محتاج خبرتكم ودعمكم ومشورتكم وتوجيهاتكم في مشروع " مساج"
 

السلام عليكم

إخواني بعد التحيه والسلام

الله يوفق الجميع ويرزقهكم من فضله

انا املك 300 الف وألغى أبغى أبدا مشروع الراتب ماااااااايجممممل

وممكن اكمل على 300 بقرض من البنك

بصراحه مشروع المساج انا كنت في رحلة علاج في الرياض لمدة شهرين واخذت جولة على المحلات كلها حجوزات

اعتقد مشرووووع ممتاز جداً

محتاج دعمكم واجاباتكم على استفساراتي /

1- كيف أبدا ؟!
2- الجهة المسئولة ؟!
3 فلبنين ام اندونسين ؟!
4- كيف انتج شورتات من لبسه وحده من حق العميل ؟!
5- اقتراحاتكم واضافاتكم
6- محتاج دراسة جدوى لهذا المشروع ولو مقابل مادة ؟!؟!
7- رايك كونك مرتاد للمساج هل البخار والساونا والجاكوزي مهم بالنسبة لك ؟!
8- رايكم في تسعيرة الجلسه لمدة ساعه 120 مساج فقط 160 استخدام المرافق الاخرى
9- كيف اعرف انواع المساج ؟!؟!
10 - هل يكفي كبداية اخصائي علاج طبيعي اثنين فقط ؟!؟!
11 - اين يتم بيع لادوات الخاضع بالمساج من سرير وزيوت و و و و و الخ ؟!؟!
12 - هل وجود كافيه داخل المركز مهم وأضافه ؟!؟!
13 - احتاج مصممين ديكورات متخصصه في المساج ؟!؟!


انتظركم يا رجال لا تحرمونا


الله يوفق الجميع يارب

أخوكم
محمد

والله المشروع في بالي من زمان بس بحثت كثير عنه
ومالقيت اي جواب !!!
يارب يكون موضوعك هذا بداية للأنطلاقة
طبعا انا افكر في محل مساج فقط بدون علاج طبيعي

استغفر الله

والله مشروع ناجح ياخوك ..


بس عند فكره اختار مكان منـآسب .. يعني ييكون بجانب نادي مافيه مساج .. بحيث يكون مغري لحقين النادي .


وغير كذا اخوي يعني خل عندك عروض حلوه للشخصين .. بحيث ان محد يجي لحاله كل وواحد يجيب احد معه يعني يبيلك تفكير شوي ومن ناحيه ناجح فهو والله ناجح .. بس تعرف التجاره بالبدايه خساره وبعدين بتعرف الايجابيات والسلبيات وخلك انت مشرف على المحل يعني مو تفتح المحل وتجيب عمال وتجلس بالبيت وتنتظر الفلوس تجيك .. لا لازم تشرف وتكون حريص وانتبه من بعض الفلبينيين .. ومن ناحيه الشاطرين بالمساج انت رح جرب بمحل مساج عرفت .. وكلم الفلبيني قله كم راتبك ترى رواتبهم من 1000 الى 1500 .. اعرض عليه 1800 وقله اذا شفتك اشتغلت زين وجبت زباين وذمتك بالشغل حلوه ومشى المشروع حقي بزودك راتب .. وشف كيف بيمشون لك المشروع هم



وعسى الله يوفقك واي خدمات ثانيه لايردك الا الخاص

والله ي اخ محمد المشروع حلو وبفيدك باللي عندي ..

الجهات المسؤلة أعتقد الهئية من ضمنهم ..

والعمالة أتوقع الاندنوسيين .. والديكور اقترح تروح محلات المساج وتشوف ديكوراتها و اقتراح أفضل انك تروح اندنوسيا وتشوف الديكور الاصلي .. ولو تجيب عامل متمرس من هناك يكون أفضل ..

بالتوفيق لك

يعطيكم العافيه شباب

آراء وافكار جداً مهمه

بس احد يدلنا على شخص يعمل دراسة جدوى للمشروع

بانتظار إضافات الاخوان الباقيين

*

لا جوابات !!!!!!!!!

اللي عنده خلفيه عن رخصه محل مساج من البلدية ام الشؤون الصحية ؟! مع العلم ليس لدي سجل تجاري ؟!

اريد خبراتكم ؟ مالعمل الان ؟! اريد ان أبدا ؟! كيف هي البداية ؟!


ارجوووكم سعادوني

من نواحي الورق والإجراءات القانونية ما عندي فيها أي خلفيه روح اسأل بالبلدية او معقب او محامي تخليص عقود وتأسيس مؤسسات
لكن انقل لك خبرتي بهالمجال
اهم شئ في اختيارك في المكان الذي سيقام عليه المشروع هو وجود باركنج للسيارات علشان العملاء مايطفشون بسبب مو لاقين ركنة لسياراتهم
وثاني شئ مثل هال مشروع لو تبغي تكسب من اول يوم وتجني الأرباح لازم تخصص مبلغ محترم للدعاية لانه يعتمد بنسبه 90بالمية علي الإعلانات الدعائية للمكان في الجرائد الكبيرة بالوسيلة إعلانات إنترنت إعلانات علي الأيميل ان إعلانات علي الحوال وأبشر كل ريال راح تدفعه بالإعلانات راح يرجع لك من خلال الزبائن والعملاء ويكون عندك موظف استقبال لبق حسن المظهر عنده قدرة عاليه علي الإقناع وحب الناس مهم جداااااااااااااا ويقدر يقنع الناس بالاشتراك والتنسيق ،العروض الدائمة المتجددة والمغريه والأفضل الاشتراكات الشهرية انت المستفيد لما المشترك يدفع ثمن عشر جلسات مثلا بدلا من ان يدفع جلسه جلسه وهنا سر المكسب الكبير الاشتراكات الشهرية
واهم اهم اهم شئ في مثل هذه المشروعات الوقوف بنفسك علي يد الموظفين والعمال لانه من أسهل المشروعات التي ممكن ان تسرق ويبكون بالاتفاق بين الموظفين الي عندك بالمكان، يجئ العميل ويعطوه فاتورة وكل شئ لكن بيكون معاهم دفترين فواتير دفتر فواتير لسرقة صاحب المكان ودفتر فواتير يعطونه لصاحب المكان، هذا الافتراض الاسؤ، ان شا الله الله يرزقك بالموظفين أولاد الحلال الذين يخافون الله فيك
مع العلم ان مثل هذه المشاريع إذا فعلا اهتميت بها ستدرعليك مئات الألف من الأرباح ان نفذ مثل ماانا اعرف وافهم
ويارب أكون أفدتك ولو بالقليل وأي استفسار حاضرين
وفقكم الله فيما فيع الخير لكم

حتى يجد اخونا مخرج هل ممكن الحاق " المساج " بخدمات الحلاقة الرجالية وحمام البخار الخ ؟؟؟؟؟

اخوي صاحب الموضوع .. دراسة الجدوى اهم شي ولا تنسى ان هالنوع من المشاريع احيان يكون فيه تجاوزات من قبل بعض العمال فوجب اخذ الحيطة والحذر ..