صوت المواطن هام للجميع
مرحبا للجميع
أنا حابة أجمع معلومات عن موضوع معين وياليت أشوف تفاعل ,,اللي هو أيش الأشياء اللي تهم مجتمعنا السعودي واللي لا بد أنه يكون فيه إلتفاته صادقة من المسؤولين يعني أشياء تخص الرجل المرأة والطفل / المراهقين والمراهقات / الشباب والفتيات السعوديات / حقوق مهضومة وحلها بيد المسؤول / قصور في مؤوسسات المجتمع / ... يعني أي قصور في أي ناحية من نواحي المجتمع تجاه المواطن أو العكس بأي مجال : صحة / تعليم/ سكن / تجارة / مواصلات / سفر / أسواق / ترفيه / أفكار لمشاريع تطويرية وخيرية / يعني باختصار همومنا في جميع المجالات مع اقتراح الحلول من وجهة نظركم و للالتفات لهذه القضايا.. وشاكرة للجميع أرجو التفاعل بالرد على الموضوع في الصفحة أو عالخاص أو الرفع للفائدة |
اول رد على الموضوع
والله المواطن محتاج سكن سكن سكن والباقي لو ياكل خبزه ناشفه في بيت ملك مايهم , ناس مالقت سكن وناس رايحه للبنك ترهن بيوتها :cry: |
تبغينا نقول ايش والا ايش ..لاتعليق
|
المواطن يحتاج شي واحد فقط وهو ايجاد فرصة عمل شريف وراتب جيد
لان من العمل يستطيع ان يتزوج ويبني بيت ويعيش حياة كريمه والمثل يقول لا تعطني سمكة ولكن علمني كيف اصطاد |
اقول حسبي الله ونعم الوكيل
كل ماانزل موضوع يحذفونه ليه علشان اطلب وظيفه والله اني عندي 4 اطفال والله ماني قادر اصرف عليهم ابغئ وظيفه تكفون ساعدوني |
عواافي انت باي مدينه ..وشوف اذا انت محتاج ترى وظيفة حراس الامن كويسه اشتغل لين الله يفرجها
|
المواطن السعودي إذا فرضنا لقى وظيفة على المرتبة الرابعة والا الخامسة وماعنده سكن راح يتعذب المرتبة الرابعة يوصل راتبه تقريبا 4600 وش تسوي الواحد يوصل عمره 30 ولا يقدر يتزوج ولاشي من قل الراتب ______ لو تزوج في هذه الحالة لازم يواجة التالي::- أجار بيت 2000 أقل شقة الحين فواتير كهرب 400 وجوال 300 اقل شي قسط سيارة صغيرة 1100 اغراض المطبخ 1000 اقللل شيء مصاريف العيال 1000 راااااح الراتب كله وفوقه سلف وفي الأخير تلقى الموظف شغال كداد في الليل مكة جدة _________________________ الحل توفير سكن أو إعطاء المواطن بدل سكن 20.000 اقل شي زيادة الرواتب الحد من إرتفاع الأسعار للسلع زيادة قرض الزواج من 45الف الى 80 الف او 100 الف توفير عمل إضافي للموظف لزيادة الدخل مكافأة الموظف المجتهد مثل القطاع الخاص وصلى الله على نبينا محمد وعلى آله وصحبه أجمعين |
انا اقترح ان يكون فيه لجن لاسر المديونين المعسرين والاهتمام لهذه الاسر لان بيكون الضحيه الاطفال ووالدتهم ودفع لهم مساعده حتى تتحسن ظروفهم لان انا واطفالي نمر بظروف الله يعلمها وبناتي انسحبو من الدراسه بسببها
|
ازمة السكن
والبطالة وارتفاع الاسعار حسبنا الله سيؤتينا الله من فضله انا الى الله لراغبون |
|
الساعة الآن 11:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين