|
إلأن وظائف رواتـب تصـل لـ 6000 عدد محدود
إلسلام عليكم ورحمة اللـه وبركاته ،، الان وظائف شاغره حراسات امنيـه ، في الريـاض رواتب مغريـه ومكافئات وحوافز دوام 8 ساعات ، الراتب ، يبدأ من 4500 ومأفـوق الشروط : شهادة الثانوي انجليزي. اللباقة وحسن المظهر التصرف . الجدية والالتزام بالعمل ^ اللي ثانوي ومعه انجليزي ، عدد محدود ،، ونقفل التوظيف بالنسبـه ثانوي ومتوسط وابتدائي مفتوح حالي العدد بالنسبـه للشهادات ،، ثانوي ، ومتوسط ، وابتدائي يبدأ الـراتب من 3000 ومافوق الشـروط : متوسط ابتدائي ثانوي اللباقة وحسن المظهر والتصرف الجديه والالتزام بالعمل الموقع : الريـاض ج/ 0548888518 إخوكم : فـهـد |
جزاك الله خير
|
ويـأك يالغالـي |
ياليت تحط ايميل للشركه علشان نرسل سي في
المهم الي مامعه انجليزي بس مع دبلوم ؟ |
كان فيه موضوع برواتب 3 الاف والظاهر ما حصلت احد او تفاعل
حاولت تستذكي على الضعوف بقصه الـ 6 الاف واذا احد بيتصل عليك ومعه ثانوي الاجابه ممكن تكون تم الاكتفاء لكن متوفر راتب الـ 3 الاف هذا فقط تحليل لسلوكك في القسم تبي المسكين يكرف 8 ساعات حارس امن وله 3 الاف ترا في باقي الشركات الراتب اكثر |
الله من الكذاب يا صاحب الاعلان
تم الأإتصال وتم الإكتشاف ان الشركه دجه في دجه والله على ما اقول شهيد واصلا شركات الأمن مع احترامي كلهم نصابين يعني من النادر تلقى شركة أمن تحترم موظفها همها الأول والىخير الدراهم والموظفين ياكلون تبــن ( وانتوا بكرامه ) انا مجرب اغلب الشركات والله انهم دججججججججه وماعندك أحد لكن نسأل العافيه والستر ونعوذ بالله من الطمع وحب الدنيا |
حارس امن ومعه انجليييزي......مهد لكم سالفه.....الموقع شكله بيخرب اما من المواضيع المبالغ او المكذوب فيها.او.من شروط هالوظايف اللي.مدريىوشىتبيىلغه و شبكات وخبرات.....ماجينا ندور وظيفه وانا متوظفين قبل....خلونا نمسك وظيفه أحين ويصير خير
|
طيب وين الـ 6000 ماشفت شي في الاعلان بهالرقم:do5h::g
|
بالنسبـه ، للردود ، وجهة نظر وانا احترمها ،، واللـي يقول اتصلت وجيت ودجه في دجه ، عسى الـلـه يوفقك ويسهل لك امرك يارب وتحصل اكثر بالنسبـه اللي يقول استغلال اعلان قبل ثلاث انا موضح كل شيء انجليزي رواتبه تبدا من 4500 وعلى حسب الشهادات انا جاني واحد مع خبـره عسكريه وانجليزي احترم شهادته واعطيـه ، راتب فوق الاربعه وخمس ميه والثاني كفائه وبـــس << اعطيه اربعه وخمس ميه اوو خمسـه ؟؟ كلن على شهادته ،، واللي يقول ماشفت 6000 < موضح الاعلان ابتداء من 4500 ومافـوق لان مع المقابلـه الشخصيه يحدد الراتـب وموضح كل شيء بس بعض الردود يقرا وتسرع وبالنسبـه اللي يقول ، يكرف 8 ساعات واعطيه ثلاث الالـف ، روح لـ شركات الثانيه كم رواتبها واذا في شركات اكثر راتـب ، بالعكس اتمنى للكل الخير وعسى اللـه يوفق الجميع اعتـذر عن الاطـاله ي خوان وانا لوجه اللـه اسعى واوظف ، بالاخير لاذي ولا ذي من بغى وظيفه حياه اللـه وراح اخدمه من عيوني |
هل يشترط تأمينات اجتماعية ام اختياري
|
| الساعة الآن 07:47 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين