|
المساعده
بسم الله الرحمن الرحيم السلام عليكم ورحمة الله وبركاته يسعد مسائكم بكل الخير حبيت اني اطرح عليكم مشكله ارجوكم تساعدوني انا جاني عرض وظيفة في القصر الضيافه الملكي بمكة اوكي واحد قال لي انو الوظيفه على بند الأجور وراتب 3600 ياريت تفهموني على بند الأجور وكيف نظامه وشكرا لكم |
السلام عليكم ورحمة الله وبركاتة
الله يوفقك ويرزقك وان شاء الله تتثبت اللي انا اعرف ان بند الاجور يعني تعاقد معاك فترة فقط ممكن شهر شهرين واكثر وممكن يصل لتثبيت بعد كذا بس اذ ثبت اكيد يكون الراتب اكثر من كذاا بالتوفيق لك يارب |
وعليكم السلام ورحمة الله وبركـاته
أشتغلت بوظيفة نادل ( تقديم الطعام ) بقصر الصفا ( الضيافة ) على بند الأجور بدأت بشهرين وكملت لمدة سنة وأستقلت لأن كل بعد فترة يجددون العقد ،، سبحان الله اليوم الي قدمت فيه الأستقالة .. بعدها بأسبوع تم تثبيت زملائي برواتب مجزية تسمح لكل واحد فيهم بأن يفتح بيت خاص فيه .. لكن ربي ما كتب لي وخيره إن شاء الله كانت تجربة ممتعة ويا كثر العلاقات الي واجهتني كروت شخصية لرجال أعمال كثير كانت في المحفظة..الحمدلله لا أوصيك بالمواظبة وعدم الغياب ولله يوفقك. |
السلام عليكم
مسائكم خير كيفكم اخباركم شكرا على كل تعليق بس اوجه السؤال لي اخ ادارة منشئات انا رحت على القصر الضيافة اوكي والي ماسكه القصر فندق انتركوتنيتال وشرح لي الراتب 3300 مع زيادة السنوي اوكي بس سألت الي هو مدير شئون الموظفين هل نحن السعوديين نكون على بند الأجور وكيف يتم تثبيت على بند الأجور ؟اجور منكم يااخي الكريم تجاوب علي وشكرا لكم |
بالنسبة للزيادة السنوية موجودة .. غير التبسي الي يدور عليكم رمضان والحج ،، كيف انتركوتنيتال ماسك الفندق ( يعني شركة مشغلة ماسكة التوظيف وقاعدين يطلبون موظفين يتعاقدون معاهم على بند الأجور ( سعودي أو أجنبي ) كلهم يوقعون على العقد اول حاجة لمدة شهر او شهرين .. وإذا ناسبتهم وشافوك ولد لبق وحبوب وعملي بنفس الوقت .. ما يتم تثبيتك على طول لكن يمددون معاك مدة العقد توصل لسنة أو سنتين .. خلال المدة الي أشتغلت فيها تكون ماخذ خبرة في مجال عملك تنفعك .. وتقدم على وظائف أخرى وأنت على رأس العمل
أغلب الشركات الي توظفت فيها دائما في البداية يتم توقيع عقد بند أجور أو عقد تجريبي لمدة معلومة على سبيل المثال .. عندك وزارة الصحة .. هذول الموظفين الي تشوفهم لابسين لبس الصحة ويعملون جولة على مناطق مكة إستبيان لكل بيت وتوعية من حمى الضنك والخنازير ( الله يعافيك ويعافينا ) .. هذول معضمهم على بند الأجور مو الكل متثبت عليها ، وحتى البلدية .. في كم قطاع حكومي بنفس الطريقة بس لمن تجيك شركة زي انتركوتنيتال وتتعاقد مع قصر الضيافة يعني مو فأي مكان .. بمكة المكرمة أنت ممكن تطول مدة التعاقد توصل لمدى طويل تخليك تتنوع فكل الأقسام بالقصر. بديت 2800 يوم كنت اقدم طعام وزملائي نفس الطريقة .. شوف الأن كل واحد فيهم يستلم 5465 وعندهم تأمين طبي ومرتاحين نفسية اهم حاجة. وأي خدمة إحنا حاضرين الله يوفقك |
انتركوتنيتال هم قالوا انت موظف في قطاع خاص مافي على بند أجور كيف
|
إذا أنت موظف بقطاع خاص بمجرد توقيع العقد خلاص تكون موظف لغاية ما تستقيل
على بند الأجور .. فترة لمدة معلومة لغاية ما ينتهي المشروع ويتم تقديم خبرات وإقالة الموظفين. |
كيف اعرف اني على بند اجور
|
اسأل نفس الموظف الموجود بالموارد البشرية .. قول
الله يعافيك العقد الي يتم توقيعه بإدن الله على بند الأجور ؟ تجيك إجابة مختصرة من الموظف |
هم قالوا لم سألتهم قالوا مو عبد بند الأجور انت على قطاع خاص
|
| الساعة الآن 10:31 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين