السلام عليكم ورحمة الله وبركاته
 

ينقل للقسم المخصص

طموح شمالي


حياك اخوي ...

الله يوفقك ويرزقك ويغنيك من فضلة ان شاء الله ...

بالنسبة لشركات الجبيل الكبرى تقديمها عن طريق الانترنت ولايسمح بدخولك لها لانو عليها حراسه مشدده مثل ارامكو الا الشركات المسانده الي رواتبها مثلا 3800 ريال .. اتوقع ماراح تستفيد من روحتك للجبيل ..

شركة سابك وكيان والسويدي وشيفرون ماتقدر تدخل فيها عليها حرسات مشدده ووممنوع الدخول فيها الا لحاملين البطاقات الموظفين ..

ونت براحتك ...

عندك شركة صدارة - معادن - سكيكو - قدم عليهم عن طريق الانترنت - سابك - شوف الشروط تنطبق عليك قدم ويعطونك رقم طلب ون جاك قبول بيجيك على الايميل يعين تابع ايميلك اول باول ..

اما بالنسبة للشرقية منطقة الدمام عندك عمارة الراشد وبرج الفلك وبرج الحقيط هذه الابراج فيهم شركات كبرى بمعنى الكلمة ...

شارع الدمام الخبر السريع اماكنهم مجرد ماتقول للتاكسي بيعرف هناك ابراج جنب بعض

برج الحقيط فيه البنك الاهلي الدور الاول والثاني والسادس - وفيه شركة زين - وفيه شركة سامسونج طبعا ادارتهم جميعا وفيه من ضمنهم شركة الحقيط طبعا لاشفت اجانب بالاستقبال هذه فرصتك تكلم بالانجليزية لانو الاجانب منصفين وقول حاب تقابل المنجر او المسؤول عن التوظيف ..


برج الراشد .. فيه ادارة موبايلي وفيه ادارات اخرى

برج الفلك == هذه شركة قوية تبع ارامكو ..

برج الراشد الي جنب البنك الفرنسي امامة برج الحقيط مقابلك بالشارع الثاني وجنبة برج الفلك كلاهما متقاربين برجين جنب بعض ....

طبعا هناك بنوووك فروع اقليمية عطهم cv ... وبرضو روح بنك الراجحي طالبين موظفين زحمه حاليا لكن مادل موقعه بكل امانه ...

لما تخلص من ذولي عندك عمارة شركة الاسمنت مليان شركات وكثرها اجانب يعني تفلسف بالانجليزي وتقابل المانجر وبرضو قدم على شركة اسمنت ..

الله يعينك بتصرف فلوس كثيرة لانو التاكسي مايتحرك الا بـ 30 - اربعين ... هناك ماراح تضيع التكاسي زي النمل من كثرهم ماراح تتعطل لكنهم استغلالين ..

انت مجرد ماتدخل باالابراج بتشوف لوحة كبيرة مكتوب فيها كل دور وأسم الشركة طبعا لما تدخل لاتستحي انشب لهم قول حاب اقابل التوظيف او الموارد البشرية وعطهم cv ويمكن تجيك مقابلة بحكم شهادااتك وخبراتك وعمل حسابك جهز نفسك ماتدري وش المكتوب..

اعملك سيرة ذاتيه بلغتين انجليزية وعربيه بشكل ممتاز ومنظم ..

انا اعترفلك بكل امانه عيب الادارات بالشرقيه حسد حسد حسد .. ..

انا من الشرقيه وعترف لك ... مو جميع لكن الاغلبية ..

الله يفتحها عليك ويرزقك عاجلا غير اجل وبما انك بتسعى ثق تماما بأن الله سبحانه بيرزقك ..

وبرضو فيه فنادق موقعها حلووو قريبه من الابراج وسعارها اليوم 120 ريال ...مثل منت خابر ماجت العطلة ..

قول للتاكسي وراح يضبطك..

عندك شارع الضغط العالي مليان فنادق ...

وتفق معاه يجيك الصبح خذ رقمه ويجيك ان شاء الله ون ماجاك مية واحد غيره بتشوفه ..

على فكرة اكثر دوام هالابراج الساعه 8 صباحا او 8 ونصف ..وخذ احتياطاتك انو الدمام زحمه بمعنى الكلمة خاصة الصبح والطريق الي بتروح منه بتشوف الزحمه على اصولها ههههههههههه يبي لك نصف ساعه عشان توصل المكان الي تبيه ..

تعود على المشاهد هذه ...

ربي يووفقك و يسهل امرك

اخوي بيري الهواجر يشهد علي الله ان اللسان يعجز عن شكرك

الله يوفقك ويرزقك من حيث لا تحتسب علي تسهيل الامور بعد الله

والله والله ما ادري كيف اوفيك حقك الله يسعد ويرزقك ويكتب لك اللي فيه الخير


من جد بعد الطيب من عواديكم ما هو غريب يا هاجري الله يوفقك

وياك اخوي ستايل حساوي ويوفق ربي الجميع والله يكتب اللي فيه الخير

ما قصر اخوي افادك بس من ناحيه التكاسي اشوف لو تستاجر سياره يومين راح توفر اكثر


عسى ربي يسهل امورك