توظفت ولكن !! تكفون عطووني حل
 

السلام عليكم ..
انا توظفت ولله الحمد لكن مشكلتي هي ان عملي يعتمد على جولات ميدانيه
ع سيارة العمل .. بتقولو وين المشكله اقولكم اني للاسف م اعرف اسوق الا قير
اتومااتيك وماا اعرف للقير العادي وللعلم الوظيفه حكوميه والى الان م باشرت
يعني ممكن خلال ايام ابدا معهم بس خاايف من السالفه هذي وهل اقدر
اقولهم ابي اداوم ع سيارتي الخاصه واتحمل تكلفة البنزين وكل شي
تتوقعو يسمحو لي او لا وهل لو قلت لهم مشكلتي رح يفصلوني او وش
ممكن يصير .. اتمنى تساعدوني وهل في احد صار له مثل مشكلتي هذي
وايش صار معه .. انا عمري 25 بس من اول ماتعلمت السواقه ع قير
اتوماتيك واستمريت ع كذاا الى الان

ليش م في ردود ):

بصراحه مني فاهمه الشغله وايش يعني قير

المهم

عندي لك اقتراح



ليه ماتشوف لك احد من اخوياك أو اخوانك أو اقاربك معاه سيارة زي سيارة العمل ويعلمك عليها احس الشغله سهله مدام تعرف تسوق خلاص هذا اهم شي


بالتوفيق يارب

اخي الكريم
بالعكس لو صارجنهم بانك ستستعمل سيارتك فلا اعتقد انهم سرفضو ذلك بالعكس سيكونوا مسرورين كما ان الصراحه راحه
توكل على الله وما خاب صادق

حاول تتعلم .. دام انك تعرف تسوق خلاص سهله

احد من اصحابك او اخوانك يعلمك على سياره عاادي .

واذا ماقدرت عادي قول لهم انك ماتعرف تسوق الا سياره اتوماتيك ..

وهما ماشافو الرخصه ؟

شوف لاتقول لهم شئ لين تتوظف رسمي ..وبالنسبه للسواقه تعلم يعني شوي شوي لين تتقنها..ولاتقول لهم انك بتتحمل ..البنزين لااا انتبه من كثر الراتب يعني.. انت بعد ماتتوظف قولهم حاليا باروح بسيارتي لين اتعلم شوي شوي

واستخير قبل كل شئ واسال احد الموظفين معاك واسال الاداره عادي لاتخاف لانك تعرف تسوق ولو ماتعرف تسوق اصلا هنا خاف بس انت تعرف تسوق وعندك رخصه توكل على الله وماراح تروح عليك الوظيفه..

عكسك تماما لو أعطوني الشركة اوتوماتيك مآآقبلها ,,

لسبب أني أدمنت سوااقة القير العــآدي ,,

لكنِ عنديِ لكك حلِ أخذ السيآرة إلي بيعطونك حتى لو كآنت عىدي وشوف لك مخطط كبير وأتعلم عليها شوي شوي ,, ولو مآبه أحد يعلمككِ انا مستعد أعلمك بأتقآن وأدربك على سوآقتهآ ,, وربي يسهل عليك ,,

ومن توكل على الله ,, فهو حسبه ,,


تمنيآتي لك بالتوفيق والنجآح ..

أخوك / مرآقب ~ْ

هههههههههههههههههههههه كلها سواقه

لا تقولهم ابداوم على سيارتي الخاصه ... راح تندم بعدين

تعلم على العايدي

المسأله بسيطه

مشكورين الي ردو يعطيكم العاافيه ..
انا من 10 سنواات اسوق ومعي رخصه بس زي م قلت لكم قير اتومااتيك
وحتى الرخصه بعد طلعتها باتومااتيك .. الله يستر بس انا لما ابدا معهم رح اقوولهم
اني بداوم ع سيارتي الخاصه ويارب يوافقون دعوااتكم ومشكورين الي ردو مره ثاانيه

مبروك ماشاء الله وموفق
شوف الشغله بسيطه
دام انك تعرف تسوق خلاص هانت
روح خذلك اقرب سياره من اخوياك مكسره وتعلم عليها باقرب مخطط واذا ماحصلت سياره قير عادي من اخوياك
روح مع واحد من اخوياك موظف خله يستاجر ويحطك سائق اضافي وانصحك بـ افيو والا اكسنت قير عادي اقدم موديل وارخص اجار ب 50 ريال اليوميه خذها ابو يومين واجلدها اقوى ماعندك
وخل معك معلم من اخوياك يعلمك ويعزز لك
صدقني ماراح تاخذ منك يومين وبتصير احسن منه

طيب عادي مو شرط تقول انا مااسوق الا قير اوتوماتيك ... قول انا ابي سيارتي ماارتاح الا فيها واكيد راح يتفهمون الا هم يبون كذا ماودهم يعطون احد سيارات