حلول البطالة Unemployment Solutions - شركة سعودية في الخبر توظّف 5 آلاف هندي

حلول البطالة Unemployment Solutions (https://www.btalah.com/index.php)

- الفساد والجــريمة (https://www.btalah.com/f23.html)

انا لله وانا اليه راجعون

السلام عليكم
حياك الله
الله يرزقنا وياهم .. هم يطلبون يترزقون مثلنا .
الشرهه مهيب عليهم .. الشرهه على هالشركه السعوديه الي اشبهها بالنخله العوجاء الي تطيح ثمرها في غير حوضها .
للأسف إن هذا حال كثير من الشركات الي تعتبر ابن البلد مثل الوباء الي ضروري إزاحته والقضاء عليه .
العامل الاجنبي يجي وحاط في باله الشغل وتحصيل الماده فيتحمّل الكرف من دون ما يقول ولا كلمه غير ان أغلبيتهم يجون من دون عوائلهم يعني ما عنده ضغط نفسي داخل السعوديه .
اكيد اغلب المسئولين في الشركه اجانب وهذا فيه تأثير كبير على نوعية العمالة في الشركه .
لولا نظام السعوده كان ولا سعودي شم ريحة الوظيفه في القطاع الخاص ونستثني من هذا بعض ارباب العمل الي فيهم حميّة ووطنيه وحب الخير لأهل بلدهم .
ومع هذا احمّل ( بعض ) الشباب السعودي المسئولية في ان بعض الشركات تتخوف من تشغيلهم بسبب عدم انتظامهم وجديتهم في العمل يعني سواها البعض وطاح فيها الكل ( الخير يخص والشر يعم ) .
الله يصلح الأحوال
تحياتي لك

ابو هناد مستانس

مؤسف جدا هذا الحال .. !!!

مثل ماقالو الاخوان الشرهه مو عليهم هذا شي وجاهم يرفضونه طبعا لا ولكن الشرهه على اللي تارك اي احد يلعب على كيفه ياخي السعوده احسها ضحك على الذقون اي سعوده واي كلام فاضي ويقول نسبه من الشركه اي نسبه من الشركه اللي هم ادنى وظائف يعني تلقى شركة نسبة السعوده فيها 80 او حتى 90 في الميه و10 في الميه غير سعوديين تجي تجمع رواتب هال90 فيه الميه كلهم شهريا تطلع اقل من رواتب ال10 في الميه اي سعوده واي كلام فاضي حتى شوف اغلب الوظائف اللي تطرح 90 في الميه او اكثر كلها وظائف عاديه ورواتب قليله حسسوني اني مابقى احد غير سعودي في الوظائف الاخرى المفروض وزارة العمل تمهل جميع الشركات خمس سنوات بحد اقصى لتغيير جميع غير السعوديين الادارين او اي واحد راتبه يتعدى 4000 ريال الى سعوديين هم اولى واعتقد اي شركة تتحجج بعدم الخبره الخمس سنوات كافيه وزود لان يتعلم الموظف السعودي ويكتسب خبره ولا فالحين بس يعلمون الغير سعودي ويصبرون عليه كلامي هذا لايعني تحاملي على غير السعوديين ولكن ولد البلد اولى

الرازق بالسماااا والحاسد بالارض