اللي عندهم خبرة في انشاء المواقع يفيدوني جزاكم الله خير
 

ايش المطلوب وان شاء الله افيدك

سوري لو تدخلت ..

لكن عندي سؤال لو سمحتوا ..

لو أبي أحد يسوي لي موقع ، وش الأشياء الأساسية الي لابد أني أسأل وأنبه عنها ؟!

أنا كشخص غير متخصص ، بقول له أبي موقع و بس !!

بس ما أعرف أي تفاصيل مفروض أسأل عنها و أحطها بعين الاعتبار عشان ما أتعرض للنصب مثلا

شكرا جزيلا
ابي موقع بسيط مايكلف كثير ويكون مرتب مقسم على عدة اقسام يعني مثلا قسم شنط وقسم مكياج وقسم ازياء وهكذا

اطرحي استفساراتك هنا ,, وبرد عليها ,,, لكي يستفيد الجميع


بالتوفيق

أول شئ أسم الموقع ويكون مرتبط بأسم الدومن نفسه أو قريبه من بعض
بعدين التصميم راح يكون على أيش وبعدها كم سعه الموقع وكيف سرعه السيرفر اللي علي الموقع
وفي أشياء أخرى مثلا الأيميلات محدوده أو لا محدوده وكذا
كل مقدم للخدمه يختلف بالعروض

الموقع سهل جدا قبل ما تبدا في الموقع في شغلات لابد تعرفها بحكم خبرتي في المجال ذا وهي كثيره

لذالك راسلتكم خاص ليتم النقاش فيها

شكرا

انصحك اعتمدي على الفيس بوك وتويتر واليوتويب وموقع حراج واسواق سيتي والمنتديات التي تهتم بالبيع والشراء ومنتدى حواء والفراشة وبوابة الانرت نت واسواق الرياض وغيرها
غالبا الموقع الشخصي زواره قليل جدا ولا يعرفه احد
لكن اذا بيكون لك نشاط في تلك المنتيدات والموقع وتحيلين المسوقين الى متجرك شي ثاني

يعني تعلنين في منتدى يهتم او موقع يهتم بالبيع والشراء ثم تقولين وزورو متجري الشخصي لمعرفة المزيد من العوض او المزيد من المواد المعروضة
والله ويفقك الموقع ربما يكلف 300 الى 500 في السنة او اقل
وهناك موقع تعطي حسابات متاجر مجانية مثال

http://im42.gulfup.com/U9Ufi.jpg

إذا ماعندك خبرة

وقصدك تستفيد من الموقع أو المنتدى

ما أحب أحطمك ولكن مافيها فايدة تذكر

صحيح الموقع يكلف من 300 إلى 1500 ريال شامل الإستضافة والدومين والتصميم وتركيب المنتدى

ولكن المواقع حالياً ماعليها إقبال مثل أول والأسباب كثيرة

قبل ماتخسر فلوسك أدرسها صح وقيس وتابع المواقع وشوف الإقبال والأهداف

وبخصوص التخصص اللي أنت طارحه كثير مواقع فيها هذي الخدمة أقسام للأزياء وأقسام نسائية وأقسام بيع وشراء

ما أنصحك إلا إذا عندك موظفين وموظفات للموقع وبتحط ميزانية كبيره للموقع من إعلانات بمواقع كبيرة ورواتب وموظفين

ومع ذلك ما أنصحك ومثل ماقلت لك المواقع ماعليها إقبال مثل أول

هذي نصيحتي لك

بالتوفيق إن شاء الله

بنـاء الموقع ،


أولاً : تبحث في قوقل كتتب " حجز دومين " ألدومين هو الرابط مثلا بتسمي موقعك حواء [ 7oaa.com] اذا لقيته متاح

انسخة وحطه في ملف عشان تتذكرة

ثانياً : رح إلى منتدى اسمه " ترايدنت " ادخل المعهد هذا تحت فيه قسم اسمه الإستضافات

في قسم متخصص في الزوار تقدر تفتح موضوع

ثالثا: طبعاً اسعار المساحة حسب الي انت تبيه وانتي تبين متجر اتوقع ون قيقا أو [ ون وخمسمية ميقا ] تكفيك وزود : السعر ون قيقا على ما اتذكر بـ300-250 [ ون قيقا] اختصر لك الموضوع

http://www.traidnt.net/vb/f18/ هذا رابط ، نصيحة كـ مجرب وتاجر سابقً في الانترنت .. لا تروحين إلى
اي استضافة يمنية او مصرية او العرب بشكل عام فقط " سعودية " عشان تقدرين تمضنين ان لو حصل شي تقدرين تجيبين لهم

+ اهم شي اطلبي يكون لهم سجل تجـاري ، اضمن لك

http://www.traidnt.net/vb/f86/ هذا لطلب من الزوار

أكتبي في الموضوع [ ابي استضافة سعودية بسجل تجاري " سعودية فقط " ]

وتعرفين انها سعوديه من رقم الهاتف والتوقيع حقهم

طبعاً اكتبي ابي متجر مجاناً في الموقع مجتر " عبارة عن سكربت "

ان شاء الله ما في شي نسيته من الخطوات

بالتوفيق

نسيت اعلق،،

الان افضـل لك التسويق عبر التويتر رائع جداً وسلس واسهل لك

ولا يكلفك شي

وتقدرين تسوين لك إعلان بـ 100-200 ريـال بدل الإستضافة الي تبي تحطينها وتخلين الاعلان للحسابك

* تابعي ناس كثير في تويتر في ناس تتابعينهم يتابعونك

بالتوفيق

شكرا لكل من رد ونصح اشكركم جميعا وجزاكم الله كل خير

الله يوفقك..

السلام عليكم مسائك سعيد يا اختي

انا اصمم لكي موقع بصفحه احترافيه اعرض فيها منتجاتك بشكل رائع بدون استضافه تدفعي المبلغ مره وحده بدون تجديد اشتراك
ودومين بالاسم يالي تحبي
السعر 250 ريال فقط والدفع بعد الاستلام ^_^

#تم ارسال التفاصيل على الخاص

لو حاب انك تسوي موقع
بالنسبة لتصميم الموقع ايش تبغي التصميم موقع عادي مثلا او فلاش او موقع بدون لوحة تحكم او موقع في لوحة تحكم ( يالي في لوحة تحكم ممكن تعدل فيه ولو ما في لوحة تحكم يكون موقع عرض فقط يعني ما يقدر يعدل فيه الا المصمم نفسه )
وشي مهم ايضا لمن يسوي لك موقع واستضافه لازم يكون في ايميل خاص بالموقع
يعني لو كان اسم الموقع www.ali.com يكون ايميلك الخاص بالموقع info@ali.com
او حسب اختيارك بس الاغلب يكون نفس اسم الموقع بتقولي كيف ادخله ممكن تفتح ايميلك من نفس الموقع عن طريق لوحة التحكم او بعض الايميلات تفتح عن طريق جيميل او هوتميل
تسأل ايش نوع الاستضافه كم مساحتها وهل تكفي للفكره يالي بسويها
كم سعر الاستضافه
كم سعر الدومين
هل توجد لوحة تحكم خاصه بالموقع وبأي لغه
كم يستغرق تصميم الموقع
واهم شي تشوف نموذج من اعمال يالي يصمم لك عشان تعرف كيف شغله

بعد ما تستلم الموقع تشيك عليها وتجرب كل شي فيه لوكان متجر الكتروني مثلا تدخل مثل الزبون وتطلب وتتأكد من كل شي انو شغال ومافي اي عيوب وهذا شي مهم جدا ^_^
بالتوفيق يارب

في كذا دومين عندي مميزه تنفع تكون موقع تجاري بأسماء مميزه....

حياك الله

اعرف مؤسسه راح ارسلك ايميل صاحبها يصمم مواقع فن ومميزه ..

الله يكتب لك الخير..

وعليكم السلآم ورحمة الله وبركاته ..

- نصيحة اخ ابتعدي عن بناء موقع جديد واعتمدي على المواقع القديمة
منها اسواق سيتي واقلاع وبعض المتاجر المدفوعه ووهذا من ناحية العرض

-من ناحية التسويق انصحك بتويتر وفيس بوك مجتمعين مجانيه توصل بضاعتك
لاعلى عدد بدون دفع مبالغ طائله ..

- لو تبين تبنين موقع ممتاز ومقبول لدى العملاء راح يكلفك اقل شيء 2000 ريال
وفي حالة تكلفته اقل من كذا صدقيني بيكون اقل من عادي ولهالسبب انصحك بالابتعاد
عن بناء موقع لاسباب كثيرة بيتعبك من ناحية المتابعه واجباري تعرضين بضاعتك خارج موقعك
وهذا سبب فشل المواقع التجاريه المبتدئة .وراح يتعبك ايضا بجلب الزوار وعلى بال ماتوصلين
لهدفك الي واضعته للمتجر بتكوني طفشتي والسبب انك لحالك وراح يتعبك جدا ..

- التسويق بالشبكات الاجتماعية جدا مريح وممتع ، في حالة توسعك فقط افتحي صفحة تضعين
بياناتك في حالة عدم تواجدك بالمواقع الي تعرضين فيها منتجاتك يدخلوا على رابط الصفحة ويحصلوا
طرق التواصل سواء جوال او ايميل .. وبكذا الصفحة ماتكلفك ولاريال في حالة اشتغلتي عليها ومع مرور
الوقت بتتعلمين اشياء كثير بسبب كثرة المواقف والاطلاع على طرق التسويق العديده ..


بالتوفيق لك تجنبت الشرح في موضوع المتجر لانه مكلف ولو كان رخيص ماراح يكون بالشكل الي الواحد
يسعى له ويكون شغله عليه ..

شوفي يا الغالية فيه موقع يعطيك الدومين و موقع ببلاش و لكن لازم يكون عندك فيزا و السبب يعرفون الصادق من الكذاب

طبعاً الموقع لا تشلين همه أنت بنفسك تصممين الموقع و تختارين الشكل كل ما يخطر على بالك و تقدرين تسوين متجر الكتروني و القدرة على الشراء من الموقع مثل ما قلت لك موقع ممتاز و حلو وسهل

تويتر
الانستقرام
فيس بوك
مواقع التواصل
افضل من الموقع 100 مرهـ