ماهو علاج الصرع ؟؟
اخواني اخواتي انا شخص اعاني من مرض الصرع واستخدم علاجات مهدئه وصار لي من قبل 7 سنوات الى الان بعض المرات تجيني فقد الوعي مثل مااحس بشي كلش لمده 2 دقيقه كل 3 اسابيع اول اقل او اكثر تجيني ابغي حل واريد تساعدوني هل له حل تكفون حرمني من اشياء كثيره السواقه والسباحه والسهر مع الشباب اللي عنده حل لايبخل علينا الله يشافيني ويشافيك كل مريض يااااااااارب
|
اسال الله ان يشفيك عليك بالدعاء مابين الاذان والاقامه وفى السجود وراجع استشارى مخ واعصاب لربما ان العلاج الذى وصف لك لايفى بالمطلوب ويصف علاج اخر اكثر فاعليه
|
الله يشفيك
اعتقد والله اعلم انك مصاب بالعين اللي مترحم والعلاج هو ان تضع يدك اليمنى على راسك وتقرا سوره الكرسي ٣مرات والمعوذات وعلى الله الشفاء |
أخوي الصرع مع أخوي مريت كذا مستشفى يقول فيه علاج واحد نسبة الشفاء فيه ٥ في المائه ونسبة الوفاة ٩٥ في المائه لان فيها فك الرأس وبحث بعد فك الرأس عن العرق الي فيه كهرباء زائدة لذلك توكل على الله وارفع يديك بدعاء
وأسبابه يجيك كل ثلاث أسابيع هي السهر مشاهدة التلفاز لفترة طويله لعب الألعاب الإلكترونية والجلوس أمامها بكثرة استخدام الحاسوب لكثره الغضب النفسية تعبانه وهناك أسباب لا تحضرني الآن |
أسأل الله ان يشفيك..
|
السلام عليكم ورحمة الله
اخوي اسال الله العظيم رب العرش العظيم ان يشفيك حبيب قلبي الصرع يختلف عن كلام الأخ الي يقولك فك راس ومدري شنو الي قالك عن فك الرأس حالة تسمى avm انا أعاني منها وتكمن مشكلتها بشرايين المخ وتسبب الصرع وليست الصرع الناتج من شحنات كهربائية فهي حالتين مختلفتين تماماً وبالنسبة لحالتك انت ابيك تعلمني عنها بالضبط هل قالوا لك هي كهرباء بالمخ يعني صرع او قالوا لك avm اذا قالوا صرع ماهو avm فأنا اعرف اكبر دكتور متخصص بها المجال وأخي يراجع عنده وانقطعت عنه حالات الصرع والحمدلله |
اقتباس:
الان تقدم العلم اما انه يفك الراس ومن ثم يبحث عن العرق اللى فيه كهرباء فهذه المعلومه خاطئه انا اعرف ناس لهم 35 سنه وهم على العلاج وامورهم جيده اقل فحص التخطيط يبين لك مكان البؤره الزائده للكهرباء والعلاج متوفر ونسبة نجاح العلاج عالى جدا المطلوب منك مراجعة متخصص مخ واعصاب والتنسيق مع اخونا فتى بجيله جزاه الله خير لاعطائك اسم الطبيب ولاتلتفت للمعلومات الغير مدروسه تمنياتى لك بالشفاء العاجل |
انا اخوي ..اصيب ..بحاله الصرع ..قبل سنتين ...بسبب ..مضاربة شباب مايخافون الله ضربه واحد بحديده ..في الراس من جهة اليسار اعلى الاذن مع مقدمة الراس وصار عنده تهشم بالجمجمه ..وادخل العنايه لمده 15يوم وبعدها ..سوى عمليه ..لوضع غطاء حمايه من جهة الكسر لان الجهه المضروبه ما عاد فيها عظام ..واجرى العمليه ..فى سليمان الحبيب ..والحمدلله بعد العمليه تقريبا اسبوعين بدات اول حاله صرع لخوي ..وصار الحين على الحبوب لو ينسى حبه ..اليوم الثاني علطول تجيه الحاله ..في اي مكان مره جته وهو يسوف بس الوالد كان معه والله ستر عليه ...مانقول الاحسبي الله ونعم الوكيل ..والحمدلله على كل حال عمر اخوي 24سنه ..هظ وحيدننا خلص الثانويه وجته الضربه ..وحرمته من اشيا كثيره نخاف عليه لاتجيه النوبه وهو نايم ويبلع اللسان ..ويموت ومح داري عنه ..لان اخوي اللي قبله توفى بنفس الطريقه وهونايم بلع لسانه ..بعد ماجتن الحاله...
اللهم اشفى مرضانا ومرضى المسلمين .واجعل اجرهم ا للجنه يارب |
انا اراجع مع دكتور وعندي لي معاه مواعيد كل 3 شهور قالي يوجد داخل الراس بؤره صغيره هي مسببه لك
الازعاج :( اراجع في مستشفى الملك في التخصصي بالدمام |
اغلب الناس قالو لي الزواج تروح معاك المشكله لان بعضهم فيهم نفس الحاله وتحسنت احوالهم لان هو الاستقرار والطمأنينه ولا شنو رايكم انتو هل هذا الخبر صحيح ؟؟
|
الساعة الآن 04:10 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين