|
مشروع جيد رآس مآل15000 الاربآح بإذن الله 1000 يوميا ( ارائكم + شريك )
بسم الله الرحمن الرحيم
سبحان الله وبحمده سبحان الله العظيم رأس مال المشروع فقط 15000 لايزيد أكثر نهائيا وربما اقل . - المنطقة الرياض فكرة المشروع ( استأجر كشك داخل مجمع اتصالات ويوجد امكنه منآسبه بـ 1500 ريال شهريــا مجهزه بالكامل فقط تعال وحط اغراضك ) فكرة المشروع تعتمد على ( استضافة المواقع - استضافة شات - استضافة منتديات - تصميم مواقع رسميه - تصميم ستايلات - دعم للمواقع - والاعتماد الرسمي تصميم MMS و تصميم فيديوهات الجوال وخلفيات جالكسي بلاك بيري خلفيات وآتس اب ..... تصميم مشاريع تخرج للطلاب ) طبعا الاعتماد الرسمي التصميم والاستضافة انتم عارفين , طبعا انا امارس موهبة التصميم من يوم عمري 17 سنه .. والان تقريبا كملت 10 سنوات وانا على الموهبه .. اقسم بالله كان زمان اول نصمم الستايل بـ1400 ريال .. الان وصل الى 250 ريال فقط !! وكان نسوي الموقع مع منتدى مع ستايل يوصل 2400 والحين نزل اضعاف والسبب كثرو المصممين كل من هب ودب صار مصمم تعلم له شغلتين بالفوتوشوب وجاء يدربي راسه السبب كثرة المصممين .. ف الشبكآت ولكن ع الطبيعه ؟ يبون كل شي جآهز افضل ثقه وتعامل يكون قدام عينك مو بينك وبينه شاشه تحول له سحب عليك هههههههه > حلصت له وكثر النصب بالنت // يعني يحول للمصمم او المبرمج ويسحب عليه وتعال ي الله نزل موضوع تشهير عنه .. ولا استفدنا شي فـ لو كان لك مكتب خاص فيك يفضل بين الاتصالات والجوالات .. راح يكون تعاملك رسمي بالاضافة الى البنات تلاقي كل يومين والثالث صمم لي غير مكسب الاكسسورات فيهم نفسية تغيير الاكسسوار كل 5 دقايق .. طبعا تصميم MMS وسائط حسب الطلب خلفيات او اسم او ابيات او الكلام اللي يكون تبيه ع التصميم بـ 5 ريالات فقط . استضافة مواقع .................. الخ كلن وسعره وتطبع تسعيره تكون جاهزه عندك للزبون .. بالاضافة الى وضع كم جهاز على الطاوله كم تعليقه وشاحن واكسسورات فلللللللللل المحل تكلفك 1000 ريال فقط .. تقريبا 7000 ريال خلها جوالات ذكيه الان وصلنا 9500 ريال بقي من راس المال 5500 .. لاب توب جديد دلل او من الانواع السريعه مثلا hp تقريبا 1800 ريال .. بقي من راس المال 3700 .. تصميم بنر للمحل تقريبا مترين ب نص متر بـ 180 ريال بقي من راس المال 3520 ريال . تشتري سيرفر استضافة مواقع يكلفك ك بداية مع الدعم الفني 2000 ريال .. المهم يبقى 1520 .. طابعه و اشياء تنقص ترتيب المحل . طبعا السيرفر استضافة المواقع يكلفك 2000 وتدفع كل سنه فقط 2000 ريال فقط .. مثلا جآك زبـــون يبي فقط موقع بدون منتدى مع التصميم الدفعه الاولى 450 ريال مع التصميم وكل شهر يدفع 100 ريال فقط للاشتراك الشهري مع دعم فني متواصل للحالات الطارئه عطل لاسمح الله . طبعا السيرفر محمي // الحين زبون واحد واخذ اقل مساحه ولك 450 وكل شهر 100 انت الحين كسبت زبون = ترى مظطر يبقى معاك اذا جميع تعاملك رسمي .. لان نسبة 5% يوجد مكاتب للشركات الاستضافة وتلاقيهم داخل 900 حاره ولو 10 زبائن فقط فتحو عندك مواقع فقط بأقل مساحه بيجيك 1000 شهري . انا قلت أقل مساحه ولو مثلا اوسط مساحه غير بعض المنتديات او استضافة شات او او او .. صدقني بيكون مكسبك الشهري ثابت 5000 ريال .. غير الاكسسورات اليوميه والجوالات بيع شراء بالاضافة الى تركيب البرآمج في بعض المساحات يدفع 150 ريال شهري غير المنتديات اشتراكهم .. غير برمجة السكربتات مشاريع التخرج بيجيك منه ذهب التصميم الواحد تقريبا 800 - 1500 خلفيآت .. وغيرهآ .. وتشغيل المواقع ربما يخلونك مشغل للموقع دعم فني سنوي ب 5000 ريال .. الاشياء الثانيه مثلا دعم فني تركيب هاك تركيب شي .... الخ تسعرها انت .. بالاضافة الى تسعير التصاميم .. صدقوني والله العظيم تشوفون المشروع عادي وهين لكن انت الحين مطيح 3 عصافير بحجر .. الاول : جوالات واكيد انها ذهب بوحدها واكسسورات ايضا .. الثاني : تصميم واستضافة مواقع ومشاريع تخرج .. الثالث : ثقة زبائنك لإستضافة المواقع .. انت بتسوي لنفسك موقع وتحط موقع مكتبك وهكذا .. عروضك للجوالات اول بأول بالموقع وتسعيرات نفس اكسترا تكون واطلق .. يعني بإذن الله المشروع بيطلع لك باليوم بين 500 = 1000 .. بالاضافة الى دخلك الشهري الثابت .. المشروع يتطلب موظفين فقط .. ويكون واحد عنده خبره باللي طرحته فوق كآمل .. انا عندي الموهبه الكااااافيه بكل اللي طرحته ولكن محتآج شريك .. والارباح 50% .. للتواصل ف العام اللي يبي اكثر تفصيل عن المشروع .. واللي يبي يتواصل خآص برآحته او عبر الواتس اب بعد اذن الادارة 0532226750 صدقوني هالفكره ماحد سواها خصوصا التصميم داخل المحل ناااااادر .. اغلبهم فقط جوالات دعم فني اكسسورات ويكتفي .. موفقين ي رب .. وارائكم .. |
ملاحظة : بالاضافة نضع عروضنا مثلا دورات شروحات دروس حصرية وهكذا ..
|
صباح الخير
سؤالي اخوي الكريم // ليش ماعرضت الفكره هذي على احد من اقاربك؟ او اصدقائك؟ او اخوانك وهم اولى ؟ سؤالي ثاني وتحملني // المبلغ المطلوب ماهو ذاك المبلغ الي نقول عنه كثير؟ بمعنى تقدر تستلف من ابوك او خالك ..إلخ.. وبكذا تريح راسك من الشراكه ..؟ اتمنى القى للاسئله اجووبه |
اهلن فيك .. انورت متصفحي
اخوي انا عندي وظيفه .. الشريك بيكون وقت دوامي بالنسبه لاخواني ماراح تكون بيننا جديه .. مثلا مابي اروح اليوم .. مالي خلق اداوم حيث اننا خوان ونمون ع بعض المبلغ لو صار بالنص للشراكه تكون جديه بين الطرفين |
ماشاء الله تبارك الرحمن
المشروع ممتاز وبسيط المبلغ ( مالها داعي شريك ) ! المشكلة يبي لك احد محترف ومصمم ولها خبرة لانك غير متفرغ ! ضع لك موظف سعودي بالمحل لها خبرة ! وانت كل بعد يومين او ثلاثة شوف المحل واخر المستندات اكيد راح تجد مبدعين ومحترفين ياكثرهم متصقعين بمنتديات الكورة او هنا ماعندهم شغل ! الله يوفقك ويرزقك من حيث لاتحتسب لك كل التوفيق ! |
فكرتك جداً ممتازة لكن المشكلة هي الموقع !
لازم يكون موقع خصب في ناس واااجد + لازم تلقى ناس خبرى مو أي كلام وأهم شيء تسوي دعاية في لأنترنت ! |
اقتباس:
ي هلا فيك .. عندي الخبره الكافيه .. ولكن ابي واحد متفرغ للمبعآت فقط .. جزاك الله خير |
اقتباس:
ي هلا فيك .. اكيد الموقع شي اساسي .. والدخول للمشروع يكون قوي جدا من حيث الاعلانات والموقع الالكتروني لاهنت ع المرور + |
انا مصمم محترف لكن الشغله لاتطاق
الاسعار بالحظيظ واي واحد يقدر يخرب سمعتك بشوية كلام شغله متعبه وغير مجديه الا اذا كان لك مقر فخم ولك اسم بالسوق ويبي لك فتره حتى تثبت نفسك وحاليا بدت الناس تبتعد عن المنتديات يعني لازم يكون فيها برمجه ولازم يكون فيه خبير برمجه لانها هي الاهم |
هلا اخوي مشروووع ممتاز والله كان ودي اشارك
لكن المشكله اني بجدة انا اساسا مبرمج وعندي خلفية بالتصميم لكن ماا اقول الا الله يوفقك والبلد ماشاء الله مليان موااهب نزل موضوع في ترايدنت وشوف كم واحد يجيك الله يوفقك ويكتبلك الخير |
| الساعة الآن 10:55 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين