حلول البطالة Unemployment Solutions - خبر عاجل: اغلاق ملف قضية فتاة السامر،،والنتائج!!!!؟؟

حلول البطالة Unemployment Solutions (https://www.btalah.com/index.php)

- إستراحة الأعضـاء (https://www.btalah.com/f10.html)

الحين صارت مهنه التمريض للبنت من الوظايف اللي ماوراها غير الشر والمعاكسات والعلاقات المشبوهه؟؟!!!
التمريض مهنه ساميه ووهدفها نبيل والصحابيات ف عهد الرسول عليه الصلاه والسلام كانو يمرضو الجرحى ف الغزوات
الحين بتقولي زمان أول غير والحين غير آي نو بس فيه البنات المحجبات العفيفات المتربيات صح وماشيات على الصراط المستقييييييييييييييم :z

استاذة نسيوني،،،، انا ماقصدي انه مهنة التمريض معيبة بالعكس مهنة انسانية،،،،، بس محيط العمل مستذئب!
فهمتي قصدي؟؟ شوفي اعطيك اياه من باب اني شخص احتك بالناس كثير واسمع منهم كثير وناس من قلب الحدث،،،
فيه قطاع عمل المدير مايرقي الا بمزاجه! ومدير القسم الفلاني مايوضف بنات الا بشروط معينة! وغيرها من الامثلة الواقعية واللتي وقعت! اقرب مثال : جاتني رسالة على الايميل من طالبة متخرجة من فترة قريبة بختصار بقلك المحتوى: وبالعامية بتكلم : البنت راحت عشان المقابلة الشخصية بوحدة من المدارس الاهلية المعروفة بالمدينة المنورة_ المهم تقول تفاجأت انه المقابلة الشخصية تكون مع مالك المدرسة بمكتبه اللي داخل المدرسة ولازم اي وحدة تدخل عليه تكشف ويشوفها واللي ترفض مع السلامة مالك نصيب!! والمصيبة تدخل لوحدها وحاط له سكرتيرة من احدى الجنسيات العربية،،، هي تنسق بين دخول الفتيات عليه،،، وطبعا هو مراهق بالخمسين مالك المدرسة،،، وقسم بالله هذا الموقف صحيح ،،،، اسالك بالله اخت نسيوني،،، لو وحدة ضروفها المادية اشبه بحطام او رماد مو راح يستغلها هالمراهق اكمل استغلال؟؟ راح تقولين والله العفيفه راح تمشي وتسحب عليه!! طيب اللي ماراح تقاوم فقرها وعجزها وسوء حالتها المادية وانهيارها؟؟ ويقعد يعطيها من المغريات والكلام اللي ماله صلة بالانسانية! هاذي رسالة من الف رسالة تجيني على ايميلي من معاناة البنات مع الوظايف بالقطاعات هاذي.....

الفتاة ليست غبية لكي تصدق الشاب ولكن تركيبتها العقلية وصدق مشاعرها هي اللي يجعلها تغفل عن الواقع <<<<<<<شطحة ختام

اقتباس:

المشاركة الأصلية كتبت بواسطة احمد بطي (المشاركة 7411343)

اللي يقهر بالموضوع انه اهل البنت مشتكين على الموظف هذا من شهر وانه مهرب بنتهم من شهر عن البيت ورجعت ثاني مرة ولااحد وقفه عند حده هاذي اخرة الوظايف اللي مامنها غير الشر والمعكاسات والعلاقات المشبوهة

لوالبنات مادرسن الطب والتمريض من بيعالجنا راح نضطر نكشف عندالدكاتره فبنظرك مين الافضل الدكتور ولاالطبيبه بالنسبة لنا واريح موكل من توظفت صاعت ولاانحرفت لوخليت الدنيا خربت والغلط من الفكر اللي يتربن عليه البنات بمحيطهن وكل تصرف بنت يمثل البيئه اللي عاشت فيها والعقليات اللي تحيط فيها,,لوتعاملنا بمبدأ ان البنات لوخرجن للوظائف انحرفن ولاتسببن بقضايا راح تصيرالبيوت والنظرات والحكم المسبق سجن لامفرمنه للبنات وحتى بينهاوبين نفسها مشكلة مجتمعنا الحكم والعقاب والترهيب قبل التوجيه والاحتواء للفكر والعاطفه ديننا وضح كيف التعامل مع الفتيات ونبينا محمد صلى الله عليه وسلم ,,لكن الغلط بالاسلوب بالتعامل من تصرفاتنا واعتقاداتنا تجاه بعض الامور لوالاب والاخ عطي من وقته شوي لاهلهم وبناتهم وفهموهن بهدوء وعودوهن على النقاش بصراحه ووجهوا بناتهم للصح وبينوا حرصهم عليهن وبينوا لبناتهم كيف لابدتتعامل وكيف تكون افضل وقدالثقة وقدالمخاطراللي تواجهها ارحم من تصيدالاخطاء والترهيب والقمع يكون للبنت متنفس تحكي وتتكلم افضل من الصمت الذي لايحمدعقباة وهي تواجه مشاكل وتحديات ولاتقدرتتكلم مع اهلهاانا مااتكلم عن قضية البنت لانها واضحه ان اهلها يعرفون كل شي اتكلم عن البنات بشكل عام

يا اختي الغالية: انا نظرتي للبنت انها ملكة تستحق اغلى التيجان،،، واثمنها،،، بس انا قصدي االاذى راح تتعرض له البنت سواء اذا استجابت او امتنعت للمضايقات،،، وانا اتكلم بشكل خاص عن القطاع الصحي لان اغلب المصايب والمشاكل تنبع منه،،، والشواهد كثيرة،،، انا افضل ما اكمل كتابة عشان انا مؤتمن على اسرار وهموم ناس وثقوا فيني وماودي اني اخلهم امثلة على اشياء تحصل وتحصل وتحصل وماراح تنتهي ،،،

الله يرحمها ويغفرلها

اقتباس:

المشاركة الأصلية كتبت بواسطة احمد بطي (المشاركة 7411572)

استاذ احمد ممكن تبي توصل اشياء احنا مانعرف عنها بس الكل متفهم هالوضع وندري ان فيه تجاوزات كثير لكن لو تخلن البنات عن الدراسه للطب راح يعطوا اشباه الرجال اللي يضايقوا البنات فرصه لان المريضات راح يضطرن يواجهن المضايقات من هؤلاوتخلى لهم الساحة وتاتيهم الفرص لحدهم وهالاشياء ماراح تنتهي لو امتنعوا البنات مثل ماقلت لان اللي انفسهم دنيئه يسخرون كل شي لاهدافهم ومكانتهم تحميهم وحصانه لهم ,,مشكلتنا كل شي نرميه على البنات لوكانت ضحيه اوماشيه وراء الوهم وراضيه بوضعها وننسي ان مافيه دخان بدون ناروالسبب الاول والاخير الشاب للماسأة والدليل القضيه لفتاة حي السامر فالاولى بهذا الوقت التركيز للنصح للشباب الله يهديهم ,,لان هم الجاني والناقد والبنت هي الضحيه والمنتقده هذا اللي حاصل هالوقت ,,وهالامور ترى من ايام الجاهلية وراح تستمر ونهايتها التوجيه الصحيح وتعديل المسار بالتمسك بحدود الله والتربيه على تعاليم حبيبنا محمدصلى الله عليه وسلم وامتنا ومجتمعنا فيهم الخيرمايزول لوصارماصار لابدترجع الطبايع لطيبتها واصلها

فكرتك وصلت اختي الغالية:

بس لاتحطين في بالك انه حاط دائرة حمراء كبيرة حول الفتاة لا بالعكس ،،، انا بطرحي كله وارائي كلها ضد تفكير بعض الشباب وسوء اهدافهم،،وبعض الشباب مهما نصحته ماراح يستجيب
بالحالة هاذي نروح للطرف الثاني والاهم ايضا لانه هو الطرف الاسهل والاسرع بالاستجابة للنصح ،، لان الفتاة تكوينها العقلي والجسدي والذهني ،،،، تغلب عليه العاطفة والتصديق التام بحسن النية ،،،، وليس الواقع ،،، وهذا الشي سلبي وايجابي ،،،،

اقتباس:

المشاركة الأصلية كتبت بواسطة احمد بطي (المشاركة 7411779)

استمر استاذاحمد بمواضيعك النابعه من احساس صادق وقلم غيور احنا مؤيدين ماتكتب بس لابد نتناقش ونوضح اشياء من وجهة نظرنا لعل تفيدناوتفيد غيرنا بارك الله بعملك وحياتك ,,معاك حق بالكلام اللي قلته تجاه بعض الشباب بس اللي قصدته نظرة المجتمع للفتاة وتبرئة الشاب لوكل شاب شاف ان فيه تأييد للفتيات وركن يلجئن له امان لهن يصدقهن ويحميهن من التعدي والظلم كان ماتعدوا الحدود لاابتزاز ولاظلم ولامضايقات ,,من خلال نظرة المجتمع للفتاة استطاعوا ان يضغطوا الشباب على الفتيات بفضحهن لوكانن مظلومات ماراح احديصدقهن بسبب بعض القناعات التي تحكم بدون ان تعرف ماهي الحقائق ,,

اقتباس:

المشاركة الأصلية كتبت بواسطة عاطله وفقرانه (المشاركة 7411852)

اختي انا فاهم وكنت عارف انك يمكن مافهمتي مغزى كلامي،،،، ويمكن ظنيتي الوم البنات ،، مستحيل الوم فتاة على ذنب لاذنب لها سوى انها فتاة!!! والمجمتع ماشي على قاعدة ولدنا بكرة يعقل ويتزوج ومايعيبه شي!!! مايعيبه الا جيبه!! اما البنت تندفن بالحياة وتعيش تحت بند الموت البطئ هاذي النظرة للبنت كلنا نعرفها وفاهمين مدى ظلمها للبنت بشكل قاسي،، ومهما حاولنا وكبتبنا وقلنا ووعينا المجمتع راح تظل النظرة للبنت ناقصة وهي اساس البلا،،، عشان كذا ماراح نتعب عقولنا ونخاطب العقول المتحجرة ولكن نتجه لاصحاب الشأن اللي هي اختي واختك واخت فلان وعلان وفلانه وبنت فلانة ونتكلم ونقول ونسرد عبر ومواقف وهي ساعتها اذا حست انه فعلا الموضوع من جد وان الزمن ماهو ذاك الزمن والناس اتغيرت والقلوب اتحجرت والنفوس استشرت وقتها هي راح ترفض فكرة الحب والوهم والصداقه وراح تحسب الف حساب قبل انها تعطي فرصة لعقلها يتعمق باشياء زي كذا ووتحس فعلا انه الموضوع خيط رفيع بين بين حياه طبيعيه هادية وبين حياه كلها سهر وتفكير وسهر وتفكير مستمر ومرهق وكله ذا بسبة شي اسمه صداقة اللي هي بنظر بعض البنات عفوية وانه ماراح يضرني سوالف شات وهذا حدي وماراح اعطيه مجال ووووو بس بالنهاية تتعمق بدون ادراك وشعور،،
ودي احكي ولكن اعذريني اختي الافكار مشتتة ولكن باذن احاول اكتب مقالات وانزلها عشان خواتي يستفيدون منها ويقيسونها على واقعهم

لاحول ولا قوة الا بالله