50 الف ، وش تسوي مشروع
[align=center] السلام عليكم و رحمة الله ..
اخواني ، انا ودي ب مشروع حليل كذا و شغله ماشي و دخله معقول .. تقريبا راس المال بين 40 و 60 الف .. وش تنصحوني فيه ، مع اني مالي خبره بأي مجال .. و بمنطقة حايل .. الله يرزقنا وياكم .. [/align] |
وعليكم السلام ورحمة الله وبركاته
لاتقول مالي خبرة باي مجال لان الاجنبي يوم يجي هنا مايكون له خبر + كبدايه اتمنى تدخل مشاريع بسيطه حتى تتعلم اكثر واكثر واقترح عليك لو عندك مكان كـ مزرعه او سطح منزلي 10 الاف ريال ادخل بها في تربيه حمام الزينه اللي تتروح اسعار الزوج من 150-200 انواع كثيرة بمجرد البحث راح تتعرف اكثر دورة راس المال سريعة وتربية الحمام في محاكر يعني انتاج اسرع وان شاء الله تجيك افكار افضل |
يابعد حيي
الان العمال تبحث عن نقل كفاله وتعديل مهن لاجل النظام الجديد انا اقترح عليك تشوف لك بوفيه واحد او اثنتين ولاكن ركز معي على انها تصبح سلسله بوفيات باسم واحد اسم مميز من الان ابداء به |
انا عندي راي طال عمرك
افتح محل نجاره مو ورشه ولا مصنع محل نجاره لديكور المحلات وصناعة غرف النوم والسرائر تراه مشروع ممتاز وراس مالك يغطيه والله الموفق |
اسمع بمحل زينة السيارات يدخل ذهب خذه ايجار ب35 الف
وانت تشتغل فيه وهات احد يساعدك بحيث انت بالصباح مثلا وهو المساء ولامانع تمر عنده المساء ك اشراف على العمل وعليه .. الله يكتب لك الخير.. |
حدد المدينة وكيف تفرغك للمشروع
|
انا في مكة وعندي 50 الف بس المشكلة ماني عارف اش اسوي فيها
والصباح الين العصر دوام هل توجد فكرة لديكم |
محل خضار فواكه تمور = ذهب
م يكلف تقريبا 40 الف فتحتين مع الايجار وكل شي .. وم يبي له خبره بالتوفيــق ي رب |
اقتباس:
والله ياخوي بقلك على مشروع مكسب طيب وراس مالك يرجع لك فوري تروح حوش وتجهززه للغنم وتجيب لهم العلف والاكل وتشتري غنم نعيمي او حري والافضل نعيمي وتخليهم كذا شهرين او ثلاث لين مايبقي على رمضان غير 5 ايام وروح بيع الغنم والله بتلاقي مكسب طيب جدآ عارف اسعار الذبايح تزيد في العيد مرره |
اي مشروع أكل و شرب
|
الساعة الآن 11:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين