|
سنة أولى خضار ..من الصفر إلى المليون
بسم الله الرحمن الرحيم السلام عليكم ورحمة الله وبركاته كيفكم ان شاء الله بخير ؟ المهم لي أسبوعين أفكر أدخل سوق الخضار نسميه سوق الحلقة عندنا بالمدينة .. وبما أن بكرة الأربعاء وما عندي فيه اختبار "فراغ" قلت خلني انقز الحلقة العصر وفعلاً نقزت السوق واخذت ألف يمين ويسار وفوق وتحت طبعاً أنا كنت أشتغل في السوق لمدة 5 سنوات هذا الكلام زمان ايام كنت في خامس ابتدائي حتى نهاية المتوسط .. واليوم رجعت من جديد في منتصف الجامعة والله الوضع كان صعب فعلاً لأن أشياء كثيرة تغيرت كنت أتوقع إني راح أألف السوق بسرعه لأني قضيت طفولتي فيه لكن شعرت بخيبة أمل كبيرة ومن كانوا بالأمس كلهم سعوديين إلا اثنين أو ثلاثة اختفوا .. اليوم كلهم يمنين إلا اثنين أو ثلاثة طبعاً ما عندي راس مال لذلك فكرت أشتري عربية وأشتغل مثل أول .. وكالعادة اشتغل الشريطي الذي بداخلي بعد محاولات لإقناعه بالخروج وعدم الخجل وأنقز على يماني واقوله العربية للبيع ؟ لا .. اللي بعده .. يالحبيب العربية للبيع ؟ لا .. اللي بعده .. العربية للبيع ؟ ايوه بـ 250 ريال حشا لو أنت معها هدية ما أخذتها .. ويمين يسار يمين يسار ما فيه أمل ؟؟طبعاً سماحتي مسوي أكاسر مع الخلق وأنا ما معي ريال .. لكن صبركم ناوي على نية .. المهم حتى بعد المغرب وانا أدور عربية ولا لقيت .. واحد بكل بجاحة وجرأةة يقول تبغى رخصية فيه بس مسروقة! اعوذ بالله من الشيطان الرجيم شوف وين وصلنا؟ المهم لقيت يمنين ما عليهم طيبين واخلاقهم حلوة .. قالوا فيه خوينا يبغى يبيع عربيته عشان يسافر خلاص الفتى ضبحان يشتي يرجع .. قلت نادوه .. والله يجي وعربيته ما عليها خلاف لأن عندي خبرة بالعربيات (امحق خبرة) :m المهم العربية يابانية ومن السهل الممتنع ( لا يشيخ ) اعجبتني وقلت بكم قال عشانك 220 يا هوه جديدة ب 400 قال روح خذ جديدة ( بنص الجبهة ) المهم اشغل الشريطي اللي معي واقوله صلي على محمد .. اللهم صلي وسلم عليه .. هذا جوالي خذه وبيعه واللي يكتبه الله لك نصيبك .. ( بلاك بيري ) قال لا .. قلت يا مسلم يجيب لك قيمة يمكن أكثر من اللي أنت تبي!! قال ابداً ما أشتيه .. قلت طيب انتظرني اروح ابيعه وأجي .. قال خلاص .. وأنقز لأقرب محل جوالات وأبيع الجوال بتراب الفلوس ( 180 ريال ) وأجي راجع له .. وآخذ العربية على أذان العشا الوضع حتى الآن صعب جداً والله يا اخوان شعور غريب جداً وأنا أدف العربية بغيت أصيح هههههه لأني على طول تذكرت أيام كنت أشتغل وانا صغير وكنت أطامر في وجيه الناس وشقي حيل كانت العربية أطول مني والحين أنا أطول منها .. المهم بعد صلاة العشا طبعاً رفض اليماني المبلغ وقال اعطيك بـ 200 من الآخر .. حاولت فيه لين وافق إن أعطيه الباقي 20 ريال بعدين .. توكلنا على الله .. بعد العشا أنقز الحراج وانتظر ويمين يسار حتى طمرت بوجه واحد سعودي تبي عربية ؟ قال تعال .. ويلف فيني السوق كله وفي النهاية 5 ريال .. الحمد لله .. اللي بعدو .. وألف يمين ويسار واليمناء ما تركوا شي حتى في العربيات اشتغلوا وفي الموية اشتغلوا الله يرزق الجميع .. لكن قهرتني نظراتهم لي .. نظرات استغراب مع إني ما لبست الثوب .. حتى لا أحد يعرفني ينتبه لي .. المهم بعد ساعة بديت أتعوّد وأسترجع الإحداثيات القديمة ههههههه ويبدأ الإحراج يذهب شيئاً فشيئاً .. حتى جاني ذاك الموقف المخزي اللي بغيت أرتكب فيه جريمة الحمد لله اني تمالكت نفسي .. المشكلة انه سعودي.. طلب عربية وجيت معه وشلت اغراضة يمكن قعد يلفلف ربع ساعة المهم رحنا للسيارة وبعد ما نزلت اغراضة في الشنطة يمد وجهه يسار ويمد يده عليّ يمين وضام اصابعه ع الفلوس ويقول الله يعطيك العافية .. قلت اش فيك أنت ؟ أنا ماني قاعد أشحدك أنا أشتغل وهذا حقي :mad: .. قال والله ما تسوى ثلاثة ريال قلت اقول قفل فمك لو إنه ريال يعتبر حقي وغصبن عليك تجيبه أنا ما أشحدك ولاني بحاجتك.. شلت أغراضك وآخذ حقي أما تحوطر يدك كنها صدقة احترم نفسك .. قال اش فيك مسوي زعلان أنا متعوّد مع العربيات دايم اعطيهم كذا .. قلت لا بالله .. خذها هدية مني انقلع.. ويحاول فيني ولا أخذتها ويزيد فيها قلت والله ما آخذ منك شي لو تطير .. مشى وهو يضحك .. الموقف جديد عليّ كنت متوتر ولا اللي مثله حلال فيه الذبح خصوصاً مع الضحكة الأخيرة وهو ماشي .. استغفر الله العظيم .. المهم صارلي موقفين ثانية كل واحد أخس من الثاني .. الأول عجوز نادتني من بعيد وأجيها وهي واقفة تاخذ خيار المهم ساعدتها واخذت الكيس وأربطه وآخذ الثاني .. المهم بعدها اخذت الكيس من يدي واعطته ولدها الصغير ومشت .. واليمناء يضحكون علي ضحكة شماتة .. لا بارك فيك يالعجوز على ايش ناديتني طيب ؟ الموقف الثاني محرج حد النخاع عائلة سعودية نادتني الأم وأجي مستانس وتقول كم تاخذ قلت اللي يجي منك نقبله .. إلا بنتها تطامر عند أخوها تقول سعودي والله سعودي .. قله ما نبي .. قله ما نبي .. أناظرها مصدوم ومنقهر وش فيه السعودي ؟ الأم قالت تعال امش معي .. انا قفلت معي مشيت وتركتهم كله من ذا البنت الله يخليها تتزوج هندي .. المهم ما لكم بالطويلة بالأخيربعد ساعتين كر وفر طلعت بـ 20 ريال .. اللي هي حقت مين ؟ الباقي من فلوس اليماني :Thumbs_down: ههههههههههه عطيته ورحت أسلسل العربية بمكان سري ومشيت يا خوفي والله ألقاها بكره مسروقة !! لكن قلت اللهم اني استودعك اياها .. اللي بوصله لكم أنا دخلت السوق ..أدري إنها شينة أرجع أشتغل بالعربية بعد ما فارقتها وتغيرت نظرة الناس لكن هذي حيلتي وطلوع الدرج حبة حبة .. أنا ما جيت سبهللة وأرجع سبهللة مثل أول .. أول كنت ماني محتاج شي ولا أخطط لشيء بس أشتغل وألعب بالفلوس لكن الحين تغيرت الأمور وتطورت العقول وكبرنا .. انا قدام عيني هدف واحد وراح أركز عليه حتى أعرف أسراره وكل ما يختص به من صغيرة وكبيرة بإذن الله وهو ..( الذهب الأحمر :yaa: ).. أغلب اللي في السوق محتاسين فيه ولا أعرف السبب لكن أعرف شي واحد وهو إنه فيه طريقة أفضل بمليون مرة من بيعه في السوق وعشان كذا بواصل المسيرة.. اليوم كبداية بغض النظر عن الحالة الصعبة .. والمواقف المحرجة وبعضها ما ذكرتها لكم بغض النظر عنها بدأت بإيجابية .. اشتريت العربية وأكملت ثمنها من العمل عليها .. والمهم أني تعرفت على 4 أشخاص ووجدت أشخاص أعرفهم لم يتركوا السوق يعني ما شاء الله أكثر من 7 سنوات وهم مستمرين في السوق .. وهذي اعتبرها خطوة ايجابية في اليوم الأول لي .. ولكم باك .. أفضل ولكم باك حقيقي .. خرابيط بلاك بيري ما تنفع معي.. هنا الولكم باك صح لأن أهم شي في السوق هو تكوين العلاقات .. اليمناء ينظرون إلي بإحتقار وبعضهم بتعجب لكن لا يعرفون أنني مخطط على ذلك اليوم الذي أصبح فيه المورد الرئيسي للذهب الأحمر في المدينة المنورة وإن لم أكن كذلك فأسخسف بأسعارهم الأرض كما يحلو لي .. وأتحكم بنصف ما يصلهم منه .. بإذن اللي ما تنام عينه .. ليس حقداً أو حسداً لكنها لعبة الكباااار .. هي خطوة خطوة .. عربية ثم بسطة .. ثم .. ثم .. خطوة خطوة .. واليوم .. الخطوة الأولى .. دخلت السوووووق
|
[align=center][/align]ما شاء الله الله يوفقك ما دهورنا الا العيب والخجل وحنا مو لاقين ناكل
وان شاء الله اني مثلك قررت اني اشتغل في الحب حب ( جح ، بطيخ ) الا سوال وشو الذهب الي تتكلم عنه |
الله يوفقك ويرزقك ولايهمك احد !!! واصل يابطل راح يجي يوم من ينظر لك على قولتك باستغراب واحتقار وهما غرباء وانت ابن البلد راح يعودون لك ويطلبون مساعدتك ويمكن يشتغلون عندك وصدقني خذ خطة اخرى اشرك معك من ربعك واصحابك لو فقط يشتغلون ساعة حتى يربكون العمالة المسيطرة ترى الاجانب الان في السعودية في حالة ارباك وعدم اتزان ومامر عليهم تهديد حقيقي وانظمة اصعب من الان
|
حلو الاصرار والعزيمه بإذن الله اخرها الوصول للقمه
موفق يارب |
الله يوفقك يارب بساطة في الطرح وكلامك يحمس جدا جدا جدا
انشاءالله بتحقق هدفك بتفكيرك |
ماشاء الله الله يوفقك
|
الله يوفقك و يرزقك من واسع فضله
|
إستمر ..............................................
|
والله تعجبني ارفع لك عقالي اجلال وأحترام الله يوفقك محد جاء من الصفر للقمه اعرف شخص تخرج من الثانوي نسبته ماهي زينه وكان يبسط بسيارته اول ستة شهور استئجر محل بعد سنه تقريباً وسع المحل من فتحة لفتحتين بعدها استئجر المحالات كامله وموظف سعوي وسوق ويحلف لي ان المحل يدخل صافي اليوم ٥٠٠٠ ريال بعد فترة وظف ناس بالمحل وصار مهمته بس يجي يشرف وتطوور وضعه وصار مايركب الا اخر مديل وتزوج وفتح كذا مشروع ويقوول لو احصل وظيفه براتب ١٥ ماشتغلت الكلام هذا من ٢٠٠٢ واعرف الولد معرفه شخصيه شويت صبر بس
|
التوكل على الله
ثم الصبر وبذل الجهد مفتاح النجاح الله يوفقك لكل خير |
قصة ممتعة وبداية موفقة .. اتمنى تكمل لنا مايحدث لك في السوق
|
الله يوفقك ويرزقك من واسع فضلة ...
|
[align=center]
إستمر يا بطل .. .. فأنت على الطريق الصحيح وبإذن الله ستصل الله يفتحها عليك دنيا وآخرة[/align] |
ايه و الله عليك باليمانية .. يعجبني اللي عنده اصراار و تحدي.. نتمنى لك التوفيق بس لا تنسى تخبرنا وش يصير معك اول باول .. لان سالفتك هاذي تصلح مسلسل رمضاني..
|
عجبني فيك حماسك و روحك الطيبه
الله يسعدك ويرزقك كل خير هالدنيا ومحبة من عليها استمتع بصرارك ومثابرتك بتوفيق ... |
عاااااجل 13 رجب 1434 هـ - 2013/05/23 م انسرقت العربية:q توي جاي من السوق ..رحت بعد الفجر مباشرة متحمس وألقاها مسروقة رحت ألف بحراج المعاشق والله لو لقيته بتصير سااالفة بالله عليكم فيه عاقل يسرق سيارة ويروح يتكّس عليها (مشاوير يعني)؟ أكيد لا لأن الفلوس حرام طيب تسرق عربية وتشتغل عليها نفس الموضوع عموماً بالبداية كنت معصب ودعيت على من سرق لكن تراجعت بعد ساعة واقول إن كانه محتاج حلال عليه وفلوسها حلال عليه لكن إن كان حرامي يسرق ويبيع العربيات الله لا يحلله ولا يبيحه .. وعقبال نمسكه ونربطه على مدخل السوق مثل أبو حصين ههههههه الحمد لله النفس طيّبة ..صحيح راح راس المال (خف علينا يالراجحي):yaa: لكن تذكرت إن الفشل بداية النجاح وسلّمت أمري بخصوص من يسأل عن الذهب الأحمر يا هووو البصل معقولة ما تعرفون الذهب الأحمر !! شرف لي حضوركم ودعواتكم والله ترد الروووح لبى قلوبكم واحد واحد وبإذن الله هذا الموضوع راح يكون متجدد وأعطيكم المستجدات حتى أوصل للمليون وبعدها لازم تعذروني راح أكون مشغول في جزر الباهاما حتى أكون صريح والله ما معي حالياً غير 52 ريال فقط لا غير لكن معي اللي أفضل منها 1- رب العالمين 2- حسن الظن برب العالمين 3- طموح وهمة 4- أم على قيد الحياة 5- قاعدة رزق مجهول خير من رزق معلوم .. وهذي تقوي التوكل بالله .. اسرائيل حاصرت غزة وجوّعت أهلها ومنعوا الصيد لأسباب أمنية .. حدث ما لم يكن في الحسبان والله العظيم جاءت الأسماك تقفز الى الشاطئ ترمي بنفسها واللي مو مصدق يسأل ويبحث في قوقل الخبر قريب والله طلع صحيح |
صباح الخير
ويعطيك العافية متابعين ..... |
[align=center]
يااااااااااااااااااااااا الله .. ما شاء الله عليك لك همة عالية علو السحاب .. والله ان كلامك أثر فيني بشكل كبير .. الله يرزقك من حيث تحتسب ومن حيث لا تحتسب ويبارك لك في كل ما تملكه يارب .. أخي الكريم .. يبان عليك ان عندك عقلية تجارية .. فاقترح عليك توظيفها في عمل يوصلك بإذن الله أسرع من لو بدأت بهالطريقة من تحت الصفر ؟!! ماهو ضروري تبتدي من سوق الخضار .. ممكن تأجل هالخطوة وترجع لها مستقبلا بشكل افضل .. بسيارة مثلا او وانيت وتشتغل بحجم أكبر . وتوصل للي في بالك مع المثابرة .. [/align] |
واجب علي احترامك
|
وين التجار عنك مايساعدونك
مثل الحضارم يساعدون بعضهم |
اقتباس:
ابشركم لقيت العربية "P رحت السوق بعد المغرب والله مو نيتي أدوّر العربية لكن شفت اليماني اللي باعني اياها وأنطحه قلت له العربية انسرقت قال الحلال ما يضيع العربية موجودة .. قلت يا ولد يا هوووه من جدك أنت ؟ قال والله موجودة ويتصل على صاحبه ويجيبها .. السالفة وما فيها إن فيه يمناء اتصلوا عليه قالوا لقيينا عربيتك مرميّة في مكان معيّن يحسبون إنها عربية خويّهم اليماني ما يدرون إنه باعها عليّ .. قالوا له لقينا عربيتك يمكن مسروقة منك .. فأبو يمن ما قصّر قال لهم ايوه مسروقة جيبوها .. وخلاها عنده قال قلت في نفسي أكيد مسروقة من صاحب الحلال .. قلت والله العظيم ما قصرت الله يجزاك خير قال انا ودي لو أعرف بيتكم كنت أجيبها لك البيت لأني شفتك بعت جوالك وكذا .. أكيد ضبحان ههههه والله العظيم أحرجني بأخلاقه محترم لأبعد الحدوود .. قال خذها اطلب الله قلت والله ما آخذها لأنها كانت مع صاحبه هو اللي لقاها وكان يشتغل فيها مؤقتاً وشرى لها سلسلة وقفل جديد .. قلت والله يستاهل .. خليه يشتغل عليها يومين ثلاثة وأنا أجي آخذها منك .. لي عودة ان شاء الله |
اقتباس:
وحنا في إنتظار عودتك يابطل والله يرزقك من أوسع أبوابه .. إنه جوادٍ كريم[/align] |
والله مواقف كثيرة ضحكت فيها الله يسعدك يا رب
.. |
ماشاء الله تبارك الله عليك عسى الله يوفقك ويوسع عليك وأن شاء الله مع الصبر والأجتهاد راح تتحقق أهدافك ....
|
اقتباس:
آخي الغالي اسمك جميل جداً .. يخوي ما معي سيارة التكاسي حفظوا وجهي :d وما هي شينة والله أهم شي النية ترى البداية من الصفر لها طعم خاص حتى ولو كانت صعبة ولو تدقق أنا هدفي فهم السوق لو إني أبيها مصاريف وبس حراسة أمن ما قالت شي صارت الرواتب 3 آلاف الحين لكن أنا الهدف الأول فهم السوق ومنها مصاريف .. حتى الآن أخذت معلومتين مهمة جداً وما كنت أتوقعها .. 1- البصل مستورد من خارج المملكة 2- السعر شبه ثابت يعني التغييرات بسيطة ومن فترة لفترة .. مو مثل الخيار والطماطم وغيره .. المعلومة لها طعم خاص وتلصق في المخ لما تنزل بنفسك وتبحث عنها .. ولا زلت في البداية عندي 100 سؤال ثاني وراح أبحث حبة حبة بهدوء تام .. أفضل الأنواع والمطلوب بكثرة ومين الموردين الأساس وكم مدة حفظ البصل في المستودعات وغيره وغيره .. المهم التركيز :s أما بخصوص تقول عندك عقلية تجارية جزاك الله خير لكن بدري علي صحيح اشتغلت في أكثر من شغلة لكن هذا مو معناه إني صرت عقلية تجارية أنا أشوف أهم شي بعد الخبرة هي العلاقات يعني اذا شفت شخص خبير في السوق وعنده علاقات واسعة هذا عقلية تجارية .. أما أنا تقدر تقول تجارب بسيطة ولا أخجل منها .. أنا اشتغلت عبر الإنترنت أنشر اعلانات .. والحمد لله لقيت طلب لكن ما استمريت بحكم إنها مملة وتجهد العين يعني تخيل انشر الإعلان الواحد في 3 ساعات وراحتي فيها قليلة لو أخذت راحتي أنشر الإعلان الواحد في6-7 ساعات :d عشان كذا تركتها .. عيوني تعبت .. أنا الحين أحضر لتجربة جديدة وراح أكتبها لكم إن شاء الله حالياً كل تركيزي على رفع رأس المال وبإذن الله أنجح بإذن اللي ما تنام عينه .. شكراً لكم ولي عودة بإذن الله لكل من أكرمني بالرد والتشجيع |
ياسلام عليك ... ياليت كذا تبدأ بالتسجيل في مذكرة كبيرة وتدون فيها المعلومات وأسماء التجار ... ترى مع الوقت راح يصير نسيان أو تتشربك عليك المعلومات ... وسجل في بداية المذكرة (( هدفك )) وهذا راح يعطيك دافع أكثر وأكثر ... الله يوفقك ويحقق مرادك
|
اقتباس:
الله يوفقك وعقبال ما نشوف من كبار التجار واذا احتجت اي شي لا يرد ولا شي حتى لسانك :do5h: والله اني اقولها صادق اذا احتجت اي قول اعتبرنا اخوانك بالتوفيق |
الله يوفقك ونشوفك من الاشخاص المرموقين بالسوق السعودي واصل ولاتوقف
|
خذ نفـس عميــق الله يسعــدك ويكثــر من أمثــآلك انا مستعد إفتح لك محل واشتغل معه فيك هنا في الرياض بكرة اذا تبي وتسددني من راتبك يابطل لين تدفع نص قيمة مشروع ونصير اثنينا راعين حلال الارباح نص بنص مكيفات اسبليت ودباب توصيل وعامل ودعاية في مطاعم الخ .. وفي مكان مميز انشاء الله لكن انت تقول انك تدرس , اذا تقدر تسوي نقل من جامعة الى جامعة هنا في رياض او تسوي اعادة قيد هنا في رياض , يعني تسحب ملفك وتقدم نفس تخصص هنا في رياض اعادة قيد نشوفلك واسطة ابشر بعزك اثرت فيني يوم ما خذيت عربة المسروقة يا رجل لوووول لا تواصل معي وابشر والله بالخيرات وليرات تحيـــــــــــــآتـــي . . . |
zzz___222@hotmail.com zzz___222@hotmail.com zzz___222@hotmail.com zzz___222@hotmail.com ههههههههههههه تحيـــــــــــــآتـــي . . . |
| الساعة الآن 01:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين