معهد الدراسات العربية ، والضحك واللف ..
 

بسم الله الرحمن الرحيم ..

السلام عليكم ورحمة الله وبركاته .:

أبي مساعدتكم ومشورتكم وارائكم بخصوص الموضوع اللي سأذكره لكم ... من البداية للنهاية .

انا قبل سنه فكرت اني اخذ شهادة حاسب آلي رحت معهد الدراسات العربية للتدريب ..

في الطائف .

المهم رحت لهم وقلت ابي دوره حاسب آلي تكون معتمده من الخدمه المدنية .

قال لي طيب في حاسب آلي إدخال بيانات ومعالجة نصوص مدتها 6 شهور .

قلت طيب سجل لي فيها بمبلغ وقدرة ماني متذكر كم .. وبديت ادرس عند مدرس مصري..

ومر شهرين وجاء اعلان عن دورة كامبردج حاسب آلي ورحت للاستقبال وسجلت فيها .

بمبلغ وقدرة .. مدتها 6 شهور . المهم عدت الشهور بسلام واختبرت وخلصت واخذت الشهادتين

من المعهد ..

وجات الاجازة الصيفيه العام الماضي

.. وانا مريت من جنب المعهد تحديداً في رمضان شفت إعلان جديد


دورة منتهية بالتوظيف



المهم رحت للموظف بالاستقبال واستفسرت عن الدوره المنتهيه بالتوظيف .


قال لي تدرس 6 شهور فقط إنجليزي وبعدها تتوظف قال بلاش على شركة التوظيف

بس التسجيل بفلوس

قلت طيب سجل بـ 500 ريال, وسجلت وجاب لي تعهد من الشركة بعدم الانسحاب

وإلا دفع غرامه ماليه قدرها 10.000 الاف ريال


المهم وقعت على التعهد ذى وسجلت وبدت الدورة تقريبا في شهر 1 السنه ذي .

ودرست الين شهر 6 في نهاية 6 تقريباً الشهر الماضي ..

واختبرت وخلصت ، ومريت الاستقبال أسال الموظف عن التوظيف لأنهم وعدوني بهم .

قال طيب أنت ماخلصت :y قلت كيف يالطيب ما خلصت وانا دارس 6 شهور :r


قال لا باقي حاسب آلي ، قلت حاسب آلي وش نوع الدورة قال إدخال بيانات ومعالجة نصوص


قلت له طيب يالحبيب انا درست حاسب آلي إدخال بيانات ومعالجة نصوص وهذي الشهادة

من معهدكم تثبت إني درست عندكم العام الفائت .. قال لا يالطيب :mad:

لازم تكون بتاريخ 1434 :g قلت طيب هذي من عندكم بتاريخ 1433 .

وش فيك انت صاحي ولا :q .


قال انا مالي دخل الشركة بالرياض طالبة بتاريخ السنه ذي ..

قلت له طيب والحل قال ادرس حاسب :mad: يا إلهي يا خي انا دارس حاسب

وذي الشهادة قال لا ادرس مره ثانية من جديد :d .

قلت كيف ادرس من جديد وانا درست وذي الشهادة قال لا نرفع أسمك للمؤسسه

وتجي تختبر بس ..

قلت له طيب خلاص ما ابي الشغله ذي كلها أبي شهاده الانجليزي اللي درسته 6 شهور

قالت تستلمها في 1/ 8 الشهر القادم ..

قلت طيب والتعهد اللي مع الشركة وموقع عليه أنا قال لي قدم إستقاله :cool:

قلت له انا موظف على شان اقدم استقاله قلت له لا ماني مقدم يسير خير وطلعت من المعهد

زعلان ومتضايق من اللي سار . كنت متأمل اني اتوظف هالشهر لكن طلعي لي بكلام جديد وضحكوا علي :mad:

ودراسه 6 شهور إدخال بيانات ومعالجية نصوص مره أخرى وإعادة وانا دارس حاسب ... "P

وش رايكم يالربع وش تشورون علي أسويه .. :b

يا اخوان مافي احد عنده خبره في التعامل مع مثل هذه المشكلات ..؟

اخي الكريم :
اخذ نسخه من جميع الاوراق الثبوتيه والمستندات والشهادات
والذهاب الى اقرب فرع من ( المؤسسه العامه للتعليم الفني والتدريب التقني )
ورفع شكوى رسميه بكل الحاصل وان شاء الله تاخذ حقك وزياده

وصدقني بالاخير يبوسون رجلك
ترى سمعه المعهد فوق كل شي عندهم
وتقدر تطالب بتعويض على كذبهم وخداعهم لك والمراوغه
بحيث انهم قالوا لك في البدايه سجل انجليزي وتتوظف مباشره
ما قالوا لك سالفه الحاسب صح

اخيراً وليس اخيرأ

ما يضيع حق وراه مطالب

اذا حاس ان لك حق وطالبت فيه
ويشهد الله تاخذه وزياده
ودائما رب العباد مع المظلومين
الله يقول أمش يا عبدي وأمشي معك
بالمعنى يعني لازم فعل الأسباب ما فيه وحي بينزل عليك وانت ماطالبت بحقك
طالب , ما يطالب الا الرجال

الحمدلله إني حصلت أحد رد على الموضوع ...


شكراً لك أخوي والله يجعلها في موازين حسناتك ...


سالفه الحاسب لم تذكر إنما الانجليزي فقط ..

وانا اليوم بروح لهم واشوف حل ، وإذ ما في فاايدة بشتكييهم ..

في قسم التعليم الأهلي

ترى المعاهد الأهلية يخافون من القسم هذا مرة لأنه هو المسؤول عن تقييمهم.