... موفق اخوي

حماس راح يوديك لمحماس

اذا مصر على موضوع المطاعم ارى انك تحوله لمطعم بخاري كبير في موقع ممتاز ومدروس

او تفتح مطعم اكلات شعبية وكبير وبجودة مميزة والاسم خليه ماركة وبحي فخم وفيه حركة او حي شعبي فيه حركة نشيطة وبمساحة اكبر للمطعم

اما مطاعم صغيرة وجودة عادية وشغل اي كلام محد بيجيك