اقتباس:
الى الان انا ما عندي ملف في مكتب العمل ... انا حصلت البوفية والمغسلة بسعر زهيد جدا ( 30000) لان صاحبها ما هو فاضي يوظف سعودي وكره الشغلة بعد النظام الجديد .. ولان الايجار حل الشهر هذا فاضطريت ادفع الايجار ... هل تقصد بالاسم الموحد اني في البداية افتح سجل مثلا مؤسسة تعابير الذات التجارية وبعدها احط البوفية فرع باسم كفتيريا تعابير الذات ومغسلة تعابير الذات وبعدها اروح مكتب العمل وافتح ملف واحد باسم الموسسة ولا لازم لكل منشأة ملف ........ محتار يالغالي وما ادري ايش اسوي وغشيم :c ياليت توضيح لي الخطوات من فتح السجل الى مكتب العمل الى البلدية ارجوك وضح لي كل الشكر والتقدير |
جزاك الله خير على ماتقدمه للاخوه الاعضاء
كرما منك ابغى استفسر منك هل توظيفي لسعودي براتب 1500ريال يمكني من الاستقدام علما بان النشاط مقاولات مؤسسة جديده وهل يجب ان انتظر ثلاثه اشهر من توظيف السعودي وبعدين استقدم والا اسجله بالتأمينات واروح اقدم على الاستقدام على طول في مكتب العمل وهل الاستقدام فترة التصحيح للمؤسسة الجديدة مسموح ام متوقف ارجوا الرد علي لاني محتار معى هالقرارات وجزاك الله خير |
الله يوفقك ياكاتب الموضوع ويعينك على الاجابه بس من جد مكتب العمل شي غريب
وافضل طريقه الواحد يشوف له معقب شاطر يخلص اموره او يصبر على الضغط والسكر |
اقتباس:
طيب اخوي تقدر تعلمني وش المطلوب للتامينات ووش المطلوب لمكتب العمل من أوراق ؟ ومين اروح له اول العمل ولا التأمينات ؟ ولازم الموظف يكون معي السعودي يروح ولا م يحتاج ؟ علما بأنه موقفه خدماته هو ..! |
اقتباس:
اولا عليك الان سرعه فتح ملف في مكتب العمل ويتطلب منك رخصه من البلديه والسجل التجاري وبعدها تفتح ملف في التامينات وتوظف سعودي او انت اذا انت غير موظف حكومي او في شركه او موسسه وبعد تنقل كفالة العاملين |
اقتباس:
|
اقتباس:
1- انت في النطاق الابيض كانك تقول انا في الدور العاشره ما اطلع للدور الخامس ههههه فهمت علي يعني انت الان احسن من الاخضر 2- اطلع لاي مكتب عمل الفروع احسن لك ولا تمسك سرى ولا شي تروح للموظف وتقول له اريد احدث الرخصه فقط وتعطيه رقم الملف في مكتب العمل ويحدثها لك لا تنسى تاخذ معك صوره للرخصه ومستقبلا يبج عليك متابعه التراخيص في قسم بيانت المنشاءه على الموقع تجد التراخيص وتاريخ الانتهاء وهي رخصه المحل السجل التجاري الزكاة التامينات لابد تتابعها لاجل ما يتوقف الملف 3- كلامك صحيح تم التفتيش ولا كن عليك مستقبلا تجهيز قسم نسائي في المكتب عندك والافضل انك تاخذ شقه لاجل يكون لهم مكتب والله يعين 4 يعطي اي منشاءه نسبه 7.69 اذا راتبه 3000 ريال لانها تكتمل في 13 اسبوع 5- عزيزي افتح سجل تجاري واحد باسم واحد وكل البوفيات على هذا الاسم واذا فتح عدة بوفيات اخرى ما يلزمك توظيف سعودي الا اذا تخطيت نسبه السعوده مبين في نطاقات 6- اذا سجلك جديد طلعته بعد 25/5/1434 لا يسمح لك بنقل كفاله العامله المنزليه او المتغيب عن العمل اما اذا سجلك قبل هذا التاريخ يسمح لك بعدد اربعه فقط اذا العماله التي لديك اقل من تسعه او مفتوح اذا العماله لديك اكثر من 10 وبخصوص الرسوم نقل الكفاله لم يسمح بها وتغيير المهنه مجاني الا انه لم يتم تفعيل هذا وننتظر يوم السبت ان شاء الله انا في الجوازات امس لم تفعل اللي هو تغيير المهنه مجاني الدعاء لوالدي يجعلني اكثر حماسا معكم بالتوفيق |
اقتباس:
اولا احب انوه بامك تقول حصلت البوفيه بمبلغ زهيد هذا شي طبيعي اكثر المحلات راح تشوفها للتقبيل لانها غير نظاميه مكتب العمل الان يرد منك سجل تجاري باسم البوفيه وسجل تجاري باسم المغسله لك تفتح ملف في الاثنين وتوظف في كل نشاط سعودي لاكن لو كتب في الاقامه المهنه عامل واسم الكفيل مؤسسة تعابير الذات التجارية ما يحتاج انك تفتح ملفين في مكتب العمل واحد باذن الله يغطي وزارة التجاره لاستخراج الرخصه او عن طريق الموقع الوزاره ويجيك في البيت ثم تروح للبلديه ومعك الرخصه للمحل لاجل تنقلها باسم ثم تروح لمكتب العمل لفتح ملف والتامينات ثم تنقل كفالتهم عن طريق الانترنت وزارة العمل او مكتب العمل يدوي |
اقتباس:
قلم وختم الموسسه والسجل مع 10 صور ورخصة البلديه مع 10 صور ونموذج فتح ملف وصاحب الموسسه هو اللي يراجع بنفسه الاجل فتح الملف ثم بعد كذا يجي يدور الموظف السعودي وينجزها لانه الان الامور اسهل من اول بكثيررررررررررررررررررررررررررررر ونفس الطلبات للتامينات زياده عليها رقم الملف في مكتب العمل |
السلام عليكم ورحمة الله وبركاته
اولا اشكرك على خدمتك للآعضاء وجعلها الله بموازين حسناتك قريت لك في رد ان السجل اذا كان قبل تاريخ 25/5/1434 اقدر ستفيد من تصحيح العماله وانقل 4 عمال طيب اذا السجل التجاري قبل التاريخ المذكور وصاحب السجل راح يتنازل عنه لي هل اقدر استفيد من نقل العماله |
الساعة الآن 10:07 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين