عندك بضاعة تبي تصرفها .. come here
 

السلام عليكم ورحمة الله وبركاته

أي واحد عنده بضاعه يبي يصرفها بأسرع وقت

أنا ابيعها له و أضمن له حقه كامل

عندي سيارة و فاضي ولدي قوة في التفاوض بالعربي الحياء شايله من قاموسي

و هذي شغلتي وسيط بين البائع و المشتري

الطريقة

اول شي الرزق من الله سبحانه وتعالى ثم الواحد يفعل بالأسباب يسعى

أتفق معك انت يا صاحب البضاعه تعطيني عينات او بروشورات لك انا اوريها المحلات و انا اصرفها لك و على حسب نوع البضاعة أحدد الفئة المستهدفة للشراء سواء محلات جملة محلات تفريد او زبائن المهم اصرف البضاعة ويرجع حقك كامل ..


لكن في النهاية لا تنسى زلطي ( عمولتي من البيعة )

اي واحد جاد جدا جدا يتواصل معي على الخاص

وشكرا للجميع

نسيت شي مهم

اي شخص او شخصه اتعامل معهم و ابيع بضاعتهم يا ليت ينزل موضوع هنا عن تجربتي معه

و لا ينساني من الدعاء و السمعة الطيبة وشكرا للجميع

انت من وين ؟

الله يذكرك بالشهادة

انا من الرياض و تعاملي بالرياض ميداني


الرياض فقط


لكن ما يمنع اتعامل من خارج الرياض

ارسل لي بروشور لبضاعتك ما يصير خاطرك الا كل خير أن شاء الله

بالتوفيق لك ان شاء الله

وياك يا الغالي

اخوي جزاك الله خير انا من جده وحبيت اسالك اذا تعرف واحد زيك في جده يعني ممكن يصرف لي بضاعه منزليه وهي عباره عن طبخ معجنات وهيك.. وجزاك الله كل خير

برافو عليك .. وربي افرح اذا لقيت شاب مثلك

ومني لك .. اقول روح ولف على محلات الملابس وشوف اي موديل تبيه وركز على ملابس والرياضه للرجال شوف الموديلات المطلوبه والخامات .. فقط ارسلها لي وادرسها مع المندوبين عندي اذا اوكي اصنع لك الكميه اللي تقدر تصرفها ..
طبعا التصنيع في الهند بمعمل خاص بي .. لاني هربت من نطاقات والتعقيد الذي يوجد هنا .. عملي كله في الخارج

وياك يا جداوية .. لو انتي في الرياض ابشري لكن في جده اعتذر لك

ولكن تستطيعين عمل صور للأصناف مع الأسعار و رقم أتصال مثل منيو المطاعم لتوصيل الطلبات ..

و توزعينها على اماكن الشقق عزاب او عوائل و ايضا استراحات او قصور او عن أشارات المرور تعطينها واحد من اخوانك

يوزعها بكل مكان بجده وخاصة الاماكن القريبه منك .. مع الوقت تكوني قاعدة من الزباين


و ايضا لو تضيفي على الطلب قهوة عربية وشاهي تسوينها في ثلاجات و معها اكواب قهوة بلاستيكية الصغيرة و و اكواب شاي بلاستك كل طلبيه حطي خمس اكواب من القهوه و الشاي و يكون مها في صحن صغعها تمر سكري او خلاص في صحن صغير و طحنية بعد غلفيها بصحن صغير و حطيها في سلة و ارسليها للزباين بتعيني خييير و الزباين بيطلبون منك بالهبل .. الله يرزقك و بالتوفيق لك

يا اهلا و سهلا حيا الله الوالي ابشر بسعدك ما طلبت شي ابد حتى امر لك اصحاب الجملة اخش في

عيونهم الليلة اجيب لك العلم كله و ابشر بالطلبيات .. وان شاء الله يكون بينا تعاون مشترك يا صديقي

و الله لعبتها صح يا الوالي و انحشت من نطاقات و التعقيد اللي عندنا موفق في تجارتك يا عزيزي

و ياليت لو تشوف لي في الهند الذرة البيضاء White MAIZEمحتاج 100000 طن و لو تقدر تصدرها لجنوب افريقيا

بس عطني اسعارها و ابشر بالبيعة